Cyfrifon Dysgu Personol

1. I fod yn gymwys ar gyfer y rhaglen, mae’n rhaid bod unigolion yn:

• byw yng Nghymru yn gyfreithlon
• 19 oed neu’n hŷn

2. Yn ogystal, mae’n rhaid bod unigolion yn:

• gyflogedig (gan gynnwys carcharorion ar ryddhad diwrnod, asiantaethau neu gontractau dim oriau) neu’n
• hunan-gyflogedig neu’n
• ofalwyr amser llawn (gan gynnwys heb dâl)

AC nid yw eu cyflog blynyddol sylfaenol yn uwch na £32,371 (Nid oes cap cyflog ar gyrsiau digidol, sero net neu Tata ar gyfer 2024/25)

3. Dyfernir unigolion yn anghymwys os ydynt ar adeg cyflwyno’r cais:

• dan 19 oed neu’n
• mynychu’r ysgol, addysg bellach neu addysg uwch yn amser llawn neu’n
• dilyn rhaglen Dysgu Seiliedig ar Waith a ariennir gan Lywodraeth Cymru neu’n
• wladolyn dramor anghymwys neu’n
• derbyn Grant Dysgu’r Cynulliad neu Lwfans Cynhaliaeth Addysg neu
• Yn ddi-waith (nad oes gennych gontract cyflogaeth)

Gall unigolion wneud cais uniongyrchol i’r colegau drwy Cymru’n Gweithio ar 0800 028 4844, neu ewch i cymrungweithio.llyw.cymru

Bydd y coleg yn gwneud eu gorau i fodloni anghenion pawb wrth gynllunio dyddiadau ac amseroedd i gynnal y cyrsiau. Mae’r colegau yn hyblyg ac yn ceisio darparu addysg sy’n cyd-fynd ag ymrwymiadau teuluol a gwaith pobl. Bydd eich argaeledd yn cael ei drafod yn ystod eich asesiad cyn-derbyn.

Gallwch. Fodd bynnag, os ydych yn astudio’n llawn amser ar gyfer gradd neu unrhyw gymhwyster ffurfiol arall ar hyn o bryd, ni fyddech yn gymwys.

Mae Cymru’n Gweithio yn darparu dull symlach at gefnogi cyflogaeth gan gynnig pwynt cyswllt sengl i unigolion, a thrwy hynny, gael mynediad at y cyngor a hyfforddiant arbenigol, unigryw sydd ei angen arnynt i ddod o hyd i, a chadw cyflogaeth hirdymor, dda. Mae gwasanaeth cynghori rhad ac am ddim yn cynnig cymorth wyneb yn wyneb i unrhyw un dros 16 oed sydd ddim mewn addysg llawn amser ac sydd eisiau sicrhau swydd. Mae eu cymorth cyflogadwyedd drwy Raglen Gyrfa Cymru Camau at Gyflogaeth yn cynnwys hyfforddiant swydd benodol, chwilio am swyddi, ysgrifennu CV, magu hydref, paratoi at gyfweliad a sicrhau profiad gwaith. Fe all yr
ymgynghorwyr arbenigol gyfeirio pobl i raglenni ble gallant gael mynediad at gymorth gofal plant a chymorth gyda thrafnidiaeth.  ellach, dyma’r brif sianel ar gyfer pobl sy’n chwilio am gyflogaeth a hyfforddiant.

Mae Llywodraeth Cymru yn ariannu 100% o gost y cwrs.

Bydd y cwrs yn cael ei ariannu 100% gan Lywodraeth Cymru. Fodd bynnag, bydd angen ichi sicrhau bod gennych yr amser angenrheidiol i ymrwymo i fynychu a chwblhau’r cwrs.

Na fydd, mae Llywodraeth Cymru yn ariannu’r cyrsiau Cyfrif Dysgu Personol yn llawn. Rydym yn deall bod amgylchiadau personol yn newid i unigolion ac efallai y bydd sefyllfaoedd ble na all cyfranogwyr barhau â’u cwrs. Ble mae unigolyn yn tynnu’n ôl o gwrs, a cyn gwneud cais am gwrs Cyfrif Dysgu Personol arall, byddent yn parhau’n gymwys cyn belled â’u bod yn bodloni’r meini prawf ar gyfer y rhaglen. Fodd bynnag, pe bai unigolyn yn rhoi’r gorau iddo fwy nag unwaith byddai Llywodraeth Cymru yn cynghori nad ydynt yn gymwys ar gyfer cyllid ar gyfer Rhaglen Cyfrif Dysgu Personol yn y dyfodol.

Noder, byddwch angen cysylltiad â’r rhyngrwyd a gliniadur/cyfrifiadur er mwyn cwblhau un o’n cyrsiau e-ddysgu neu rithiwr. Hefyd, byddwch angen meicroffon a gwe-gamera ar gyfer rhai cyrsiau. Gwiriwch eich bod yn gallu defnyddio’r offer hanfodol cyn cyflwyno eich cais.

1. Cyflwyno eich Cais Dechreuwch drwy gwblhau eich cais ar wefan Coleg Gwent. Bydd ein Tîm CDP yn ei dderbyn ac yna gweithredu.

2. Derbyn E-bost Gyda’ch Cynnig Ar ôl i ni gynnal gwiriad cychwynnol o’ch cymhwysedd, byddwn yn anfon e-bost atoch chi gyda’ch cynnig. Bydd hwn yn cynnwys manylion o’r dystiolaeth sydd ei hangen arnom i allu symud ymlaen.

3. Cyflwyno Eich Tystiolaeth Darparwch y dystiolaeth ofynnol o fewn 14 diwrnod. Bydd ein tîm yn ei hadolygu yn erbyn meini prawf Llywodraeth Cymru (Medr) a byddwn yn asesu’r cyllid sydd ar gael am eich cwrs o ddewis.

4. Addasu Eich Cynllun Hyfforddi Ar ôl cadarnhau eich cymhwysedd, byddwn yn eich cyfeirio at yr ysgol addas o fewn y coleg neu un o’n partneriaid hyfforddi dibynadwy. Gyda’n gilydd, byddwn yn cyd-greu cynllun hyfforddi i alinio gyda’ch nodau gyrfa.

5. Dechrau Dysgu Ar ôl cadarnhau argaeledd eich cwrs a chwblhau eich cofrestriad, mae’n amser dechrau ar eich taith ddysgu ar gwrs CDP wedi’i ariannu’n llawn!

Os ydych chi wedi cyflwyno cais am gwrs trwy’r cynllun Cyfrif Dysgu Personol (PLA), cynhelir asesiad cymhwysedd cychwynnol gan y tîm yn seiliedig ar yr wybodaeth rydych chi wedi’i rhoi ar eich cais.

Byddwch chi’n derbyn diweddariadau rheolaidd drwy neges e-bost drwy gydol y broses felly cadwch lygad allan am y rhain a dilynwch unrhyw gyfarwyddiadau a roddir. Efallai y bydd y negeseuon e-bost hyn yn mynd i’ch blwch sothach neu’ch blwch sbwriel.

Byddwch yn ymwybodol y gall y broses asesu a chyllid gymryd hyd at 21 o ddiwrnodau ar adegau prysur. Gall hyn fod yn sylweddol gyflymach os yw pob dogfen gymhwysedd rydym wedi gofyn amdani (e.e. slipiau cyflog a manylion adnabod) yn cael ei lanlwytho ar gyfnod cyflwyno’r cais. I sicrhau y gallwn ni brosesu pob cais cyn gynted â phosibl, gofynnwn nad yw dysgwyr yn cysylltu â ni am ddiweddariadau nes bod y cyfnod hwnnw wedi dod i ben.

Os oes gennych unrhyw ymholiadau ar ôl i chi wneud eich cais, cysylltwch â’r tîm drwy e-bost PLA@coleggwent.ac.uk.