Digwyddiadau Agored - Coleg Gwent

DIGWYDDIADAU AGORED NESAF

Dydd Mercher 19 Ionawr 2022
Digwyddiad Agored Addysg Uwch Ar-Lein
6pm

Dydd Iau 03 Chwefror 2022
Digwyddiad Agored Llawn Amser Ar-Lein
5pm – 7pm

Ydych chi'n ystyried dod i'r coleg neu astudio cwrs prifysgol?

Gall dewis y cwrs a llwybr gyrfaol iawn fod yn frawychus ac yn eithaf dryslyd. Pa un ai eich bod yn edrych ar gyrsiau Safon Uwch, cyrsiau galwedigaethol, prentisiaethau, neu cyrsiau addysg uwch, mae gan Coleg Gwent rhywbeth at ddant pawb, a’r ffordd orau i ddysgu’r cyfan sydd ei angen arnoch a chael atebion i’w cwestiynau sydd gennych yw Digwyddiad Agored.

Eleni, byddwn yn cynnal cymysgedd o ddigwyddiadau oddi ar y campws a rhai byw rhithwir, sy’n golygu y gallwch ddewis y ffordd orau i chi gymryd rhan. Gallwch hyd yn oed gymryd rhan ym mhob un! Gwiriwch ein hamserlen o ddigwyddiadau agored i weld y dyddiad ar gyfer pob dull mynychu.

Rydym hefyd yn mynychu ystod o ddigwyddiadau cymunedol yn ystod y flwyddyn, felly cofiwch chwilio am stondin Coleg Gwent i ddysgu mwy am astudio gyda ni, a’r hyn sydd gennym ar eich cyfer.

Cofrestrwch nawr!

Digwyddiadau Agored ar y Campws

Rydym yn cynnal cyfres o Ddigwyddiadau Agored ar eich cyfer drwy gydol y flwyddyn. Mae’r digwyddiadau hyn yn gyfle gwych i weld lle fyddwch chi’n astudio, gofyn unrhyw gwestiynau a chwrdd â rhai o’ch darpar diwtoriaid.

Cynhelir ein digwyddiadau ar y campws rhwng 5pm-7pm ar gyfer digwyddiadau yn ystod yr wythnos a rhwng 10am-1pm ar gyfer digwyddiadau ar y penwythnos ac maent yn rhoi’r cyfle i chi ddysgu popeth sydd angen i chi ei wybod am fynychu’r coleg.

Eich diogelwch yw ein blaenoriaeth, felly rydym yn cynghori pawb sy’n mynd i un o’n digwyddiadau agored ar y campws i gofrestru ymlaen llaw.

Dysgu mwy am gyrsiau amser llawn, rhan amser ac addysg uwch
Cael golwg ar y campysau a’r cyfleusterau rhagorol
Cwrdd â’n darlithwyr a dysgu mwy am yrfaoedd posib
Cael gwybodaeth am gymorth ariannol a theithio
Dysgu mwy am y cymorth dysgu a chymorth i fyfyrwyr sydd ar gael – yn y dosbarth a thu hwnt
Gwnewch gais yn y digwyddiad drwy lenwi ffurflen ymgeisio gyda chymorth ein staff arbennig

Rydym yn edrych ymlaen at eich gweld chi ar y campws ar gyfer ein digwyddiad agored cyntaf eleni. Mae’ch diogelwch yn bwysig iawn i ni, felly, cofiwch gofrestru ymlaen llaw ar gyfer y digwyddiad i osgoi ciwiau ar y diwrnod, ac i helpu’r digwyddiad i redeg yn ddidrafferth. Efallai y bydd ciwiau ac amseroedd aros hirach na’r arfer ac rydym yn ymddiheuro am hyn. Bydd cofrestru ymlaen llaw yn helpu i reoli hyn, a byddwn yn gwneud popeth posib i osgoi ciwiau.

Cofiwch wisgo gorchudd wyneb yn y digwyddiad agored, a dilynwch y rheolau COVID ar y campws hefyd.

Cofiwch:

Wisgo gorchudd wyneb ar y safle
Cadw pellter o 2m bob amser
Cadw at ochr chwith y coridorau
Defnyddio gorsafoedd diheintio dwylo ar y campws
Glanhau arwynebau gyda’r weipiau gwrthfacterol sydd ar gael
Gadewch yr ystafell/safle ar ôl i chi orffen i osgoi creu torfeydd

Helpwch ni i gadw ein campws yn ddiogel rhag COVID!

Digwyddiadau Agored Rhithwir Byw

Yn ystod ein Digwyddiadau Agored Rhithwir Byw, cewch glywed gan ein tiwtoriaid mewn ystafelloedd sgwrsio maes pwnc, a gallwch gysylltu â nhw drwy sesiynau Holi ac Ateb ar ein llwyfan rhithiol, sydd ar gael 365 diwrnod o’r flwyddyn.

Yn ystod ein Digwyddiadau Agored Rhithwir Byw, gallwch archwilio Coleg Gwent o ddiogelwch a chysur eich cartref, gan gynnwys:

Dysgu mwy am ein cyrsiau o weminarau gyda thiwtoriaid arbenigol
Dysgu am yrfaoedd posib
Cymryd cipolwg o’r campws a chyfleusterau o’r radd flaenaf drwy ein teithiau 360
Cael gwybodaeth ynghylch cymorth ariannol a theithio
Dysgu am y cymorth rydym yn ei gynnig
Siarad â thiwtoriaid a staff cefnogi a gofyn cwestiynau mewn ystafelloedd sgwrsio Holi ac Ateb byw
Ymgeisiwch ar-lein

Cynhelir gweminarau ein Digwyddiad Agored Byw mewn dwy sesiwn (cychwyn am 5pm a 6pm*), felly peidiwch â phoeni os ydych yn colli rhywbeth – gallwch fynychu’r sesiwn nesaf yn ddi-drafferth.

Y Sesiwn Gyntaf

5pm – Croeso i Coleg Gwent; bydd y cyflwynydd yn egluro’r digwyddiad agored rhithiol yn fras, a sut i lywio eich ffordd drwy’r digwyddiad.

5.15pm – Bydd ein gweminarau maes pwnc yn cychwyn, ac yn para oddeutu 20 munud. Yn ystafell sgwrsio ein gweminar byddwch yn gallu gofyn cymaint o gwestiynau ag yr hoffwch am bwnc penodol i’n tiwtoriaid cwrs profiadol.

5.40pm – Ein gweminarau ar Gyllid, Teithio a Chymorth yn cychwyn. Cewch ofyn cwestiynau o fewn ystafell sgwrsio’r gweminar yma hefyd.

Yr Ail Sesiwn

Bydd yr ail sesiwn yn cychwyn gan groesawu pawb am 6pm a bydd yr ail set o weminarau yn cychwyn am 6.15pm a 6.40pm.

Os oes gennych unrhyw gwestiynau am yr amserlen uchod, cysylltwch â’n tîm recriwtio myfyrwyr trwy helo@coleggwent.ac.uk.