Cymorth
Sut i wneud Cais am Gwrs Addysg Uwch
*Bydd cynnig eich cwrs yn seiliedig ar gymwysterau neu brofiad gwaith cyfwerth
Ar ôl dod o hyd i gwrs Addysg Uwch mae gennych ddiddordeb ynddo, mae gwneud cais yn hawdd – cliciwch ar y ddolen gwneud cais nawr ar waelod tudalen y cwrs o’ch dewis i roi cychwyn arni. Rhennir y cais yn bum cam hawdd, ac mae’n cymryd ychydig funudau i’w gwblhau.
Os hoffech fwy o wybodaeth, neu os oes gennych unrhyw gwestiynau, ffoniwch ein Tîm Recriwtio Myfyrwyr cyfeillgar ar 01495 333777 neu e-bostiwch helo@coleggwent.ac.uk.
Derbyn cynnig
Unwaith y byddwn wedi derbyn eich cais, byddwn yn ei asesu yn seiliedig ar y meini prawf perthnasol, ac yn cynnig lle amodol i chi yn y coleg. Mae’r gofynion mynediad yn dibynnu ar y cwrs rydych yn gwneud cais amdano, ac rydym yn rhoi ystyriaeth i brofiad gwaith hefyd. Os hoffech ddysgu mwy am y gofynion mynediad ar gyfer un o’n cyrsiau Addysg Uwch, cysylltwch â’n Tîm Recriwtio Myfyrwyr ar 01495 333777.
Derbyn eich cynnig
Bydd angen i chi dderbyn eich cynnig drwy fewngofnodi i’ch cyfrif Coleg Gwent. Os hoffech fwy o gyngor ac arweiniad cyn derbyn eich cynnig, gallwch ddewis yr opsiwn hwn a threfnu apwyntiad gyda’n tîm Recriwtio Myfyrwyr.
Sicrhewch fod eich cyfeiriad e-bost yn gywir ar eich cais, gan y byddwn yn anfon diweddariadau rheolaidd i’r cyfeiriad y byddwch yn ei ddarparu.
Cofrestru ar eich cwrs
Fel arfer, bydd y cyfnod cofrestru a chynefino yn digwydd yn gynnar ym mis Medi. Byddwn yn rhoi gwybod i chi’n agosach at yr amser ar ba ddyddiad fydd angen i chi ddod i’r coleg, a beth fydd angen i chi ddod gyda chi. Tra rydych yn y coleg, gallwch ddysgu mwy gan y bobl fydd yn eich addysgu chi, cwrdd ag eraill ar eich cwrs a dechrau ymgyfarwyddo â champws y coleg. Disgwylir i chi fod yn y coleg am hyd at ddau ddiwrnod.
*Noder bod yn rhaid defnyddio proses geisiadau UCAS wrth wneud cais am gyrsiau Prifysgol Caerwrangon a Phrifysgol Aberystwyth.
Cydnabod Dysgu Blaenorol
Mae Cydnabod Dysgu Blaenorol (RPL) yn rhoi cyfle i chi ennill cydnabyddiaeth am gyflawniadau academaidd perthnasol blaenorol ac yn caniatáu trosglwyddo credydau i’r cwrs newydd er mwyn osgoi dyblygu dysgu blaenorol.
PEIDIWCH Â CHOLLI ALLAN!
Mae cyrsiau’n llenwi’n gyflym, felly gwnewch gais heddiw..
Yn gyffyrddus yn yr ysgol gyfun, penderfynodd Martyn aros yn y chweched, er mwyn bod gyda’i ffrindiau. Ond wedi methu ei arholiadau Safon Uwch, penderfynodd ddilyn cwrs galwedigaethol Lefel 3 yng Ngholeg Gwent. Mae bellach yn edrych ymlaen at ei flwyddyn olaf yn y brifysgol.
“Dwi’n difaru peidio â mynd i’r coleg yn syth wedi fy TGAU a pheidio â gwastraffu dwy flynedd, ond do’n i ddim yn gwybod y gallech chi gael eich derbyn i brifysgol heb Lefel A,” dywed Martyn, o Gwmbrân. “Mae’r cwrs busnes, y profiad gwaith a’r brwdfrydedd dros lwyddo wedi rhoi hwb i fi ac wedi gwneud i fi gredu ynof fy hun. Mae wedi ’ngyrru yn fy ’mlaen i chwilio am swydd farchnata.”
Mae’r ffordd mae Martyn yn meddwl am ddysgu wedi newid yn llwyr ers iddo fynd i’r coleg; mae wedi sylweddoli ei fod yn yr amgylchedd iawn, a bod ganddo gefnogaeth a dysgu da, a thrwy hyn gall gyflawni mwy nag y breuddwydiodd amdano erioed. “Pan o’n ni’n y chweched dosbarth dywedwyd wrthon ni y bydden ni’n cael ein trin fel oedolion, ond mae’n anodd tyfu pan ydych chi’n dal yn yr un lle – meddylfryd ysgol oedd yno,” eglura Martyn, sydd bellach yn 23 oed.
