Cyfrifiadura a Thechnoleg Ddigidol

Mae’r byd digidol yn datblygu’n gyflym, ac mae cyflogwyr angen timau sy’n cadw llygad ar y dyfodol er mwyn datblygu meddalwedd ac i reoli systemau a rhwydweithiau. Ystyriwch y datblygiadau diweddaraf; ceisiwch yrfa yn y byd cyfrifiadura, neu ewch ati i wella eich sgiliau TG.

Mae’r byd i gyd yn dibynnu ar gyfrifiaduron erbyn hyn, ac mae meddalwedd a chaledwedd yn datblygu trwy’r amser. Felly, mae unrhyw un sydd ag arbenigedd yn y maes hwn yn gallu defnyddio eu sgiliau a’u haddysg i weithio mewn bron a bod unrhyw sector fynnan nhw. Mae hynny’n gryn dipyn o swyddi posib!

Mae popeth yn cael ei gynnwys, o ddatblygu gemau cyfrifiadurol, i weithio mewn adran TG a datrys problemau meddalwedd a chaledwedd gweithwyr.

Mae pob diwydiant yn galw am arbenigwyr TG, sy’n golygu bod modd ichi arbenigo mewn sector benodol, a bydd hynny’n eich galluogi i ddatblygu gyrfa sy’n gweddu i’ch personoliaeth a’ch diddordebau chi.