Astudiaethau Tir, Gofal Anifeiliaid a Cheffylau

Er bod y diwydiant hwn yn enfawr, fe allwn ni roi ichi’r sgiliau i hogi eich angerdd ac agor y drws at yrfa eich breuddwydion yn gweithio gydag anifeiliaid. O filfeddygfeydd i salonau trin anifeiliaid. O gwmnïau bwydydd anifeiliaid i sŵau. Os ydych wrth eich bodd gydag anifeiliaid, dilynwch gwrs mewn rheoli a gofalu am anifeiliaid gyda ni heddiw.

Dyma ddiwydiant hanfodol a dynamig. Bydd eich cwrs ymarferol yn eich tywys allan o’r ystafell ddosbarth ac i amgylcheddau gweithio go iawn. Golyga hyn y bydd eich profiad yn cynyddu bob dydd. Pa un a ydych eisiau gweithio yn y meysydd ffermio a rheoli tir, rheoli mentrau bach neu waith contractio fferm, gall cwrs mewn amaethyddiaeth fod yn llwyfan perffaith ichi ddatblygu arno.

Mae astudio ceffylau a rheoli ceffylau yn llawer mwy nag yr ymddengys ar yr wyneb. Mae’n werthfawrogiad gwirioneddol o’r rhywogaeth a’r hyn y mae angen ichi ei wneud i ofalu am yr anifeiliaid, eu gwarchod a’u rheoli. O reoli buarthau, marchogaeth cystadleuol, achub anifeiliaid neu waith bridio, dyma eich cyfle i gymryd yr awenau a charlamu at yrfa’n gweithio gyda cheffylau.

Dim ond un blaned a gawn ni, felly mae gwarchod a rheoli ein cefn gwlad yn hollbwysig i’w pharhad yn yr hirdymor. Mae dewisiadau gyrfa posibl yn cynnwys gweithio i Goed Cadw neu’r Comisiwn Coedwigaeth, rheoli mentrau bach, neu weithio fel contractwr tir. Caru’r awyr agored?