City and Guilds Diploma mewn Astudiaethau Tir - Gofal Anifeiliaid Lefel 1

Yn gryno

Cynlluniwyd ein cwrs lefel 1 fel cyflwyniad i’r maes astudiaeth sydd o ddiddordeb i chi ac i'ch helpu i ddatblygu sgiliau dysgu ehangach.

Dyma'r cwrs i chi os...

... Sydd â diddordeb brwd mewn anifeiliaid
... Sydd am ddatblygu sgiliau ymarferol a throsglwyddadwy

Beth fyddaf yn ei wneud?

Ystod o sesiynau damcaniaethol ac ymarferol sydd yn canolbwyntio ar y diwydiant gofal anifeiliaid, gan ddatblygu sgiliau bywyd trosglwyddadwy a hyder.

Bydd y cwrs hwn yn rhoi cyfle i chi feithrin eich gwybodaeth, eich sgiliau ymarferol a'ch gallu i weithio fel rhan o dîm gydag ystod o rywogaethau o gasgliad anifeiliaid y coleg. Byddwch yn ennill ystod o gyfleoedd dilyniant, gan gynnwys addysg bellach yn y coleg ar un o'n cyrsiau lefel nesaf, prentisiaeth neu gyflogaeth!

Byddwch yn ennill cyfle i weithio gydag anifeiliaid y coleg a chael cipolwg ar fywyd yn y coleg. Byddwch yn datblygu sgiliau ymarferol a throsglwyddadwy a chwblhau tasgau gyda’r nod o arddangos yr hyn y gallwch ei wneud a’r hyn rydych wedi'i ddysgu.

Ceir asesiadau amlddewis allanol yn ogystal â phrosiectau a asesir a thasgau ymarferol.

Gallai'r unedau o astudiaeth gynnwys:

• Diwydiannau Tir
• Iechyd Anifeiliaid
• Anifeiliaid yn y Gwyllt
• Iechyd a Diogelwch
• Bwydo
• Sgiliau Ystadau
• Gwarchod Natur
• Sgiliau Ymarferol

Fe'ch asesir drwy asesiadau allanol, aseiniadau, tasgau ac asesiadau ymarferol a byddwch yn ennill:

• Diploma City & Guilds mewn Astudiaethau Tir - Gofal Anifeiliaid Lefel 1
• Gweithgareddau Sgiliau
• Mathemateg a Saesneg (os nad ydych wedi cyflawni gradd C neu'n uwch ar lefel TGAU)
• Cymwysterau perthnasol eraill i ddatblygu eich set sgiliau

Beth a ddisgwylir ohonof i?

Bydd rhaid i chi fod yn llawn cymhelliant, yn weithiwr caled ac yn barod i roi cynnig ar bethau newydd. Bydd disgwyl i chi ymarfer sgiliau a thechnegau mewn amgylcheddau gwaith realistig yn y coleg a fydd yn caniatáu i chi ddatblygu eich sgiliau cyflogadwyedd. Mae presenoldeb a phrydlondeb ym mhob sesiwn yn ofyniad hanfodol o'r cwrs hwn.

Beth sy'n digwydd nesaf?

• Gallech barhau â'ch astudiaethau ar lefel 2 mewn maes galwedigaethol o'ch dewis
• Gallech symud ymlaen i brentisiaeth

Gwybodaeth Ychwanegol

Bydd rhaid i chi wedi cael brechiad tetanws diweddar cyn dechrau ar y cwrs hwn er mwyn gweithio gyda'r anifeiliaid.

Hefyd, at ddibenion Iechyd a Diogelwch, bydd rhaid i chi brynu Cyfarpar Diogelu Personol (PPE) cyn gweithio gyda'r anifeiliaid. Mae’r rhain yn cynnwys:

• cot labordy
• sgidiau glaw â chap dur
• oferôls glas tywyll
• bag i gludo eich PPE ynddo

Cost fras yr offer yw £40 a gellir prynu'r eitemau hyn cyn dechrau ar eich cwrs.