Y cyflwynydd teledu Alan Titchmarsh yn rhoi gwedd newydd ar ardd gyda chymorth ein dysgwyr diwydiannau'r tir

TV’s Alan Titchmarsh delivers garden makeover with the help of our landbased learners

Roedd grŵp o’n dysgwyr rheoli cefn gwlad ymysg y gwirfoddolwyr a fu’n helpu’r garddwr teledu Alan Titchmarsh i drawsnewid gardd ar gyfer rhaglen deledu ITV Love Your Garden.

Roedd Alan Garlick, tad i dri a gollodd ei ddwylo a’i draed i sepsis ddau fis ar hugain yn ôl, dan deimlad wrth weld yr ardd arbennig a grëwyd iddo ef a’i deulu ifanc.

Dywedodd Katharine Ross, y cynhyrchydd cynorthwyol, “Cafwyd ymateb calonnog gan y gymuned leol a helpodd i greu gardd atgofus o’r cefn gwlad lleol gyda’r nodweddion llawn steil y byddai teulu ifanc yn eu disgwyl.”

Dyma’r ardd gefn fwyaf i Alan weithio arni, gan fod y plot ym Mhont-y-pŵl yn orlawn o heriau megis lefelau serth anwastad a choed a llwyni wedi gordyfu.

Cyn i sepsis ymosod ar Chris roedd wedi bwriadu adnewyddu’r ardd ar ei ben ei hun. Roedd popeth yn edrych yn enbyd tan y daeth Alan a’r tîm i greu gardd ddiogel a hygyrch i’r teulu.

Mae’r ardd newydd yn cynnwys ffynnon ddŵr fodern a mainc yn un wedi ei chreu o gledrau wedi eu trin a dur Corten yn ogystal â dull plannu naturiolaidd yn pwysleisio arogl i greu gardd ddelfrydol ar gyfer llesiant.

Dywedodd Helen Morgan, Pennaeth Ysgol, Diwydiannau’r Tir a Chwaraeon, “Roedd ein dysgwyr rheoli cefn gwlad yn falch o gynorthwyo gyda thrawsnewidiad yr ardd hon ar gyfer y sioe Love Your Garden – roedd yn brofiad ymarferol gwych iddynt.  Rhoddodd y dysgwyr lawer o’u hamser i gynorthwyo, ac roeddynt yn llysgenhadon gwych ar gyfer y Coleg.  Roedd yn brofiad hynod emosiynol.”

Darlledwyd y rhaglen ar 22 Hydref.

Darganfyddwch fwy ynghylch ein cyrsiau rheoli cefn gwlad a gwnewch gais nawr!