Chwaraeon, Ffitrwydd a Hamdden

Bydd gweithio yn y diwydiant chwaraeon a ffitrwydd egnïol yn eich cadw ar flaenau eich traed. Gan hybu iechyd a lles, dod â chymunedau’n nes at ei gilydd, a darparu digwyddiadau difyr, mae chwaraeon a ffitrwydd wrth wraidd ein cymdeithas fodern.

Gallwch ddilyn trywydd eich arwyr ym myd chwaraeon gyda chymhwyster mewn chwaraeon a ffitrwydd. Ewch i’r afael â’r amryw swyddi sydd ar gael mewn canolfannau hamdden, clybiau iechyd, ac ym maes gweithgareddau awyr agored ac arenâu chwaraeon proffesiynol.

• Hyfforddwr ffitrwydd/campfa
• Hyfforddwr chwaraeon
• Chwaraeon proffesiynol
• Digwyddiadau chwaraeon
• Hyfforddwr personol
• Hyfforddwr gweithgareddau awyr agored
• Rheoli llesiant ac ymarfer corff
• Gwyddoniaeth a seicoleg chwaraeon
• Tylino, adfer a therapi chwaraeon
• Rheoli ym maes hamdden

Ein cyrsiau llawn amser Ein cyrsiau rhan amser

Gyda’r sylw ar agweddau ymarferol, bydd ein cyrsiau chwaraeon a ffitrwydd ar lefelau 1, 2, 3, a 4 yn eich paratoi i lwyddo. Cewch eich annog i gymryd rhan mewn amrywiaeth o chwaraeon ym mob campws, gan gynnwys rygbi, pêl-droed, pêl-rwyd, pêl-fasged, hoci a mwy. Byddwch hyd yn oed yn cael defnyddio canolfannau hamdden lleol, campfeydd, parciau trampolinio, canolfannau dringo o dan do ynghyd â BikePark Wales ar gyfer gweithgareddau ymarferol, ynghyd â chyfleoedd i gofrestru ar gyfer pencampwriaethau AoC (Cymdeithas y Colegau).

Mae Campws Crosskeys yn gartref i Academi Dreigiau Iau Casnewydd Gwent lle bydd chwaraewyr yn ennill cymwysterau ochr yn ochr â’u hyfforddiant rygbi, ac yn cymryd rhan mewn amrywiaeth o gynghreiriau a thwrnameintiau. Cynigir Academi Dreigiau’r Merched ym Mharth Dysgu Blaenau Gwent, ar y cyd â Champws Crosskeys, ond ym Mharth Dysgu Torfaen cynigir chwaraeon mewn partneriaeth â Stadiwm Cwmbrân.

Bydd cwblhau ein cyrsiau chwaraeon a ffitrwydd yn llwyddiannus yn rhoi mantais gystadleuol i chi o safbwynt eich gyrfa at y dyfodol. Trwy ennill profiad ymarferol, sgiliau gwerthfawr, ynghyd â gwybodaeth i ategu hynny, gallwch fwrw ymlaen â rôl ym maes chwaraeon a ffitrwydd yn syth. Ond os ydych eisiau parhau i ddatblygu eich set o sgiliau, mae gennym amrywiaeth o gyrsiau rhan amser a graddau sylfaen mewn Rheoli Llesiant ac Ymarfer Corff, Hyfforddi a Datblygu Chwaraeon, neu Gyflyru, Adfer a Thylino. Felly, gallwch wireddu eich dyheadau trwy ddilyn cwrs yng Ngholeg Gwent!

Edrychwch ar ein cyrsiau