Yn gryno

Mae’r cymhwyster hwn yn berffaith ar gyfer unrhyw un sy’n dymuno gweithio yn y diwydiant arlwyo a lletygarwch neu’r rhai sy’n dymuno dechrau gweithio yn y diwydiant. Bydd dysgwyr sy’n ennill y cymhwyster hwn yn gwybod bod pob unigolyn sy’n rhan o storio, paratoi, coginio a thrin bwyd yn gyfrifol am sicrhau diogelwch bwyd. Mae’r Asiantaeth Safonau Bwyd yn ystyried y pynciau fel rhai sy’n bwysig er mwyn cynnal ymarfer da wrth gynhyrchu bwyd diogel.

Mae'r cwrs hwn ar gyfer...

...Unrhyw un sy’n gweithio yn y diwydiant arlwyo neu sy’n dymuno dechrau gyrfa ym maes arlwyo, mae’r cwrs hwn yn berffaith er mwyn gosod sylfaen ar gyfer eich gwybodaeth am ddiogelwch bwyd.

Cynnwys y cwrs

Caiff y cwrs hwn ei gynnal dros un diwrnod fel arfer ac mae’n gymhwyster cydnabyddedig mewn diogelwch bwyd arlwyo. Mae’r cwrs yn rhoi’r wybodaeth a’r sgiliau angenrheidiol er mwyn deall egwyddorion glanweithdra a hylendid, yn ogystal â chadw cynhyrchion bwyd yn ddiogel.

Mae cynnwys y cwrs fel a ganlyn:

• Diffinio hylendid bwyd
• Peryglon diogelwch bwyd (ffisegol, cemegol, alergenig a biolegol)
• Yr angen am safonau hylendid bwyd uchel: Rhesymau dyngarol, busnes a chyfreithiol
• Rheoli rhaglen diogelwch bwyd sy’n seliedig ar egwyddorion HACCP
• Gosod a dylunio cegin i atal croeshalogi
• Hylendid personol
• Sut i gadw ardaloedd bwyd yn lân
• Ymwybyddiaeth am blâu a’u rheoli
• Derbyn a storio bwydydd yn ddiogel
• Paratoi, coginio, oeri, dal a gweini bwyd yn didogel
• Gallu a phwysigrwydd rhoi’r hyn a ddysgwyd ar waith

Gwybodaeth Ychwanegol

Asesir y cymhwyster hwn drwy arholiad aml-ddewis.

Gall unigolion sy’n ennill y cymhwyster hwn symud ymlaen i unrhyw un o gymwysterau Highfield Lefel 3 mewn Diogelwch Bwyd sy’n berffaith ar gyfer y rhai sy’n dymuno symud ymlaen i lefel uwch neu lefel goruchwylio mewn busnes arlwyo bwyd.