YMCA Diploma mewn Hyfforddiant Personol (Ymarferydd) - A 2 Elfen Ychwanegol Lefel 3

Yn gryno

Mae'r cymhwyster hwn yn addas ar gyfer dysgwyr â chymhwyster Lefel 2 mewn Hyfforddiant Campfa neu gyfwerth sydd yn dymuno symud ymlaen i yrfa fel Hyfforddwr Personol proffesiynol ar sail gyflogedig neu hunan-gyflogedig.

Cymeradwyir y cymhwyster hwn gan y Sefydliad Siartredig ar gyfer Rheoli Chwaraeon a Gweithgarwch Corfforol (CIMSPA).

Dyma'r cwrs i chi os...

• Unrhyw un sydd yn meddu ar gymhwyster Lefel 2 dilys mewn Hyfforddiant Campfa
• Y rheini sydd am ennill y wybodaeth i ddilyn gyrfa lwyddiannus yn y diwydiant iechyd a ffitrwydd.

Beth fyddaf yn ei wneud?

Bydd y cwrs yn cwmpasu amrywiaeth o wybodaeth a sgiliau i'ch helpu chi i symud ymlaen fel hyfforddwr personol cyflogedig neu hunan-gyflogedig. Mae'r cynnwys yn adlewyrchu'r galluoedd sy'n angenrheidiol i ddod yn hyfforddwr personol diogel ac effeithiol.

Nod y cymhwyster hwn yw nodi'r sgiliau, y wybodaeth a'r cymhwysedd sy'n ofynnol ar gyfer unigolyn i weithio fel hyfforddwr personol heb oruchwyliaeth. Mae hyn yn cynnwys y gallu i gynnig hyfforddiant un-i-un, asesiadau gwaelodlin, cyngor ar faeth a rhaglennu cynyddol sy'n benodol i anghenion unigol y cleient.

Bydd y cwrs yn cwmpasu:

• Anatomeg a ffisioleg gymhwysol
• Hyrwyddo llesiant trwy gymell a rhyngweithio â chleientiaid
• Dylunio rhaglen ymarfer corff deilwredig
• Hyfforddiant a thechnegau cyfathrebu ar gyfer rhaglenni ymarfer corff teilwredig
• Maethiad i gynnal gweithgarwch corfforol
• Craffter busnes ar gyfer ymarfer hyfforddiant personol

Cynhelir asesiadau trwy amrywiaeth o foddau megis:

Arholiad theori aml-ddewis, llyfr gwaith asesu, portffolio hyfforddiant personol arddangosol (5 elfen) a chwblhau log dysgwyr.

Yn ogystal â Diploma YMCA Lefel 3 mewn Hyfforddiant Personol (Ymarferydd), byddwch chi hefyd yn ennill dau gymhwyster ychwanegol, sef:

• Dyfarniad YMCA Lefel 2 mewn Cyfarwyddo Hyfforddiant Pwysau Tegell
• Dyfarniad YMCA Lefel 2 mewn Cyfarwyddo Ymarfer Corff Grŵp (Cerdded er Ffitrwydd)

Beth sy'n digwydd nesaf?

Ar ôl cwblhau, gallwch chi ddefnyddio'r cymhwyster hwn fel platfform i symud ymlaen i gyrsiau eraill yn y sectorau iechyd a ffitrwydd neu hamdden actif.

Gall dysgwyr ddewis cymwysterau eraill ar yr un lefel, megis:

• Diploma Lefel 3 mewn Cyfeirio Ymarfer Corff
• Diploma Lefel 3 mewn Cynyddu Cyfranogiad mewn Chwaraeon a Hamdden Actif mewn Gosodiadau Cymunedol
• Diploma Lefel 3 mewn Therapi Tylino Chwaraeon
• Diploma Lefel 3 mewn Addysgu Pilates
• Diploma Lefel 3 mewn Addysgu Yoga
• Cymwysterau Lefel 3 sydd yn ymwneud â phoblogaethau arbennig
• Prentisiaeth mewn Hyfforddiant Personol   

Gall dysgwyr hefyd ddewis symud ymlaen i gymwysterau lefel uwch, megis:

• Dyfarniad Lefel 4 mewn Deall Sicrhau Ansawdd Mewnol
• Tystysgrif Lefel 4 mewn Cyflwyno Gweithgarwch Corfforol i Unigolion â Chyflyrau Iechyd Meddwl
• Tystysgrif Lefel 4 mewn Arwain Sicrhau Ansawdd Mewnol
• Tystysgrif Lefel 4 mewn Rhaglennu Gweithgarwch Corfforol i Unigolion â Phoen Cefn Isel
• Tystysgrif Lefel 4 mewn Therapi Tylino Chwaraeon
• Tystysgrif Lefel 4 mewn Rheoli Pwysau i Unigolion â Gordewdra, Diabetes, Mellitus, a/neu Syndrom Metabolaidd
• Cymwysterau Lefel 4 mewn Chwaraeon a Chyflyru