ISEP Archwilydd Systemau Rheoli Amgylcheddol (EMS) Mewno

Yn gryno

Bydd y cymhwyster hwn yn darparu’r wybodaeth â’r sgiliau ymarferol i weithwyr proffesiynol allu archwilio Systemau Rheoli Amgylcheddol (EMS) Mewnol gan ddilyn egwyddorion ISO 14001:2015 ac ISO 19011. Byddwch yn ennill dealltwriaeth gadarn o safonau EMS, deddfwriaeth amgylcheddol, cynllunio archwiliadau a thechnegau archwilio. Mae'r cwrs yn cynnwys ymarferion ymarferol, astudiaethau achos, ac asesiad terfynol er mwyn i chi allu cynnal ymchwiliadau mewnol yn fwy hyderus.

Mae'r cwrs hwn ar gael fel rhan o Gyfrif Dysgu Personol (PLA). Menter gan Lywodraeth Cymru yw'r PLA sy'n cynnig cyfle i bobl gyrchu cyrsiau am ddim a rhan-amser gyda dull hyblyg a chyfleus o ddysgu sy'n cyd-fynd a'u ffordd o fyw bresennol (yn amodol ar gymhwysedd).

Mae'r cwrs hwn ar gyfer...

... unrhyw un 19+ sy'n byw yng Nghymru ac mewn cyflogaeth. Nid yw'r terfyn cyflog arferol o £34,303 yn berthnasol i'r cwrs hwn.

...unigolion sy'n gyfrifol am gynnal neu archwilio Systemau Rheoli Amgylcheddol eu sefydliad—yn enwedig y rheini sy'n paratoi i ennill ardystiad allanol neu sy'n anelu at wella perfformiad amgylcheddol.

...archwilwyr ansawdd neu Iechyd a Diogelwch sydd am ehangu eu set sgiliau i gynnwys ymchwilio amgylcheddol.

Cynnwys y cwrs

Caiff y cwrs hwn ei gyflwyno drwy ystafell ddosbarth rithwir. Mae ystafelloedd dosbarth rhithwir yn gyfwerth â chyrsiau wyneb yn wyneb mewn ystafelloedd dosbarth, ond cânt eu cynnal ar-lein.

Hyd y Cwrs:

15 Diwrnod Bydd eich astudiaethau yn cynnwys:

• Deall egwyddorion a phwrpas Systemau Rheoli Amgylcheddol (EMS) Mewnol
• Archwilio egwyddorion ymchwilio ISO 14001:2015 ac ISO 19011
• Nodi agweddau amgylcheddol, effeithiau, a rhwymedigaethau cydymffurfio
• Cynllunio a pharatoi ar gyfer ymchwiliadau EMS
• Cynnal ymchwiliadau gan ddefnyddio technegau effeithiol megis rhestrau gwirio, cyfweliadau ac archwiliadau safle)
• Gwerthuso canfyddiadau'r archwiliadau ac adrodd achosion o beidio â chydymffurfio
• Deall camau cywirol a phrosesau dilynol
• Cymhwyso deddfwriaeth amgylcheddol a chynnal cofnod cyfreithiol
• Cymryd rhan mewn ymarferion archwilio ymarferol ac astudiaethau achos

Gofynion Mynediad

Nid oes gofynion mynediad ffurfiol.

Bydd angen i chi fod â mynediad at y rhyngrwyd a chyfrifiadur Windows sydd â gwegamera/microffon.

Gwybodaeth Ychwanegol

Nod y rhaglen PLA yw darparu cyngor a chyfarwyddyd gyrfaol o ansawdd uchel i gyfranogwyr cyn, yn ystod ac ar ôl eu haddysg.

Cyn cofrestru ar gyfer eich cwrs a ariennir gan PLA, byddwn yn trafod cynllun dysgu personol â chi i sicrhau eich bod wedi ystyried y llwybr addysg sydd mwyaf addas.

Bydd hyn yn cynnwys trafod y pynciau canlynol yn gyffredinol:

• addysg ffurfiol neu gymwysterau mewn meysydd perthnasol
• profiad blaenorol yn y diwydiant neu faes
• dyheadau gyrfa
• neilltuo'r amser sydd ei angen i gwblhau'r cwrs