AWS Certified Ardystiedig gan AWS: Datblygwr – Cyswllt

Yn gryno

Ardystiad ar lefel gysylltiol sy’n dilysu eich gallu i ddatblygu, defnyddio, a dadfygio rhaglenni seiliedig ar y cwmwl gan ddefnyddio gwasanaethau ac offer AWS.

Mae’r cwrs hwn ar gael fel rhan o Gyfrif Dysgu Personol. Mae Cyfrif Dysgu Personol yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser am ddim sy’n cynnig dysgu hyblyg, cyfleus sy’n cyd-fynd â’u ffordd o fyw bresennol (yn amodol ar gymhwysedd).

Mae'r cwrs hwn ar gyfer...

… unrhyw un 19+ oed, sy’n byw yng Nghymru ac sydd mewn cyflogaeth. Nid yw’r terfyn cyflog arferol o £34,303 yn berthnasol ar gyfer y cwrs hwn.

...Datblygwyr meddalwedd, ôl-beirianwyr, gweithwyr proffesiynol DevOps, ac ymarferwyr cwmwl sy’n adeiladu neu’n cynnal a chadw rhaglenni sy’n seiliedig ar AWS.

Cynnwys y cwrs

Cyflwynir y cwrs hwn drwy ystafell ddosbarth rithwir. Mae ystafelloedd dosbarth rhithwir yn gyfatebol i gyrsiau a gyflwynir wyneb yn wyneb mewn ystafelloedd dosbarth ond maent yn cael eu cyflwyno mewn amgylchedd ar-lein.

Hyd y Cwrs: 3 Diwrnod

Trwy gydol y cwrs, byddwch chi’n dysgu’r canlynol:

• Ysgrifennu cod sy’n rhyngweithio â gwasanaethau AWS
• Defnyddio AWS SDK, API, ac AWS CLI
• Gweithredu piblinellau CI/CD
• Monitro rhaglenni a datrys problemau
• Defnyddio ymarferion gorau diogelwch wrth ddatblygu

Gofynion Mynediad

1 flwyddyn o brofiad ymarferol yn datblygu ac yn cynnal a chadw rhaglenni sy’n seiliedig ar AWS NEU Galluedd mewn o leiaf un iaith raglennu ar lefel uchel

Bydd angen mynediad i’r rhyngrwyd arnoch chi, cyfrifiadur  Windows a gwe-gamera / meicroffon.

Gwybodaeth Ychwanegol

Nod y rhaglen Cyfrif Dysgu Personol yw darparu cyngor ac arweiniad gyrfa o safon i gyfranogwyr cyn dechrau eu dysgu, yn ystod eu dysgu ac ar ôl eu dysgu.

Cyn i chi gael eich cofrestru ar eich cwrs a ariennir gan y rhaglen Cyfrif Dysgu Personol, trafodir cynllun dysgu unigol gyda chi i sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd cysylltiedig
• profiad blaenorol yn y diwydiant neu’r maes
• dyheadau gyrfa ymroddiad amser angenrheidiol