YMCA Diploma mewn Ymarfer Corff a Ffitrwydd: Hyfforddwr Campfa Lefel 2

Yn gryno

Drwy gwblhau'r cymhwyster hwn bydd dysgwyr yn bodloni anghenion y diwydiant i ddod yn Hyfforddwr Campfa yn ôl safonau proffesiynol CIMSPA.

Pwrpas y cymhwyster hwn yw galluogi myfyrwyr i:

Gynnal iechyd, diogelwch a hylendid yn amgylchedd campfa. Olrhain a chefnogi cleientiaid yn amgylchedd campfa. Cynllunio, cyflwyno a gwerthuso rhaglenni campfa.

Mae'r cwrs hwn ar gyfer...

Bydd cwblhau'r cymhwyster hwn yn galluogi dysgwyr i gyrchu swyddi hyfforddi mewn sesiynau ymarfer corff yn y gampfa

Cynnwys y cwrs

Bydd dysgwyr yn cwmpasu gwybodaeth a sgiliau creiddiol ar gyfer hyfforddwyr ymarfer corff a ffitrwydd sy'n cynnwys:

Hanfodion anatomeg a ffisioleg i weithwyr proffesiynol ymarfer corff a ffitrwydd Darparu profiad cwsmer cadarnhaol i ymarferwyr iechyd a ffitrwydd Egwyddorion gweithgarwch corfforol, ymarfer corff a dulliau hyfforddi er mwyn datblygu ffitrwydd ac iechyd Sgrinio iechyd, haeniad risg a chwmpas ymarferion Ymwybyddiaeth o iechyd a rheoli ffordd o fyw

Bydd dysgwyr hefyd yn cwmpasu gwybodaeth a sgiliau sy'n berthnasol i gefnogi cleientiaid mewn amgylchedd campfa megis:

Ymgynghori, asesu a phrosesau sefydlu mewn amgylchedd campfa Cynnal iechyd a hylendid mewn amgylchedd campfa Defnyddio gwybodaeth am gleientiaid i gynllunio hyfforddiant yn y gampfa Egwyddorion cynllunio ymarfer corff yn y gampfa i ystod eang o gleientiaid Darparu sesiynau ymarfer corff yn y gampfa Adolygu sesiynau a myfyrio ar ymarferion.

Gofynion Mynediad

Nid oes yna ofynion ymlaen llaw ar gyfer y cymhwyster hwn. Cynlluniwyd yn arbennig ar gyfer y grŵp oedran 19+ ac mae'n seiliedig ar safonau Hyfforddwyr Campfa a ddatblygwyd gan y Sefydliad Siartredig ar gyfer Rheoli Chwaraeon a Gweithgarwch Corfforol (Chartered institute for the Management of Sport and Physical Activity - CIMPSA) ochr yn ochr â chyflogwyr yn y diwydiant. Cydnabyddir y cymhwyster hwn fel y gofyniad isaf ar gyfer cyflogaeth yn y diwydiant.

Gwybodaeth Ychwanegol

Cyflwynir y cwrs fel cyfuniad o ddysgu wyneb yn wyneb ac o bell dros gyfnod o 8 wythnos.

Bydd gofyn i chi fynychu o leiaf 8 diwrnod yn ystod y cyfnod hwn.