City & Guilds Diploma Gwallt a Harddwch Lefel 1

Yn gryno

Mae'r cwrs hwn yn ymdrin â thrin gwallt a therapi harddwch, gan eich caniatáu i ddewis eich llwybr penodol pan fyddwch yn symud ymlaen i'r lefel nesaf. 

Mae'r cwrs hwn ar gyfer...

... ydych yn greadigol

... oes gennych ddiddordeb brwd mewn gwallt a harddwch

... ydych yn ansicr pa gwrs sy'n iawn i chi

Cynnwys y cwrs

Ar y cwrs hwn, byddwch yn dysgu am y canlynol:

• Siampw a chyflyru
• Lliw dros dro
• Plethu a steilio gwallt merched
• Gofal croen
• Manicure sylfaenol
• Colur sylfaenol a cholur ffotograffig
• Paentio wyneb
• Celf ewinedd

Darperir y cwrs drwy:

• Ddosbarthiadau theori
• Gweithdai ymarferol
• Amgylcheddau salon go iawn yn y coleg
• Arddangosiadau colur a siaradwyr gwadd o'r diwydiant
• Ymarferion chwarae rôl
• Gwaith grwp
• Lleoliadau gwaith
• Teithiau ac ymweliadau

Asesiad

Byddwch yn cael eich asesu drwy asesiadau ymarferol, aseiniadau, prosiectau a phrofion amlddewis ar-lein yn ymdrin â'r wybodaeth greiddiol.

Pan fyddwch yn cwblhau'r cwrs, byddwch yn cyflawni:

• Diploma Lefel 1 mewn Gwallt a Harddwch
• Cymwysterau cynorthwyol priodol er mwyn ehangu eich set sgiliau a bodloni anghenion y diwydiant
• Gweithgareddau Sgiliau
• Mathemateg a Saesneg
• Sgiliau Cyfoethogi Creadigol (gweithgareddau ac arddangosiadau cymunedol)

Wedi i chi gwblhau'r cwrs, gallwch fynd ymlaen i Ddiploma Lefel 1 mewn Trin Gwallt, Diploma Lefel 2 mewn Therapi Harddwch neu Ddiploma Lefel 2 mewn Gwallt a Cholur (yn dibynnu ar y graddau a gafwyd yn y cwrs cyfun).

Gofynion Mynediad

O leiaf 4 TGAU gradd G neu uwch, gan gynnwys Mathemateg/Rhifedd a Chymraeg Iaith Gyntaf/Saesneg neu gymhwyster Lefel Mynediad priodol.

Bydd angen i chi fod yn hunan-gymhellol, gweithgar, cyfeillgar ac yn meddu ar lefel uchel o gyflwyniad personol.

Mae presenoldeb a phrydlondeb ym mhob sesiwn yn un o brif ofynion y cwrs.

Gwybodaeth Ychwanegol

Gwisg:

• Rhaid gwisgo tiwnig gyda throwsus ac esgidiau duon mewn salonau
• Gwallt wedi'i glymu'n ôl yn daclus oddi wrth yr wyneb
• Ni ddylid gwisgo estyniadau ewinedd na farnais ewinedd
• Dim tlysau na gemwaith - caniateir gwisgo modrwy briodas yn unig

Fel amod o’ch lle ar y cwrs hwn, bydd disgwyl i chi brynu'r offer priodol oddi wrth ein cyflenwr cymeradwy. Y gost am hyn yw tua £168.

I adlewyrchu disgwyliadau'r diwydiant, bydd gofyn i chi wisgo gwisg salon Coleg Gwent y gellir ei harchebu oddi wrth ein cyflenwr cymeradwy. Ar gyfer 2023/2024 bydd y coleg yn ariannu’r gost o un wisg salon lawn. Gellir cael manylion ar sut i archebu eich gwisg salon am ddim, a setiau ychwanegol, yn ogystal ag opsiynau talu’r cyflenwyr, oddi wrth eich Pennaeth Ysgol, Darlithydd neu Dechnegydd.  Y pris ar gyfer 2023/2024 yw £45.

Gall fod costau ychwanegol yn ystod y flwyddyn ar gyfer ymweliadau addysgol.

Mae'r holl gostau yn cael eu hadolygu a gallent newid.