YMCA Diploma mewn Hyfforddiant Personol (Ymarferydd) - Noswaith Lefel 3

Yn gryno

Mae'r cymhwyster hwn yn addas ar gyfer dysgwyr sydd â chymhwyster Lefel 2 mewn Hyfforddiant Campfa neu gyfwerth sy’n dymuno symud ymlaen i yrfa fel Hyfforddwr Personol proffesiynol ar sail gyflogedig neu hunangyflogedig.

Mae’r cymhwyster hwn wedi’i gymeradwyo gan y Sefydliad Siartredig ar gyfer rheoli chwaraeon a gweithgaredd corfforol (CIMSPA).

Mae'r cwrs hwn ar gyfer...

... Unrhyw un sydd â chymhwyster Hyfforddwr Campfa Lefel 2 dilys

... Y rhai sydd eisiau’r wybodaeth i ddilyn gyrfa lwyddiannus yn y diwydiant iechyd a ffitrwydd

Cynnwys y cwrs

Mae'r cwrs hwn yn mynd i'r afael ag ystod o wybodaeth a sgiliau ychwanegol i'ch helpu i symud ymlaen fel hyfforddwr personol cyflogedig neu hunangyflogedig. Mae'r cynnwys yn adlewyrchu'r gallu sydd ei angen i ddod yn hyfforddwr personol diogel ac effeithiol.

Nod y cymhwyster yw cydnabod y sgiliau, gwybodaeth a gallu mae unigolyn eu hangen i weithio fel hyfforddwr personol heb oruchwyliaeth. Mae hyn yn cynnwys gallu cynnig hyfforddiant un-i-un, asesiad sylfaenol, cyngor maethol a rhaglennu blaengar sy'n neilltuol i anghenion unigol y cleient.

Bydd y cwrs hwn yn cynnwys:

• Anatomeg a ffisioleg gynhwysol
• Hyrwyddo llesiant drwy gymhelliant a rhyngweithio cleientiaid
• Dylunio rhaglen ymarfer corff pwrpasol
• Cyfarwyddo rhaglen ymarfer corff wedi’i theilwra a thechnegau cyfathrebu
• Maeth i gefnogi gweithgaredd corfforol
• Craffter busnes ar gyfer ymarfer hyfforddiant personol

Cynhelir asesiadau drwy amrywiaeth o ddulliau, gan gynnwys:

Papur theori aml ddewis, llyfryn gwaith asesu, portffolio arddangosfa hyfforddiant personol (5 elfen) a chwblhau log dysgwr.

Gofynion Mynediad

Mae angen ichi fod â chymhwyster hyfforddwr ffitrwydd Lefel 2 cymwys er mwyn ymgymryd â'r cwrs hwn.

Gwybodaeth Ychwanegol

Ar ôl ei gwblhau, gallwch ddefnyddio'r cymhwyster hwn fel llwyfan i symud ymlaen i gyrsiau eraill yn y sectorau iechyd a ffitrwydd neu hamdden egnïol.

Gall dysgwyr ddewis cymwysterau pellach ar yr un lefel, er enghraifft:

• Diploma Lefel 3 mewn Atgyfeirio Cleifion i Wneud Ymarfer Corff
• Diploma Lefel 3 mewn Cynyddu Cyfranogiad mewn Chwaraeon a Hamdden Egnïol mewn Lleoliadau Cymunedol
• Diploma Lefel 3 mewn Therapi Tylino Chwaraeon
• Diploma Lefel 3 mewn Dysgu Pilates
• Diploma Lefel 3 mewn Addysgu Ioga
• Cymwysterau arbennig lefel 3 yn ymwneud â phoblogaethau.
• Prentisiaeth mewn Hyfforddiant Personol

Gall dysgwyr hefyd ddewis symud ymlaen i gymwysterau lifer uwch, er enghraifft:

• Dyfarniad Lefel 4 mewn Sicrhau Ansawdd Mewnol
• Dyfarniad Lefel 4 mewn Deall Sicrhau Ansawdd Mewnol
• Tystysgrif Lefel 4 mewn Cyflwyno Gweithgarwch Corfforol i Unigolion â Chyflyrau Iechyd Meddwl
• Tystysgrif Lefel 4 mewn Arwain y Sicrwydd Ansawdd Mewnol
• Tystysgrif Lefel 4 mewn Rhaglennu Gweithgarwch Corfforol ar gyfer Unigolion â Phoen Cefn Isel
• Tystysgrif Lefel 4 mewn Therapi Tylino Chwaraeon
• Tystysgrif Lefel 4 mewn Rheoli Pwysau ar gyfer Unigolion â Gordewdra, Diabetes Mellitus a/neu Syndrom Metabolaidd
• Cymwysterau Lefel 4 Chwaraeon a Chyflyru