BTEC Tystysgrif mewn Peirianneg (Gweithgynhyrchu Uwch) Lefel 3

Yn gryno

Mae angen ar ddiwydiant gweithgynhyrchu modern weithlu sy’n gallu defnyddio’r deunyddiau cyfansawdd diweddaraf, peiriannau wedi’u hawtomeiddio gan gyfrifiadur cyfoes, a thechnegau argraffu 3D. Bydd y cwrs BTEC Diploma Estynedig hwn yn rhoi’r sgiliau a’r wybodaeth angenrheidiol i chi er mwyn bod ar flaen y gad yn y diwydiant hwn sy’n newid yn gyflym. Mae’n gyfwerth â 3 chymhwyster Safon Uwch.

Dyma'r cwrs i chi os...

... os hoffech chi yrfa mewn peirianneg weithgynhyrchu fodern

... os hoffech chi weithio gyda phrosesau gweithgynhyrchu cyfoes

... os ydych chi’n dwlu ar weld syniadau am gynnyrch newydd yn cael eu gwireddu

Beth fyddaf yn ei wneud?

Caiff y cwrs ei asesu drwy ystod o weithgareddau ymarferol yn y gweithdy, aseiniadau a phrofion ar-lein allanol.

Drwy astudio'r cwrs hwn byddwch yn:

• Datblygu'r egwyddorion mathemategol, trydanol a mecanyddol sylfaenol sy'n ofynnol gan y diwydiant.
• Dysgu am y diwydiant a’r disgwyliadau o weithio yn y maes gweithgynhyrchu.
• Cwblhau tasgau ymarferol mewn gweithdai â chyfarpar da, gan gynnwys defnyddio peiriannau modern a reolir gan gyfrifiaduron, peiriannau argraffu 3D a pheiriannau sganio.
• Dysgu sut i ddatblygu eich syniadau am gynhyrchion drwy ddefnyddio technegau dylunio a gweithgynhyrchu â chymorth cyfrifiadur.

Yn yr ail flwyddyn bydd modd cyfuno’r holl sgiliau mewn prosiect sy'n berthnasol i'r diwydiant.

Ar ddiwedd y cwrs byddwch yn ennill:

• Diploma Estynedig BTEC mewn Peirianneg (Gweithgynhyrchu Uwch)

UNEDAU GORFODOL (BLWYDDYN 1)

Uned 1: Iechyd a Diogelwch yn y Gweithle Peirianneg

Uned 2: Cyfathrebu ar gyfer Technegwyr Peirianneg

Uned 3: Mathemateg ar gyfer Technegwyr Peirianneg

UNEDAU DEWISOL (BLWYDDYN 1)

Uned 7: Priodweddau a Chymwysiadau Deunyddiau Peirianneg

Uned 8: Egwyddorion Mecanyddol

Uned 13: Drafftio â Chymorth Cyfrifiadur yn y maes Peirianneg

Uned 19: Dewis a Defnyddio Rheolyddion Rhaglenadwy

Uned 121: Roboteg Ddiwydiannol

Uned 108: Diwydiant 4.0

UNEDAU GORFODOL (BLWYDDYN 2)

Uned 4: Prosiect Peirianneg

UNEDAU DEWISOL (BLWYDDYN 2)

Uned 6: Mathemateg Peirianneg Bellach

Uned 37: Rheoli Gweithiau a Phrosesau Diwydiannol

Uned 109: Dadansoddi Data / Data Mawr

Uned 110: Efelychu a Gefeillio Digidol

Uned 111: Seiberddiogewch yn y maes Peirianneg

Uned 112: Prosesau Gweithgynhyrchu Ychwanegion

Uned 113: Systemau Ymreolaethol

Beth a ddisgwylir ohonof i?

I gofrestru, bydd angen:

• 5 TGAU gradd A* i C. Mae’n rhaid i hyn gynnwys gradd B mewn Mathemateg ac o leiaf gradd C mewn Gwyddoniaeth ac Iaith Saesneg (neu Gymraeg fel iaith gyntaf)

neu

• Gymhwyster Lefel 2 perthnasol a gradd B ar gyfer TGAU Mathemateg

Hefyd, rhoddir ystyriaeth i fyfyrwyr hyn nad ydynt yn bodloni’r meini prawf uchod yn llawn ond maent yn meddu ar brofiad perthnasol. Bydd hyn yn cael ei benderfynu trwy gynnal trafodaeth ag arweinydd y cwrs.

Beth sy'n digwydd nesaf?

Ar gwblhau’r cwrs, gallech chi symud i:

• Addysg Uwch megis cwrs HNC/D neu gwrs gradd yn Coleg Gwent
• Prentisiaeth yn niwydiant gweithgynhyrchu / peirianneg
• Byd gwaith