CompTIA CompTIA DataX

Yn gryno

Mae CompTIA DataX yn ardystiad ar lefel arbenigwr ar gyfer gweithwyr proffesiynol profiadol ym maes data. Mae’n profi y gallwch chi:

• Ymdrin â setiau data cymhleth
• Defnyddio dysgu peirianyddol a modelau ystadegol
• Gyrru mewnwelediadau busnes trwy ddadansoddi uwch
• Gweithredu’n hyderus ar draws y cwmwl ac amgylchedd ar y safle

Mae’r cwrs hwn ar gael fel rhan o Gyfrif Dysgu Personol. Mae Cyfrif Dysgu Personol yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser am ddim sy’n cynnig dysgu hyblyg, cyfleus sy’n cyd-fynd â’u ffordd o fyw bresennol (yn amodol ar gymhwysedd).

Mae'r cwrs hwn ar gyfer...

…unrhyw un 19+ oed, sy’n byw yng Nghymru ac sydd mewn cyflogaeth. Nid yw’r terfyn cyflog o £34,303 yn berthnasol ar gyfer y cwrs hwn.

...unrhyw un sydd â dealltwriaeth gryf o ystadegau, modelu, dysgu peirianyddol a gweithrediadau data.

...uwch-wyddonwyr data, peirianwyr dysgu peirianyddol, ymgynghorwyr gwyddor data, arweinwyr technegol, dadansoddwyr profiadol a pheirianwyr sy’n symud i rolau strategol neu arweinyddiaeth ym maes gwyddor data. 

Cynnwys y cwrs

Cyflwynir y cwrs hwn drwy ystafell ddosbarth rithwir. Mae ystafelloedd dosbarth rhithwir yn gyfatebol i gyrsiau a gyflwynir wyneb yn wyneb mewn ystafelloedd dosbarth ond maent yn cael eu cyflwyno mewn amgylchedd ar-lein.

Hyd y cwrs: 5 diwrnod

Trwy gydol y cwrs, byddwch chi’n dysgu am y canlynol:

• Mathemateg ac Ystadegau
• Modelu, Dadansoddi a Chanlyniadau
• Dysgu Peirianyddol
• Gweithrediadau a Phrosesau Gwyddor Data
• Rhaglenni Gwyddor Data arbenigol

Gofynion Mynediad

Cynrychiolwyr sy’n meddu ar bum mlynedd neu fwy o brofiad ym maes gwyddor data, cyfrifiadureg neu feysydd cysylltiedig.

Bydd angen mynediad i’r rhyngrwyd arnoch chi, cyfrifiadur  Windows a gwe-gamera / meicroffon.

Gwybodaeth Ychwanegol

Nod y rhaglen Cyfrif Dysgu Personol yw darparu cyngor ac arweiniad gyrfa o safon i gyfranogwyr cyn dechrau eu dysgu, yn ystod eu dysgu ac ar ôl eu dysgu.

Cyn i chi gael eich cofrestru ar eich cwrs a ariennir gan y rhaglen Cyfrif 

Dysgu Personol, trafodir cynllun dysgu unigol gyda chi i sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd cysylltiedig
• profiad blaenorol yn y diwydiant neu’r maes
• dyheadau gyrfa
• ymroddiad amser angenrheidiol