Prentisiaeth - Gweithrediadau Contractio Adeiladu Lefel 3

Yn gryno

Mae prentisiaeth mewn Gweithrediadau Contractio Adeiladu yn gwrs 2 flynedd lle rydych chi'n cael eich cyflogi gan gwmni adeiladu ac yn mynychu'r coleg 1 diwrnod yr wythnos.

Mae'r cwrs hwn ar gyfer...

Tra byddwch ar y safle gyda'ch cyflogwr byddwch yn ennill sgiliau a phrofiad o weithio ar safle adeiladu yn cyflawni swyddi amcangyfrif, prynu, cynllunio a chymorth technegol.

Cynnwys y cwrs

Darperir hyfforddiant technegol yn y coleg un diwrnod yr wythnos, ac mae'n cynnwys amser mewn gweithdai ymarferol.

Byddwch yn astudio amrywiaeth o fodiwlau sy'n ymdrin â phynciau penodol, yn ogystal â sgiliau Llythrennedd a Rhifedd os oes angen.

Cyflwynir y rhaglen drwy gyfuniad o’r dulliau a ganlyn:

Sesiynau ymarferol mewn gweithdai lle ceir cyfleusterau o’r radd flaenaf
Hyfforddiant mewn amgylchedd gwaith realistig
Gwersi theori mewn ystafelloedd dosbarth llawn cyfarpar
Ymweliadau gan Asesydd Dysgu Seiliedig ar Waith
Trafodaethau
Arddangosiadau
Sesiynau tiwtorial un i un a sesiynau tiwtorial grŵp
Sgiliau Hanfodol
Gall hyn gynnwys cyfuniad o gymwysterau Cymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol, os oes angen.

Gofynion Mynediad

Oherwydd yr amrywiaeth o ddysgwyr sy'n mynychu'r cwrs rhan-amser; gallai eich cymwysterau gynnwys rhai ond nid o reidrwydd pob un o'r canlynol:

Cymwysterau Masnach Lefel 3, gan gynnwys diplomâu ac NVQs
5 TGAU gan gynnwys Saesneg a Mathemateg
Profiad Diwydiant gyda chyfweliad
Cymwysterau Lefel A, Gradd neu uwch gyda'r bwriad o newid cyfeiriad gyrfa
Mae'r cymhwyster seiliedig ar waith yn gofyn i chi fod yn gwneud yr ystod o waith gyda'ch cyflogwr a fydd yn eich galluogi i'w gwblhau'n llwyddiannus.

Gwybodaeth Ychwanegol

Cwblheir Diploma NVQ Lefel 3 mewn Gweithrediadau Contractio Adeiladu yn y gweithle. Cwblheir Diploma Cenedlaethol BTEC Lefel 3 mewn Adeiladu a'r Amgylchedd Adeiledig yn rhan-amser yn y Coleg.