City & Guilds Diploma mewn Barbro Lefel 2

... Ydych chi am gael gyrfa fel barbwr
... Ydych chi'n gyfeillgar ac yn weithgar
... Ydych chi'n dwli ar waith creadigol a manw

Mae bod yn farbwr yn dod â llawer o fanteision y bydd cynllunwyr gwallt cymwys yn sôn amdanynt wrthych. Os ydych chi'n ystyried dod yn farbwr, dyma'r prif resymau dros ei wneud:

• Gallwch fod yn greadigol

• Cwrdd â phobl newydd

• Bydd cael gyrfa mewn barbro yn rhoi cyfle i chi fod yn hyblyg gyda'ch oriau gwaith

• Byddwch yn gallu darparu amrywiaeth o wasanaethau

• Mae'n foddhaus ac yn werth chweil

Dyluniwyd ein cwrs ar gyfer pobl sydd â diddordeb gyrfaol mewn barbro, ac mae'n ddelfrydol os nad oes gennych lawer, neu ddim profiad neu sgiliau mewn barbro. Byddwn yn eich helpu i ddatblygu eich sgiliau gwasanaeth cwsmeriaid wrth ddelio â chleientiaid a sgiliau cyflogadwyedd ar gyfer pob math o swyddi.

Byddwch yn dysgu am:

• Ymgynghoriadau â chleientiaid

• Sgiliau derbynfa

• Defnyddio siampŵ

• Chwythu sych

• Torri gwallt a barfau sylfaenol

Bydd disgwyl i chi fynychu lleoliad gwaith yn ystod y flwyddyn academaidd, naill ai'n wythnosol neu fesul bloc. Gellir trefnu hyn naill ai’n annibynnol neu bydd eich tiwtoriaid yn eich cefnogi i ddod o hyd i leoliad addas.

Darperir y cwrs drwy:

• Ddosbarthiadau theori

• Gweithdai ymarferol

• Amgylcheddau salon go iawn yn y coleg

• Sesiynau masnachol

• Arddangosiadau

• Gwaith grwp

• Lleoliad gwaith

• Gweithgareddau cyfoethogi megis teithiau, ymweliadau, siaradwyr gwadd ac arddangosiadau allanol.

Byddwch yn cael eich asesu drwy asesiadau ymarferol, aseiniadau, prosiectau a phrofion amlddewis ar-lein a fydd yn tanategu gwybodaeth greiddiol. Ar ôl ei gwblhau, byddwch yn ennill:

• VRQ Lefel 2 mewn Barbro

• Cymwysterau cynorthwyol priodol er mwyn ehangu eich set sgiliau a bodloni anghenion y diwydiant

• Gweithgareddau Sgiliau

• Mathemateg a Saesneg

• Sgiliau Cyfoethogi Creadigol (gweithgareddau cymunedol ac arddangosiadau)

Bydd angen i chi fod yn hunan-gymhellol, yn weithgar, yn gyfeillgar a meddu ar lefel uchel o gyflwyniad personol. Bydd disgwyl i chi fynychu lleoliad gwaith yn ystod y flwyddyn academaidd. Bydd yr holl ddarpariaeth yn cymryd lle ar y campws a bydd un noson yr wythnos pan fyddwch yn y coleg tan yn hwyr. Presenoldeb a phrydlondeb ar gyfer pob sesiwn yw un o brif ofynion y cwrs hwn.

Bydd disgwyliad i chi fynychu lleoliad gwaith yn ystod y flwyddyn academaidd. Cyflwynir y cwrs ar y campws a bydd un noson yr wythnos pan efallai y byddwch chi yn y coleg tan hwyr y nos.

Mae presenoldeb a phrydlondeb ar gyfer pob sesiwn yn brif ofyniad ar gyfer y cwrs hwn.

NVQ Lefel 2 mewn Barbro neu gyflogaeth ar lefel prentis iau

O leiaf 3 TGAU ar radd D neu’n uwch, gan gynnwys: Mathemateg/Rhifedd a Saesneg/Cymraeg Iaith 1af neu gymhwyster Lefel Mynediad priodol. Bydd ymgeiswyr heb yr isafswm TGAU yn cael eu hystyried ar sail profiad blaenorol neu gymwysterau eraill.

Cod Gwisg:

• Rhaid gwisgo tiwnig gyda throwsus ac esgidiau duon mewn salonau

• Rhaid clymu gwallt yn daclus yn ôl ac i ffwrdd o’r wyneb

• Ni ddylid gwisgo unrhyw estyniadau ewinedd a farnais

• Dim tyllu: dim ond modrwy briodas y caniateir ei gwisgo yn y salon

Fel amod o’ch lle ar y cwrs hwn, disgwylir i chi brynu’r cit priodol oddi wrth ein cyflenwr cymeradwy ar gost o oddeutu £300.

I adlewyrchu disgwyliadau’r diwydiant, bydd yn ofynnol i chi wisgo tiwnig salon Coleg Gwent, i’w archebu oddi wrth ein cyflenwr cymeradwy. Gallwch chi gael manylion am sut i archebu eich tiwnig a’ch cit, ynghyd ag opsiynau talu’r cyflenwr, gan eich Pennaeth Ysgol, eich Darlithydd neu’ch Technegydd. Pris y tiwnig ar gyfer 2026/2027 yw £27.30* a phris crys polo Barbwr yw £10.50*