Yn gryno
Ydych chi eisiau bod yn dechnegydd ewinedd talentog?
Mae'r cwrs galwedigaethol cynhwysfawr hwn wedi'i gynllunio i roi'r paratoad gorau posibl i chi ar gyfer gyrfa fel technegydd ewinedd, gyda chymhwyster a gydnabyddir yn genedlaethol.
...unrhyw un sy'n gweithio, neu eisiau gweithio fel technegydd ewinedd.
...rheiny sydd eisiau dysgu proffesiwn newydd ochr yn ochr â’u cyflogaeth bresennol.
...pobl sydd â diddordeb mewn technoleg ewinedd a’r diwydiant harddwch.
...pobl sy’n greadigol, a gyda sylw i fanylion.
Daw’r Diploma YEHG Lefel 3 mewn Technoleg ewinedd hwn â’r holl elfennau gofynnol i weithio’n effeithiol fel technegydd ewinedd proffesiynol at ei gilydd.
Ymhlith y pynciau gofynnol y mae:
- Rhoi triniaeth y dwylo a thriniaethau’r traed
- Cymhwyso, cynnal a chadw safon ewinedd
- Cynnal iechyd a lles personol
- Iechyd a diogelwch a gofalu am gleientiaid.
Gall pynciau arbenigol dewisol gynnwys:
- Cynllunio a chymhwyso celf ewinedd
- Cynlluniau cuddio brychau
- Gwella cyflwr ewinedd gyda ffeiliau trydanol
- UV/LED polish
- Dyluniad Mendhi
Hefyd, byddwch yn cael gwybodaeth ac yn ennyn dealltwriaeth o anatomeg a ffisioleg berthnasol, iechyd a diogelwch, gofalu am gleientiaid, cynnyrch ac offer harddwch cosmetig. Yn ogystal, byddwch yn meithrin amrywiaeth o sgiliau technegol i baratoi’r croen a chymhwyso sawl triniaeth gwella ewinedd, gan ddefnyddio technegau amrywiol a rhyngbersonol, i’ch helpu i gyfathrebu’n effeithiol gyda chleientiaid.
Seiliwyd y cymhwyster ar therapi Safonau Galwedigaethol Cenedlaethol (SGC) mewn harddwch. Fe’i cydnabyddir gan y Gymdeithas Brydeinig broffesiynol arweiniol yn y DU, y British Association of Beauty Therapy and Cosmetology. Pan fyddwch chi wedi cael y cymhwyster hwn, byddwch yn gymwys i ddod yn aelod proffesiynol o BABTAC.
Disgwylir i chi weithio ar gleientiaid realistig mewn amgylchedd masnachol ac i fod yn gyfrifol am ddatblygu eich 'sail cleientiaid' eich hun - er bod y cymhwyster hwn yn caniatáu i chi gasglu tystiolaeth heb fod angen cael cleientiaid sy’n talu ffioedd.
Cewch eich asesu gan ddefnyddio cyfuniad o asesiadau ymarferol ar gyfer pob uned, aseiniad a phrosiectau a phrofion atebion lluosog yn ymdrin â’r wybodaeth sy’n sail i’r cwrs.
Mae’r cwrs hwn wedi ei anelu i’ch helpu i ddod o hyd i waith yn dechnegydd ewinedd, ac yn eich galluogi i ymuno â chymdeithas broffesiynol a chael yr yswiriant angenrheidiol i weithio yn y diwydiant.
Unrhyw un sydd â diddordeb mewn bod yn dechnegydd ewinedd. Yn barod i weithio ar dalu cleientiaid i adeiladu cwsmeriaid, magu hyder a chyflymder yn eu datblygiad.
Bydd angen i chi hefyd fod yn hunan-gymhellol, yn weithgar, yn meddu ar bersonoliaeth gyfeillgar a lefel uchel o gyflwyniad personol. Dylech fod yn ymroddedig i bresenoldeb llawn a phrydlondeb ar gyfer pob sesiwn er mwyn ennill eich cymhwyster.
Cod gwisg ein salon yw:
- Tiwnig gyda throwsus ac esgidiau duon
- Gwallt wedi'i glymu'n ôl yn daclus oddi wrth yr wyneb
- Ni ddylid gwisgo estyniadau gwallt a lliw ewinedd
- Dim tlysau - caniateir gwisgo modrwy briodas yn unig
Fel amod o’ch lle ar y cwrs hwn, bydd disgwyl i chi brynu'r offer priodol oddi wrth ein cyflenwr cymeradwy. Y gost am hyn yw tua £170, yn amodol ar gynnydd mewn prisiau chwyddiant.
Er mwyn adlewyrchu disgwyliadau’r diwydiant, bydd gofyn i chi wisgo gwisg salon Coleg Gwent a fydd yn cael ei archebu gan ein cyflenwr cymeradwy. Gellir cael manylion am sut i archebu eich gwisg, ynghyd ag opsiynau talu cyflenwyr, gan Bennaeth eich Ysgol, Darlithydd neu Dechnegydd. Mae’r pris tua £45, yn amodol ar gynnydd mewn prisiau oherwydd chwyddiant.
Gall costau ychwanegol godi yn ystod y flwyddyn ar gyfer ymweliadau addysgol.
Mae'r holl gostau wrthi’n cael eu hadolygu a gallant newid.
