Chwaraeon a Ffitrwydd
Cychwyn ar eich gyrfa chwaraeon
Os ydych yn byw am chwaraeon, yn caru bod yn actif neu’n awyddus i helpu eraill i gyflawni eu nodau ffitrwydd, mae ein cyrsiau chwaraeon yn berffaith ar eich cyfer.
P’un a ydych yn hyfforddi i gystadlu, arwain neu hyfforddi yn y diwydiant ffitrwydd, gallwn eich helpu i wella’ch sgiliau, hyder, a phrofiad i droi’ch angerdd yn broffesiwn.
Cewch hyfforddi mewn cyfleusterau go iawn, a chael effaith go iawn
Cewch brofiadau ymarferol mewn amgylcheddau chwaraeon go iawn, yn gweithio ar draws ystod eang o gyfleoedd hyfforddi a chwaraeon.
Byddwch wedi’ch lleoli mewn cyfleusterau proffesiynol, wedi’u cyfarparu’n llawn, sy’n adlewyrchu’r byd chwaraeon a ffitrwydd, gan gynnwys:
- Campfeydd ffitrwydd modern
- Caeau campws ar y safle a neuaddau chwaraeon
- Ystafell ddadansoddi chwaraeon ar gyfer mewnwelediadau perfformiad
- Stiwdio ddawns lachar, helaeth
Ydych chi’n teimlo’n angerddol dros helpu eraill i wella? Mae ein cyrsiau hyfforddi chwaraeon yn ymdrin â phopeth o gynllunio sesiynau a dadansoddi perfformiad i arweinyddiaeth a datblygiad athletwr. Perffaith ar gyfer y rhai sydd eisiau hyfforddi timau, ysgolion, neu unigolion.
Yn awyddus i redeg y sioe? Cewch ddarganfod sut mae cyfleusterau chwaraeon a hamdden yn cael eu rheoli, o gynllunio busnes i ofal cwsmeriaid - delfrydol os ydych â’ch bryd ar yrfa mewn gweithredu neu reoli chwaraeon.
Os mai hyfforddiant personol yw eich nod, bydd ein hopsiynau hyfforddiant hyfforddwr ffitrwydd yn eich helpu i gymhwyso mewn ymarferion grŵp, cyfarwyddyd campfa, a rheoli llesiant. Byddwch yn ennill sgiliau hanfodol i weithio mewn campfeydd, stiwdios, neu un i un gyda chleientiaid.
I ble y gallwch fynd gyda’ch cymhwyster?
Beth bynnag fo’ch uchelgais, byddwch yn gadael gyda’r hyder a’r cymwysterau i gychwyn arni.
Mae ein cyrsiau yn agor drysau i yrfaoedd cyffrous mewn:
- Hyfforddiant personol a chyfarwyddyd campfa
- Hyfforddi chwaraeon a datblygiad ieuenctid
- Rheoli hamdden
- Gweithgareddau awyr agored a chwaraeon antur
- Rhaglenni ymarfer corff a llesiant
- Adsefydlu, therapi a thylino
- Chwaraeon cymunedol neu broffesiynol
Oriel
Academïau hyfforddi arbenigol
Byddwch yn astudio ochr yn ochr â chyd-chwaraewyr o’r un anian â chi, hyfforddi gyda hyfforddwyr o’r radd flaenaf, a chystadlu mewn twrnameintiau a chynghreiriau cydnabyddedig.
Mae ein hacademïau arbenigol yn rhoi’r cyfle i athletwyr talentog ennill cymwysterau tra’n hyfforddi ar lefel uchel:
- Academi Rygbi Ieuenctid y Dreigiau
- Academi rygbi merched
- Academi pêl-rwyd
- Academi pêl-droed
Byddwn yn bendant yn argymell Coleg Gwent, mae'r cwrs yn cynnwys llawer o amrywiaeth gan gynnwys pêl-droed, rygbi, hyfforddiant athletau, pêl-rwyd a mwy. Mae'r system gefnogaeth gan y tiwtoriaid yn dda iawn hefyd. Gallwch fynd atynt gydag unrhyw beth a gallant eich helpu!
Dechreuwch ar eich taith mewn chwaraeon
O’r gampfa i’r cae, a hyfforddi i gyflyru, rydym yma i’ch helpu i gymryd y cam nesaf yn eich gyrfa chwaraeon a ffitrwydd.
Edrychwch ar ein cyrsiau chwaraeon a ffitrwydd llawn amser, rhan amser ac addysg uwch heddiw - a chewch droi’ch angerdd yn broffesiwn.