Yn gryno
Mae'r cwrs hwn yn gyflwyniad i amrywiaeth o sgiliau sy'n ofynnol gan y diwydiannau creadigol, a bydd modd i chi loywi eich sgiliau creadigol ar gyfer y llwybr creadigol o'ch dewis o fewn meysydd y cyfryngau a ffotograffiaeth.
... Rydych chi’n greadigol
... Oes gennych chi ddiddordeb mewn gyrfa yn niwydiannau'r cyfryngau neu ffotograffiaeth
... Rydych chi’n weithiwr caled ac yn gallu cymell eich hun
Beth fyddaf yn ei wneud?
Mae'r cwrs hwn yn addas i unrhyw un sydd eisiau gweithio mewn swydd greadigol sy'n ymwneud â thechnoleg a symud ymlaen i gwrs Lefel 3 mewn maes pwnc perthnasol (e.e. y cyfryngau creadigol, dylunio gemau, celf a dylunio aneu ffotograffiaeth).
Byddwch yn adeiladu eich dealltwriaeth a galluoedd ymarferol mewn amrywiaeth o brosesau a meddalwedd a byddwch yn cwblhau ystod o aseiniadau ymarferol. Byddwch yn gweithio'n annibynnol ac fel rhan o dîm ar gyfer aseiniadau ymarferol.
Bydd gennych fynediad at y feddalwedd Adobe Creative Cloud a'r cyfrifiaduron Apple Mac diweddaraf, ynghyd â chyfleusterau cyfredol rhagorol.
Byddwch yn astudio cyfanswm o 8 uned:
-
Uned 1: Cyflwyniad i ddulliau a sgiliau yn y cyfryngau creadigol
-
Uned 2: Cyflwyniad i ddulliau cynhyrchu yn y cyfryngau creadigol
-
Uned 3: Deall y gynulleidfa wrth gynhyrchu ym maes y cyfryngau cymdeithasol
-
Uned 4: Ymchwil cyd-destunol ar gyfer cynhyrchu ym maes y cyfryngau creadigol
-
Uned 5: Archwilio cynhyrchu a thechnoleg sain
-
Uned 6: Archwilio cynhyrchu a thechnoleg weledol
-
Uned 7: Archwilio cynhyrchu a thechnoleg yn y cyfryngau rhyngweithiol
-
Uned 8: Prosiect personol a chyflwyniad ar gynhyrchu yn y cyfryngau creadigol
Nid oes angen sefyll arholiadau, ond caiff pob aseiniad ei gymedroli dair gwaith y flwyddyn.
Cewch eich asesu drwy waith ymchwil a dadansoddi, gwaith ysgrifenedig, dylunio creadigol, defnydd o dechnoleg, datrys problemau, a gwerthuso. Pan fyddwch yn ei gwblhau, byddwch yn ennill:
- Cymhwyster UAL Lefel 2 mewn Cynhyrchu a Thechnoleg y Cyfryngau (Y Cyfryngau a Ffotograffiaeth)
- Cymwysterau cynorthwyol priodol er mwyn ehangu eich set sgiliau a bodloni anghenion y diwydiant
- Gweithgareddau Sgiliau
- Mathemateg a Saesneg
I gofrestru, bydd angen o leiaf 4 TGAU gradd D neu uwch, gan gynnwys naill ai Mathemateg/Rhifedd neu Gymraeg Iaith Gyntaf/Saesneg; neu gymhwyster Diploma Lefel 1 priodol yn y maes galwedigaethol perthnaso.
Dylech allu datblygu syniadau creadigol a bod yn barod i archwilio ystod eang o brosesau technolegol. Mae ymrwymiad llawn i bresenoldeb yn angenrheidiol, yn ogystal â pharch tuag at eraill, y gallu i gymell eich hun a brwdfrydedd tuag at y pwnc. Mae disgwyl i chi barhau gyda'ch astudiaethau a'ch gwaith cwrs yn ystod eich amser eich hun.
Ystod o Ddiplomâu Estynedig Lefel 3 Creadigol megis BTEC Lefel 3 mewn Cynhyrchu Cyfryngau Creadigol, UAL Lefel 3 mewn Ffotograffiaeth.
Byddai cwblhau Diploma Estynedig Lefel 3 yn llwyddiannus yn eich galluogi i symud ymlaen i addysg uwch a chyrsiau prifysgol.
Bydd angen o leiaf 4 TGAU Gradd D neu uwch, gan gynnwys naill ai Mathemateg/Rhifedd neu Saesneg/Cymraeg Iaith 1af.
NEU
Gymhwyster Diploma Lefel 1 priodol, gan gynnwys naill ai Mathemateg/Rhifedd Gradd D neu Saesneg/Cymraeg Iaith 1af Gradd D neu uwch.
Yn Crosskeys, bydd modd i chi astudio yn ein cyfleusterau o'r radd flaenaf sy'n cynnwys:
-
Ystafell sgrin werdd ar gyfer recordio golygfeydd ar gyfer ffilm a theledu
-
Ystafelloedd sain ar gyfer recordio cerddoriaeth, effeithiau sain a throsleisio
-
Gofod celf pwrpasol ar gyfer lluniadu a chreu cynnyrch
-
Stiwdio ffotograffiaeth broffesiynol
-
Cyfleusterau ystafell dywyll
-
Y defnydd o gamerâu ac offer eraill drwy gydol eich cwrs
