Dysgu ac Addysg
Dechreuwch eich gyrfa yn y byd addysg
Os ydych yn frwd dros helpu eraill i ddysgu, tyfu, a ffynnu, gallai gyrfa yn y byd addysg fod yn berffaith ar eich cyfer.
P’un a ydych yn gweld eich hun yn yr ystafell ddosbarth fel cynorthwyydd addysgu, yn cynnal gwersi fel athro cymwysedig, neu’n cefnogi datblygiad y blynyddoedd cynnar, mae ein cyrsiau yn rhoi’r adnoddau, yr hyder, a’r profiad i chi i wneud gwir wahaniaeth.
O’r camau cyntaf mewn addysg blynyddoedd cynnar i hyfforddiant athrawon ffurfiol, dyma’ch cyfle i ysbrydoli’r genhedlaeth nesaf.
Cewch hyfforddi gyda chefnogaeth sy’n eich rhoi chi yn gyntaf
Byddwch yn datblygu sgiliau ymarferol, yn magu hyder, ac yn ennill cymhwyster cydnabyddedig sy’n agor drysau ar gyfer ystod eang o swyddi.
Yn Coleg Gwent, rydym yn cynnig amgylchedd dysgu croesawus a chefnogol, gyda dosbarthiadau bychain a thiwtoriaid profiadol sy’n dod â’u gwybodaeth o’r byd go iawn i bob gwers.
Byddwch hefyd yn elwa o:
- Brofiad gwaith ymarferol i fagu hyder
- Arweiniad gan diwtoriaid sydd wedi gweithio yn y sector addysg
- Cymwysterau’r diwydiant, gan gynnwys llwybrau hyfforddiant athrawon TAR, PCE ac AHO
Archwiliwch eich opsiynau
P’un a ydych yn awyddus i gefnogi plant ar gychwyn eu haddysg neu lywio pobl ifanc tuag at annibyniaeth, byddwn yn eich helpu i ddod o hyd i’r llwybr cywir.
Mae ein cyrsiau addysgu a’n cymwysterau cymorth addysg yn eich paratoi ar gyfer amrywiaeth o swyddi gwerth chweil, gan gynnwys:
- Addysgu
- Cynorthwyydd addysgu (TA)
- Addysgwr blynyddoedd cynnar
- Cynorthwyydd cymorth dysgu
- Cymorth AAA (Anghenion Addysgol Arbennig)
Astudio hyblyg sy’n gweithio o’ch amgylch chi
Mae bywyd yn brysur - rydym yn deall. Dyna pam yr ydym yn cynnig opsiynau dysgu rhan amser hyblyg a fforddiadwy - perffaith os ydych yn awyddus i ailhyfforddi neu uwchsgilio heb oedi popeth arall.
Gallwch ddysgu wrth eich pwysau eich hun, cydbwyso’ch astudiaethau gyda theulu neu waith, a gwneud cynnydd tuag at yrfa y byddwch yn ei charu.
Nid yw dychwelyd i addysg ar ôl 17 mlynedd a magu tri o blant wedi bod yn hawdd, ond mae'r athrawon cefnogol, y cyfleusterau gwych, a'r amserlen hyblyg yn Coleg Gwent wedi ei wneud yn bosibl. Rwy'n adeiladu dyfodol gwell i mi fy hun a fy nheulu, ac rwy'n gyffrous i gyflawni fy nod o ddod yn Gynorthwyydd Addysgu.
Oriel
Dechreuwch eich taith heddiw
Os ydych yn barod i gefnogi, arwain, ac ysbrydoli eraill - gan gychwyn gyda chi’ch hun - bydd ein cyrsiau addysg ac addysgu yn eich helpu ar eich taith.
Edrychwch ar ein cyrsiau llawn amser, rhan amser ac addysg uwch heddiw a chymerwch y cam cyntaf tuag at yrfa werth chweil yn y byd addysg.