Dathlu cyflawniadau rhagorol yn ein Seremoni Wobrwyo Dysgwyr flynyddol

Cydnabuwyd cyflawniadau dysgwyr ledled Coleg Gwent yn ein Seremoni Wobrwyo Dysgwyr eleni. 

Ar ddydd Iau 18 Mehefin, fe groesawsom ddysgwyr, aelodau staff, teuluoedd a gwesteion gwadd i ICC Cymru i ddathlu’r llwyddiannau, y gwydnwch a’r ymroddiad a ddangoswyd gan gymuned y coleg. 

Cydnabu'r seremoni unigolion a ddangosodd ymrwymiad rhagorol i’w hastudiaethau, a oresgynnodd heriau, a gyflawnodd nodau personol ac a wnaeth gyfraniad cadarnhaol i fywyd coleg. 

Fe enillodd dysgwyr a enwebwyd gan aelodau staff gydnabyddiaeth am ystod eang gyflawniadau y tu fewn i'r ystafell ddosbarth yn ogystal ag y tu allan. Fe ddangosodd y seremoni brofiadau, talentau a llwyddiannau amrywiol unigolion o gymuned gyfan Coleg Gwent. 

Bu 352 enwebiad eleni, gan arddangos ystod y dalent ar pob campws. Ar ôl ystyriaeth ofalus, dewiswyd 118 o unigolion i dderbyn Gwobrau Cyflawniad Dysgwyr o dair cyfadran y coleg. 

Derbyniodd Sanaa Rstam, Brody Brooks a Sky Buckwell Wobr y Pennaeth Cynorthwyol i gydnabod y cynnydd a wnaethpwyd yn ystod eu hastudiaethau. Cyflwynwyd Gwobr y Cadeirydd i Lauren Cahalane am oresgyn anawsterau, wrth i Inshal Raza dderbyn Gwobr y Pennaeth am berfformiad rhagorol. 

Dywedodd Nikki Gamlin, Pennaeth Coleg Gwent:

"Mae Gwobrau'r Dysgwyr yn un o uchafbwyntiau'r flwyddyn academaidd sydd yn roi'r cyfle i ni ddathlu cyflawniadau rhyfeddol ein dysgwyr. 

Y tu ôl i bob enwebiad y mae stori o benderfyniad, gwydnwch a thwf personol. Rydym yn hynod falch o bawb a enwebwyd ac o gydnabod enillwyr eleni. 

Mae eu cyflawniadau’n dangos grym trawsnewidiol addysg a’r effaith gadarnhaol y maent yn ei chael o fewn y coleg ac yn eu cymunedau ehangach. Llongyfarchiadau i bawb a gydnabuwyd yn ystod y seremoni eleni."