OCR Diploma Technegol Caergrawnt mewn Celfyddydau Perfformiadol Lefel 2

Yn gryno

Bydd y cwrs yma yn eich cyflwyno i fyd perfformio.

Dyma'r cwrs i chi os...

... Oes gennych ddiddordeb mewn perfformio a gweithio yn y diwydiant celfyddydau perfformiadol
... Ydych eisiau cwrs ymarferol
... Ydych eisiau datblygu sgiliau mewn pynciau yn ymwneud â drama

Beth fyddaf yn ei wneud?

Byddwch yn manteisio ar ein theatr o’r radd flaenaf a mannau ymarfer pwrpasol. Mae’r opsiynau astudio yn cynnwys:

• Y busnes celfyddydau perfformiadol
• Dyfeisio, sgriptio a pherfformio dramâu
• Actio
• Symud
• Canu
• Theatr gerdd

Byddwch yn cael eich asesu yn barhaus, trwy aseiniadau ymarferol yn bennaf, gyda gwaith ysgrifenedig yn ategu’r sgiliau a ddatblygir gan fyfyrwyr actio. Bydd eich gwaith yn cael ei gymedroli yn allanol. Ar ôl cwblhau’r cwrs, byddwch yn cyflawni:

• Lefel 2 mewn Celfyddydau Perfformiadol
• Gweithgareddau Sgiliau
• Mathemateg a Saesneg
• Cymwysterau perthnasol eraill i hybu eich set sgiliau

Beth a ddisgwylir ohonof i?

Er mwyn bod yn gymwys ar gyfer y cwrs yma, bydd angen o leiaf 4 TGAU Gradd D neu uwch arnoch, gan gynnwys naill ai Mathemateg/Llythrennedd mewn Mathemateg neu Saesneg/Cymraeg Iaith Gyntaf, neu gymhwyster Diploma Lefel 1 priodol yn y maes galwedigaethol perthnasol gan gynnwys naill ai TGAU Mathemateg/Llythrennedd mewn Mathemateg neu Saesneg/Cymraeg Iaith Gyntaf.

Mae ymroddiad llwyr i bresenoldeb yn ofynnol, ynghyd â pharch at eraill, brwdfrydedd dros y pwnc, hunanysgogiad, gallu creadigol ac awydd i lwyddo. Dylai fod gennych ddiddordeb mewn drama a bod â rhywfaint o brofiad o berfformio sylfaenol.

Beth sy'n digwydd nesaf?

Ar ôl cwblhau’r Diploma Lefel 2 ar Lefel Teilyngdod yn llwyddiannus, gallwch wneud cais am y Diploma Estynedig Celfyddydau Perfformiadol neu astudiaeth Lefel 3 arall.

Gwybodaeth Ychwanegol

Fel rhan o’r gofynion mynediad, bydd disgwyl i chi fynychu sesiwn brofi, lle byddwch yn cymryd rhan mewn clyweliad.