Cerddoriaeth a Chelfyddydau Perfformio
Dewch i serennu
Os ydych yn teimlo’n gartrefol ar y llwyfan, tu ôl i’r meic, neu yn yr ystafell ymarfer, rydych yn y man cywir.
P’un a ydych yn breuddwydio am yrfa mewn actio, cynhyrchu, ysgrifennu caneuon, neu berfformio, gall ein cyrsiau cerddoriaeth, drama a’r celfyddydau perfformio eich helpu i droi’ch angerdd yn rhywbeth pwerus.
Mae Cymru yn llawn creadigrwydd - yn gartref i gynyrchiadau, gwyliau a sêr newydd o’r radd flaenaf. Yn Coleg Gwent, mae modd i chi fod yn rhan o’r genhedlaeth nesaf ddawnus sy’n llywio’r diwydiannau creadigol.
Cewch hyfforddi mewn mannau proffesiynol, gydag arweiniad arbenigol
P’un a ydych yn berfformiwr, cynhyrchydd, neu’n bwriadu gweithio tu ôl i’r llenni, cewch brofiadau ymarferol a fydd yn cynyddu’ch sgiliau a’ch hyder.
Bydd tiwtoriaid profiadol a gweithwyr proffesiynol yn y diwydiant yn eich dysgu mewn mannau sy’n addas ar gyfer creadigrwydd, gan gynnwys:
- Stiwdios cerdd llawn offer
- Stiwdios recordio proffesiynol
- Theatrau perfformio pwrpasol
- Stiwdios dawns proffesiynol
Mae ein cyrsiau yn rhoi cyfle i chi ysgrifennu caneuon, perfformio, a chynhyrchu cerddoriaeth tra’n eich helpu i ddatblygu’ch dawn ac ehangu’ch dealltwriaeth o’r diwydiant cerddoriaeth. Byddwch yn gweithio gyda cherddorion angerddol eraill ac yn datblygu sgiliau mewn:
- Ysgrifennu caneuon a chyfansoddiad
- Recordio mewn stiwdio a pheirianneg sain
- Prosiectau cydweithredol a pherfformiadau byw
Beth am ddarganfod sut i ddod â chymeriadau’n fyw a dweud straeon pwerus drwy leferydd, symudiad, ac emosiwn. Byddwch yn datblygu technegau actio, presenoldeb ar lwyfan, a hyder o flaen cynulleidfa - ac ar gamera. Mae ein cyrsiau drama yn eich paratoi ar gyfer gweithio mewn:
- Theatr, ffilm, a’r teledu
- Cyflwyno a chyfarwyddo
- Gwaith llais a pherfformiad clywedol
Os ydych wrth eich bodd yn symud, canu, neu’n coreograffu, mae ein cyrsiau theatr dawns a cherdd yn cyfuno hyfforddiant technegol gyda pherfformiad creadigol. Byddwch yn datblygu’ch dawn mewn:
- Coreograffi a thechnegau dawns
- Hyfforddiant lleisiol a symudiad
- Crefft llwyfan a chynhyrchu
I ble fydd cerddoriaeth a'r celfyddydau perfformio yn eich arwain?
Mae ein cyrsiau cerddoriaeth a chelfyddydau perfformio yn cynnig cyfle i chi wneud gyrfa allan o'ch creadigrwydd a'ch angerdd. P'un a ydych wrth eich bodd ar y llwyfan, y tu ôl i'r llenni neu yn y stiwdio, mae byd o gyfleoedd yn aros amdanoch chi.
Mae cymhwyster mewn cerddoriaeth a'r celfyddydau perfformio yn arwain at ystod o yrfaoedd cyffrous, gan gynnwys:
- Cerddor
- Actor
- Dawnsiwr
- Cynhyrchydd cerddoriaeth
- Technegydd sain
- Rheolwr llwyfan
- Cyfarwyddwr theatr
- Coreograffydd
- Cyfansoddwr
- Athro drama
Oriel
Mae astudio'r Celfyddydau Perfformio yn Coleg Gwent wedi bod yn brofiad anhygoel. Mae'r hyfforddiant ymarferol, o ddawns i waith llais, a'r cyfleusterau gwych fel y theatr a'r stiwdios dawns wedi fy helpu i ddatblygu fy sgiliau. Gwnaeth yr awyrgylch gefnogol a chyfeillgar bob gwahaniaeth — nawr rwy'n mynd i ysgol ddrama yn Llundain i gymryd y cam nesaf yn fy ngyrfa.
Dechreuwch eich taith greadigol heddiw
Ble bynnag mae’ch angerdd - cerddoriaeth, drama, dawns, neu gynhyrchu - cewch hyd i’r cwrs, y gefnogaeth, a’r ysbrydoliaeth sydd eu hangen arnoch yn Coleg Gwent.
Edrychwch ar ein cyrsiau cerddoriaeth a’r celfyddydau perfformio llawn amser, rhan amser ac addysg uwch heddiw a chymerwch y cam cyntaf tuag at eich gyrfa ddelfrydol.