Addysg Uwch Cymorth Dysgu
Eich cefnogi chi
Mae gennym ni ddigonedd o wasanaethau cymorth ar gael, p’un a oes angen cymorth arnoch gyda phrawfddarllen eich gwaith, cymorth hygyrchedd neu sesiynau ychwanegol i gynorthwyo gydag aseiniadau, rydym yma i helpu!
Anghenion Dysgu Ychwanegol (ADY)
Os oes gennych chi anhawster dysgu neu anabledd cofrestredig, dylech chi gynnwys yr wybodaeth hon – yn ogystal â thystiolaeth ategol - fel rhan o’ch cais i Gyllid Myfyrwyr Cymru neu Gyllid Myfyrwyr Lloegr am gyllid a chymorth.
Ar gyfer y rhan fwyaf o ddysgwyr Addysg Uwch, ariennir cymorth â diagnosis trwy Gymorth Myfyrwyr a chaiff ei gyflenwi gan weithwyr proffesiynol allanol.
Os oes angen cymorth arnoch chi, siaradwch â’ch tiwtor, cysylltwch â’ch Cydlynydd Anghenion Dysgu Ychwanegol, neu cysylltwch â thîm Cymorth CG.
Gall y cymorth gynnwys::
- Cymorth yn y dosbarth
- Sesiynau ychwanegol i helpu gydag aseiniadau a gwaith cwrs
- Cymorth gan Weithiwr Cymorth Cyfathrebu (i fyfyrwyr byddar)
- Cymorth Dyslecsia
- Defnyddio meddalwedd hygyrchedd gan gynnwys hyfforddiant cychwynnol
- Trefniadau mynediad ar gyfer arholiadau
Cymorth Academaidd a Chymorth Bugeiliol
Ar bob campws, darperir cymorth i ddysgwyr Addysg Uwch drwy eich tiwtor cwrs a thîm Cymorth CG.
Rydyn ni yma i’ch helpu drwy gydol eich rhaglen astudio a gallwn ni eich cyfeirio at y bobl gywir os bydd angen cymorth ychwanegol arnoch chi.
Os ydych chi’n ansicr o ran pwy y dylech chi siarad ag ef, mae eich tiwtor bob amser yn bwynt cyswllt cyntaf da.
Gall y cymorth gynnwys:
- Cymorth sgiliau astudio
- Arweiniad academaidd
- Cymorth ar gyfer pryderon am bresenoldeb
- Cyngor ar gyllid ac ariannu
- Cymorth ar gyfer rheoli straen a lles