Dysgu Oedolion yn y Gymuned Gwent

Dysgwch rywbeth newydd. Magwch hyder. Newidiwch eich dyfodol.

Mae Dysgu Oedolion yn y Gymuned (Adult Community Learning - ACL) yn rhoi cyfle i oedolion oed 19 neu'n hŷn ddysgu yn eu cymuned leol. Nid oes angen i chi gael cynllun gyrfa pendant na gwybod yn union beth rydych chi am ei gyflawni - gallwch ddechrau gyda rhywbeth sydd o ddiddordeb i chi a gweld i ble mae dysgu yn mynd â chi.

Dysgwch yn lleol ledled Gwent

P'un a ydych chi am wella eich sgiliau Saesneg, mathemateg neu sgiliau digidol, datblygu sgiliau ar gyfer y gwaith, archwilio diddordeb newydd, cwrdd â phobl newydd neu fynd â'ch dysg ymhellach, fe welwch gyfleoedd ledled Gwent i'ch helpu i ddechrau arni.

Mae Coleg Gwent yn arwain Partneriaeth Dysgu Oedolion yn y Gymuned Gwent, gan weithio gyda darparwyr awdurdodau lleol ledled Blaenau Gwent, Caerffili, Sir Fynwy, Casnewydd a Torfaen.

Dysgwch yn lleol - Dysgwch mewn lleoliadau cymunedol croesawgar ledled Gwent, gan ei gwneud hi'n haws cydbwyso dysgu â'r gwaith, cyfrifoldebau gofalu a bywyd bob dydd.
Magwch hyder - Dysgwch gyda thiwtoriaid profiadol mewn amgylchedd cyfeillgar a chefnogol.
Cwrdd â phobl newydd Cysylltwch ag eraill yn eich cymuned leol a magu hyder drwy ddysgu ynghyd.
Dysgwch ar gyfer y gwaith neu fywyd Magwch sgiliau ar gyfer y gwaith, dysgu pellach neu rywbeth sydd o ddiddordeb ichi.

Pynciau ar gael ledled Gwent

Mae yna lawer o ffyrdd o ddysgu drwy Ddysgu Oedolion yn y Gymuned, p'un a ydych chi am ddatblygu sgiliau hanfodol, paratoi ar gyfer y gwaith, cefnogi eich iechyd a'ch hyder, neu archwilio rhywbeth rydych chi'n ei fwynhau. Mae'r hyn sydd ar gael yn amrywio yn ôl ardal a thrwy gydol y flwyddyn.

Defnyddiwch y tabl isod i weld pa feysydd pwnc sydd ar gael yn eich ardal. I gael y wybodaeth ddiweddaraf am ddyddiadau a lleoliadau cyrsiau a dysgu sut i wneud cais, defnyddiwch y dolenni i ddarparwyr lleol yn yr adran nesaf.

Maes pwnc	Blaenau Gwent	Caerffili	Sir Fynwy	Casnewydd	Torfaen
Saesneg, Mathemateg a Saesneg i Siaradwyr Ieithoedd Eraill
Sgiliau Digidol a TG
Iechyd a Llesiant
Sgiliau Byw'n Annibynnol
Sgiliau cyflogadwyedd a gyrfaol
Sgiliau ymarferol a'r celfyddydau creadigol
Ieithoedd
Coginio a sgiliau bwyd
Addysg a chymorth addysgu
Sgiliau bywyd a chymunedol

Dewch o hyd i gyrsiau yn eich ardal

Cynhelir sesiynau Dysgu Oedolion yn y Gymuned mewn lleoliadau lleol ledled Gwent, gan gynnwys canolfannau cymunedol, llyfrgelloedd, ysgolion, canolfannau hamdden a mannau dysgu eraill. Dewiswch eich ardal isod i weld y cyrsiau diweddaraf a dysgu sut i wneud cais.

Mae wedi fy helpu i gadw lan â thechnoleg ddigidol fyth-newidiol, ac wedi cefnogi fy lles a'm llesiant.

Dysgwr Caerffili

Mae'r cwrs wir wedi fy helpu i gael swydd a defnyddio'r sgiliau yn fy ngwaith bob dydd.

Dysgwr Blaenau Gwent

Mae'r cwrs celf wedi dychwelyd fy mywyd cymdeithasol imi, gan helpu imi ddatblygu fy sgiliau. Mae wedi fy helpu i symud ymlaen ym myd celf, ymuno â grwpiau celf lleol eraill, a chyda gobaith, gwneud celf yn rhan o fy mywyd proffesiynol. Mae fy nhiwtor yn gefnogol ac yn galonogol iawn, ac mae wastad ganddo ddeunyddiau os nad oes modd inni brynu rhai ein hunain.

Dysgwr Sir Fynwy

Dw i wir wedi mwynhau'r cwrs. Gyda phob cwrs dw i wedi'i fynychu, mae fy hyder wedi tyfu a dw i ddim yn ofni defnyddio'r cyfrifiadur rhagor. Diolch i chi am roi'r cyfle imi wella fy hun a'm sgiliau.

Dysgwr Torfaen

Esboniodd fy nhiwtor bopeth yn glir a rhoddodd gymorth pryd bynnag roedd ei angen arna i. Gwnaeth hi wneud imi deimlo'n gyfforddus iawn yn gofyn am gymorth.

Dysgwr Casnewydd

Oriel

Construction student stood in the workshop

Barod i fynd ymhellach â'ch dysg?

Gall Dysgu Cymunedol i Oedolion agor y drws i ragor o ddysg, cymwysterau newydd, cyfleoedd i wirfoddoli neu waith. Os ydych chi'n barod i barhau i ddysgu gyda Coleg Gwent, dewch i archwilio ein hopsiynau astudio eraill.