Yn gryno
Mae’r cwrs hwn yn addas i ddysgwyr o ystod eang o gefndiroedd, gan gynnwys gweithwyr busnes proffesiynol, rheolwyr, timau prosiect, staff TG, ac unrhyw un sydd â diddordeb mewn sut mae Deallusrwydd Artiffisial yn cael ei ddefnyddio mewn sefydliadau cyfoes.
Mae’r cwrs wedi’i ddylunio ar gyfer gweithwyr proffesiynol sy’n dymuno symud y tu hwnt i ymwybyddiaeth sylfaenol o Ddeallusrwydd Artiffisial, mae’n archwilio sut mae technolegau Deallusrwydd Artiffisial yn trawsnewid diwydiannau, gan wella’r broses gwneud penderfyniadau a chreu cyfleoedd ar gyfer arloesedd.
2 ddiwrnod o ddysgu rhithwir a arweinir gan hyfforddwr wedi’u dilyn gan arholiad.
Mae’r cwrs yn darparu cyflwyniad strwythuredig i egwyddorion, cymwysiadau, a goblygiadau Deallusrwydd Artiffisial mewn sefydliadau cyfoes. Bydd dysgwyr yn cael dealltwriaeth o gysyniadau Deallusrwydd Artiffisial allweddol, gan gynnwys dysgu peirianyddol, asiantau deallus, rhwydweithiau niwtral, gwneud penderfyniadau a yrrir gan ddata, a chymhwyso ymarferol Deallusrwydd Artiffisial mewn amgylcheddau busnes. Mae’r cwrs hefyd yn archwilio’r ystyriaethau moesegol, cyfreithiol, a llywodraethiant sy’n gysylltiedig â Deallusrwydd Artiffisial gan helpu sefydliadau i fabwysiadau Deallusrwydd Artiffisial yn gyfrifol gan reoli risgiau a chynnal ymddiriedaeth. Trwy enghreifftiau ymarferol ac astudiaethau achos o’r byd go iawn, bydd cynrychiolwyr yn datblygu gwerthfawrogiad o’r cyfleoedd a’r heriau a gyflwynir gan Ddeallusrwydd Artiffisial. Yn ogystal ag adeiladu dealltwriaeth gryf o Ddeallusrwydd Artiffisial, mae’r cwrs yn paratoi dysgwyr ar gyfer arholiad BCS Tystysgrif Sylfaen mewn Deallusrwydd Artiffisial.
Nid oes angen meddu ar brofiad blaenorol o faes Deallusrwydd Artiffisial. Byddai dealltwriaeth sylfaenol o gysyniadau TG cyffredinol o fudd ond nid yw’n hanfodol.
Mae'r cwrs hwn ar gael fel rhan o Gyfrif Dysgu Personol (PLA). Menter gan Lywodraeth Cymru yw'r PLA sy'n cynnig cyfle i bobl gael mynediad at gyrsiau am ddim a rhan-amser gyda ffordd hyblyg a chyfleus o ddysgu sy'n cyd-fynd a'u ffordd o fyw bresennol (yn amodol ar gymhwysedd).
Mae rhaglen PLA yn bwriadu darparu cyngor a chanllawiau gyrfa o safon i gyfranogwyr cyn, yn ystod ac ar ôl eu dysgu.
Cyn i chi gofrestru ar eich cwrs a ariennir gan PLA, bydd cynllun dysgu unigol yn cael ei drafod gyda chi i sicrhau bod y dysgu cywir wedi'i ystyried.
Bydd hyn yn cynnwys trafodaeth gyffredinol ar y pynciau canlynol:
- addysg ffurfiol neu gymwysterau mewn meysydd cysylltiedig
- profiad blaenorol o fewn y diwydiant neu faes
- dyheadau gyrfa
- ymroddiad amser angenrheidiol
- ymroddiad o amser sydd ei angen mynediad i'r rhyngrwyd, cyfrifiadur windows a gwe-gamera/meicroffon
