Yn gryno
Bydd y cwrs gweithredu Llwythwr Lori Wedi’i Fowntio (a elwir yn aml yn llwythwr lori, llwythwr hydrolig wedi’i fowntio neu yn ôl enw y gwneuthurwr "HIAB") yn rhoi'r sgiliau i chi weithredu'r craen yn ddiogel ac yn effeithlon.
Ar ôl cwblhau'n llwyddiannus byddwch yn cael trwydded achrededig gan yr RTITB, sy'n ddilys am 3 blynedd.
Mae'r cwrs hwn ar gael fel rhan o Gyfrif Dysgu Personol (PLA). Menter gan Lywodraeth Cymru yw'r PLA sy'n cynnig cyfle i bobl gael mynediad at gyrsiau am ddim a rhan-amser gyda ffordd hyblyg a chyfleus o ddysgu sy'n cyd-fynd a'u ffordd o fyw bresennol (yn amodol ar gymhwysedd).
… y rhai sy’n 19+ oed, sy’n byw yng Nghymru, sydd mewn cyflogaeth, ac sy’n ennill yn llai na £35,796 y flwyddyn.
... gyrwyr LGV cymwys sy'n edrych i uwchsgilio, gan eu galluogi i weithredu craeniau wedi'u mowntio ar gerbydau
... unigolion sydd am ddilyn gyrfa fel gyrrwr arbenigol, cludo llwythi swmp fel deunyddiau adeiladu, peiriannau trwm, pren a mwy
Cwblheir y cwrs hwn dros 2 ddiwrnod llawn, gydag uchafswm o 3 hyfforddai.
Trwy gydol y cwrs byddwch yn dysgu sut i gynnal archwiliad cyn-ddefnydd, gweithredu atodiadau, cludo amrywiaeth o lwythi gan ddefnyddio'r peiriant a deall signalau a roddir gan y slingwyr a'r arwyddwyr. Byddwch hefyd yn gallu cofio ac egluro achosion ansefydlogrwydd y lori a'r llwythi.
Bydd gofyn i chi basio prawf theori, ac yna asesiad ymarferol.
Rhaid bod gennych drwydded nwyddau mawr yn barod (categori C1, C neu CE) er mwyn ymrestru ar y cwrs hwn.
Mae rhaglen PLA yn bwriadu darparu cyngor a chanllawiau gyrfa o safon i gyfranogwyr cyn, yn ystod ac ar ôl eu dysgu.
Cyn i chi gofrestru ar eich cwrs a ariennir gan PLA, bydd cynllun dysgu unigol yn cael ei drafod gyda chi i sicrhau bod y dysgu cywir wedi'i ystyried.
Bydd hyn yn cynnwys trafodaeth gyffredinol ar y pynciau canlynol:
- addysg ffurfiol neu gymwysterau mewn meysydd cysylltiedig
- profiad blaenorol o fewn y diwydiant neu faes
- dyheadau gyrfa
- ymroddiad amser angenrheidiol
Bydd hyn hefyd yn cynnwys trafodaeth benodol ar y meysydd isod ar gyfer y cwrs hwn:
- trwydded gyfredol ar gyfer LGV/HGV
- dyheadau gyrfa er mwyn sicrhau trwydded i wella cyfleoedd gwaith
