Yn gryno
Nid yn unig y mae hwn yn gam perffaith yn eich gyrfa trin gwallt, ond mae hefyd yn rhoi amrywiaeth o sgiliau hanfodol i’ch helpu i ddatblygu eich gyrfa.
…gweithwyr trin gwallt sydd am wella eu sgiliau a datblygu’n uwch steilydd.
Mae hwn yn gwrs 34 wythnos. Mae Diploma NVQ Lefel 3 City and Guilds mewn Trin Gwallt yn cwmpasu nifer o bynciau gorfodol a dewisol, gydag asesiadau yn cael eu cynnal yn ein salon ar y safle a phrofion amlddewis ar-lein.
Y pynciau gorfodol yw:
- Darparu gwasanaethau ymgynghori ar drin gwallt
- Hyrwyddo gwasanaethau ychwanegol neu gynhyrchion i gwsmeriaid
- Torri gwallt yn greadigol gan ddefnyddio cyfuniad o dechnegau
- Monitro gweithdrefnau i reoli gweithrediadau gwaith yn ddiogel
Gall pynciau dewisol gynnwys:
- Lliwio gwallt gan ddefnyddio amrywiaeth o dechnegau
- Triniaethau gwallt a chroen y pen
- Gwasanaethau cywiro lliw
- Gwasanaethau ymestyniadau gwallt creadigol
- Steilio a gwisgo gwallt yn greadigol
- Gwasanaethau ymgynghori arbenigol i gyflyrau gwallt a chroen y pen
- Gwisgo gwallt hir yn greadigol
- Datblygu a gwella sgiliau trin gwallt yn greadigol
- Cyfrannu at effeithiolrwydd ariannol y busnes
- Creu amrywiaeth o effeithiau a bermiwyd
- Cyfrannu at gynllunio a gweithredu gweithgareddau hyrwyddo
- Cefnogi gwella gwasanaeth i gwsmeriaid
Hefyd, mae’r cwrs yn cynnwys amrywiaeth o gymwysterau Sgiliau Hanfodol Cymru (SHC) a fwriadwyd i’ch helpu i ddatblygu’r sgiliau sydd eu hangen arnoch i wneud y gorau o’ch dysgu, eich gwaith a’ch bywyd. Maent yn cynnwys. Cymhwyso Rhif Lefel 2 – bydd y cymhwyster hwn yn eich helpu i wella eich sgiliau rhif, gan gynnwys rhoi dealltwriaeth o ddata rhifiadol i chi, gwneud cyfrifiadau, dehongli canlyniadau a chyflwyno canfyddiadau. Cyfathrebu Lefel 2 – bydd hwn yn eich helpu i wella eich sgiliau cyfathrebu wrth siarad, gwrando, darllen ac ysgrifennu. Technoleg Gwybodaeth a Chyfathrebu (TGCh) Lefel 1 – fe’i bwriadwyd i wella eich sgiliau TGCh, gan gynnwys canfod, dewis a chyfnewid gwybodaeth a datblygu a chyflwyno gwybodaeth. Pan fyddwch chi wedi cwblhau’r cwrs yma, gallech symud ymlaen i Lefel 4 mewn Rheolaeth Salon, neu gyrsiau perthnasol tebyg i therapi Harddwch neu Golur Theatrig a’r Cyfryngau.
Lefel 4 mewn Rheolaeth Salon neu gyrsiau cysylltiedig fel Therapi Harddwch neu Colur Theatrig a Chyfryngol.
Er mwyn dilyn y cwrs yma, bydd angen i chi fod yn gyflogedig mewn lleoliad addas.
Fel amod o’ch lle ar y cwrs hwn, bydd disgwyl i chi brynu'r offer priodol oddi wrth ein cyflenwr cymeradwy. Y gost am hyn yw tua £140, yn amodol ar gynnydd mewn prisiau chwyddiant.
I adlewyrchu disgwyliadau'r diwydiant, bydd gofyn i chi wisgo gwisg salon Coleg Gwent y gellir ei harchebu oddi wrth ein cyflenwr cymeradwy. Gellir cael manylion ar sut i archebu eich gwisg salon am ddim, a setiau ychwanegol, yn ogystal ag opsiynau talu’r cyflenwyr, oddi wrth eich Pennaeth Ysgol, Darlithydd neu Dechnegydd. Y pris ar gyfer 2024/2025 yw £45, yn amodol ar gynnydd mewn prisiau chwyddiant.
Gall costau ychwanegol godi yn ystod y flwyddyn ar gyfer ymweliadau addysgol.
Mae'r holl gostau wrthi’n cael eu hadolygu a gallant newid.
