Yn gryno
Mae’r Dystysgrif mewn Barbro Lefel 3 yn gymhwyster sydd wedi’i ddylunio’n benodol i ddatblygu eich sgiliau ymarferol i lefel uwch trwy amrywiaeth o dechnegau. Mae’n berffaith ar gyfer y rhai sy’n dymuno dod yn uwch steilyddion gan dorri gwallt dynion yn greadigol a gwaith cywrain arbenigol sy’n ofynnol ar gyfer torri blew ar yr wyneb.
Dyma'r cwrs i chi os...
… rydych chi eisoes yn meddu ar gymhwyster Trin Gwallt neu Farbro a hoffech chi ddod yn Uwch Steilydd
… rydych chi’n meddu ar brofiad o dorri gwallt dynion
… rydych chi’n driniwr gwallt profiadol ac mae angen ennill cymwysterau i symud eich gyrfa yn ei blaen
… rydych chi’n dymuno newid gyrfa.
Diben y cymhwyster hwn yw datblygu eich sgiliau ymarferol i safon alwedigaethol uchel iawn i’ch galluogi chi i gyflawni eich gwasanaethau salon eich hun.
Cynhelir y cwrs dros 15 awr yr wythnos ac mae’n cynnwys technegau sylfaenol gan gynnwys unedau gorfodol ac unedau dewisol.
Mae’r unedau gorfodol yn cynnwys:
-
Gwaith a arsylwyd/Gwaith a aseswyd gyda chleientiaid
-
Gweithdrefnau monitro i reoli gweithrediadau yn y gwaith yn ddiogel
-
Darparu gwasanaethau cynghori ar drin gwallt
-
Torri gwallt yn greadigol gan ddefnyddio cyfuniad o dechnegau.
-
Arholiadau aml-ddewis ar-lein
Mae’r unedau dewisol yn cynnwys:
-
Lliwio gwallt gan ddefnyddio amrywiaeth o dechnegau
-
Cyfrannu at effeithiolrwydd ariannol y busnes
-
Cyfrannu at gynllunio a gweithredu gweithgareddau hyrwyddo
-
Cynnal ymgynghoriadau i adnabod anghenion
-
Datblygu technegau torri/clipio i gyflawni’r wedd ddelfrydol
-
Defnyddio cynhyrchion a chyfarpar
-
Iechyd a Diogelwch yn y salon
-
Darparu gwasanaeth ôl-ofal addas
- Pyrmio a niwtraleiddio gwallt
- Hyrwyddo a gwerthu cynhyrchion a gwasanaethau i gleientiaid
Yn sail i’r cymhwyster hwn, byddwch chi’n datblygu gwybodaeth gadarn am fonitro iechyd a diogelwch wrth weithio yn y diwydiant barbro. Byddwch chi hefyd yn datblygu gwybodaeth a dealltwriaeth am y sgiliau ymarferol a ddysgir drwy gydol y cymhwyster hwn.
Fel amod o’ch lle ar y cwrs hwn, disgwylir i chi brynu’r cit perthnasol, gan ein cyflenwr cymeradwy, sy’n costio oddeutu £283 yn amodol ar adolygu/cynyddu pris. Os ydych chi eisoes wedi prynu’r cit trwy’r cwrs Lefel 2, yna bydd angen i chi brynu’r cit atodol yn unig, sy’n costio oddeutu £67.
I adlewyrchu disgwyliadau’r diwydiant, bydd gofyniad i chi wisgo gwisg salon Coleg Gwent i’w harchebu gan ein cyflenwr cymeradwy. Gallwch chi gael manylion am sut i archebu eich gwisg a dewisiadau talu’r cyflenwr gan eich Pennaeth Ysgol, eich Darlithydd, neu’ch Technegydd. Mae’r pris oddeutu £45, yn amodol ar gynnydd mewn prisiau.
Gall costau ychwanegol godi yn ystod y flwyddyn ar gyfer ymweliadau addysgol.
Mae'r holl gostau wrthi’n cael eu hadolygu a gallant newid.
Ar ôl i chi gwblhau’r cwrs, byddwch chi’n symud ymlaen i’r cymhwyster NVQ Lefel 3 mewn Trin Gwallt Menywod neu redeg eich salon eich hun neu gael arbenigedd mewn mathau o wallt neu driniaethau trin gwallt.
Efallai yr hoffech chi feddwl am y cymwysterau eraill hyn hefyd:
Tystysgrifau a Diplomau Lefel 3 mewn Trin Gwallt – diweddaru eich sgiliau a’ch technegau a dysgu rhai newydd
Tystysgrif/Diploma Proffesiynol Uwch mewn Rheolaeth Salon Dechnegol – y sgiliau i redeg eich salon trin gwallt eich hun
Dyfarniad mewn Atal Dermatitis trwy Gyffyrddiad – y technegau i ddiogelu cwsmeriaid rhag heintiau.
Bydd angen i chi feddu ar naill ai o leiaf cymhwyster Lefel 2 yn unrhyw ddisgyblaeth trin gwallt neu byddwch chi wedi ennill profiad o weithio mewn siop farbro heb feddu ar unrhyw gymwysterau ffurfiol.
