Yn gryno
Mae’r cymhwyster hwn yn faes arbenigedd poblogaeth. Mae hyn yn golygu ei fod wedi’i ddylunio i gefnogi gweithwyr proffesiynol ym maes ffitrwydd cymwysedig presennol, hyfforddwyr personol neu ddarpar arbenigwyr sy’n dymuno ehangu eu harbenigedd a chefnogi ystod ehangach o gleientiaid sydd ag anghenion cymhleth neu amrywiol yn hyderus. Mae’n berffaith os ydych chi’n dymuno gweithio’n fwy effeithiol gydag unigolion sydd â chyflyrau iechyd hirdymor, anableddau neu namau a’r rhai sy’n profi cyfnodau bywyd allweddol megis oedolion hŷn, beichiogrwydd a’r cyfnod ôl-enedigol, neu’n profi’r menopos. Efallai eich bod chi eisoes yn gweithio mewn campfa, lleoliad cymunedol, lleoliad iechyd neu leoliad lles a hoffech chi gyflenwi sesiynau gweithgarwch corfforol mwy cynhwysol, mwy diogel ac mwy pwrpasol neu efallai eich bod chi’n dymuno gwella eich cyflogadwyedd trwy ddatblygu gwybodaeth arbenigol sy’n eich galluogi chi i wella canlyniadau cleientiaid ac annog cyfranogiad gydol oes mewn ymarfer corff.
Disgwylir i chi ymgysylltu’n weithredol ag elfennau damcaniaethol ac elfennau ymarferol y cwrs gan ddangos ymrwymiad i ddatblygu eich gwybodaeth a’ch sgiliau proffesiynol. Mae hyn yn cynnwys mynychu sesiynau’n rheolaidd, cymryd rhan mewn trafodaethau a gweithgareddau ymarferol a chwblhau gwaith cwrs ac asesiadau i safon uchel. Hefyd, disgwylir i chi gymhwyso eich dysgu mewn lleoliadau go iawn neu leoliadau a efelychir, gan fyfyrio ar eich ymarfer a dangos dealltwriaeth o sut i addasu gweithgarwch corfforol yn ddiogel ac yn effeithiol ar gyfer ystod o grwpiau o gleientiaid. Mae ymagwedd broffesiynol, sgiliau cyfathrebu a threfnu da a pharodrwydd i weithio’n annibynnol yn hanfodol drwy gydol y rhaglen.
Provide your feedback on BizChat
Meddu ar gymhwyster mynediad priodol ar gyfer rolau chwaraeon, ymarfer corff neu ffitrwydd sydd wedi'i fapio i safonau proffesiynol CIMSPA
- Personal trainer
- Hyfforddwr gwaith mat Pilates
- Hyfforddwr personol
Yn gallu cyfathrebu ag unigolion a grwpiau yn effeithiol.
I ennill sgiliau addysgu a hyder datblygedig, argymhellir i ddysgwyr feddu ar o leiaf chwe mis o brofiad o gynllunio a darparu sesiynau ymarfer corff cyn ymgymryd â'r cymhwyster hwn.
Mae'r cwrs hwn wedi'i gynllunio i gefnogi'r rhai sy'n gweithio yn y diwydiant yn bresennol neu sy'n awyddus i fireinio eu gwybodaeth a'u sgiliau proffesiynol ymhellach. Mae'r ddarpariaeth yn cyfuno sesiynau ymarferol a gynhelir ar y campws gyda dysg gymysg hyblyg i'ch galluogi chi i ddatblygu eich arbenigedd ochr yn ochr â'r gwaith ac ymrwymiadau eraill.
Bydd gofyniad i chi fynychu’r campws ar ddyddiau Iauo 09:30 tan 15:30 ar y dyddiadau canlynol: 17fed Ionawr, 28ain Ionawr, 18fed Chwefror, 11eg Mawrth, 8fed Ebrill, 22ain Ebrill, 13eg Mai, 10fed Mehefin, 24ain Mehefin ar gyfer sesiynau dysgu wyneb yn wyneb, sesiynau ymarferol a gweithdai datblygu sgiliau.
Mae 5 awr ymhellach o ddysgu wedi’u hamserlennu ar gyfer y dyddiau Iau sy’n weddill yn ogystal â 3.5 awr ychwanegol bob dydd Mawrth, o 09:00 tan 12:30. Caiff y sesiynau hyn eu cyflenwi trwy ymagwedd gyfunol hyblyg a all gynnwys addysgu ar-lein byw gan ddefnyddio ystod o dechnolegau cyfathrebu, sesiynau gweithdy, gweithgareddau sy’n seiliedig ar ddiwydiant, datblygu portffolio a chymorth ar y campws yn ôl yr angen.
