Yn gryno
Mae'r Dystysgrif VTCT Lefel 3 mewn Tylino Pen Indiaidd yn gymhwyster cydnabyddedig yn genedlaethol a gynlluniwyd gyda’r nod o ddatblygu eich sgiliau ymarferol a gwybodaeth sylfaenol o'r therapi holistaidd poblogaidd hwn. Mae Tylino Pen Indiaidd, sy'n seiliedig ar egwyddorion Ayurvedaidd, yn canolbwyntio ar y pen, gwddf, ysgwyddau, wyneb, a breichiau uchaf er mwyn ennyn ymlaciad, lleddfu tensiwn, a gwella llesiant
Bydd y cymhwyster hwn yn rhoi'r sgiliau proffesiynol, yr wybodaeth a'r hyder sydd eu hangen arnoch i ddarparu triniaethau Tylino Pen Indiaidd yn ddiogel ac yn effeithiol mewn ystod o leoliadau megis salonau, sbaon a chlinigau therapi holistaidd, neu fel ymarferydd hunangyflogedig.
- Oes diddordeb gennych mewn therapïau holistaidd a chyflenwol
- Ydych chi eisoes yn gweithio, neu yr hoffech weithio, yn y diwydiannau harddwch, sba neu lesiant
- Hoffech ychwanegu Tylino Pen Indiaidd at eich ystod bresennol o driniaethau
- Ydych chi'n hoffi dysgu mewn modd ymarferol
- Ydych chi'n chwilio am gymhwyster proffesiynol sy'n cefnogi cyflogaeth neu hunangyflogaeth
Byddwch yn cymryd rhan mewn cyfuniad o weithdai, arddangosiadau, sesiynau damcaniaethol ac astudiaeth annibynnol. Yn ystod y cwrs byddwch yn:
- Dysgu tarddiad, egwyddorion a buddion Tylino Pen Indiaidd
- Datblygu sgiliau ymgynghori, cyfathrebu a gofal cleientiaid
- Astudio’r anatomeg a ffisioleg sy'n berthnasol i Dylino Pen Indiaidd
- Dysgu sut i fynd ati’n broffesiynol wrth baratoi'r ardal gleientiaid, y gweithle, ac eich hun
- Cymhwyso technegau Tylino Pen Indiaidd i’r pen, gwddf, ysgwyddau, wyneb a breichiau uchaf
- Dysgu sut i addasu triniaethau er mwyn bodloni anghenion unigol cleientiaid
- Dod i ddeall gofynion iechyd, diogelwch a glanweithdra mewn lleoliad proffesiynol
Cynhelir asesiadau ar ffurf:
- Arsylwadau ymarferol
- Aseiniadau ysgrifenedig neu gwestiynau i brofi eich gwybodaet
- Astudiaethau achos a thystiolaeth o driniaeth
- Adeiladu portffolio yn unol â gofynion VTCT
I gwblhau'r cwrs hwn yn llwyddiannus bydd gofyn i chi:
- Fynychu sesiynau'n rheolaidd ac yn brydlo
- Cyfranogi'n llawn i weithgareddau ymarferol a damcaniaethol
- Ymarfer sgiliau er mwyn magu hyder a chymhwysedd
- Cwblhau aseiniadau a gwaith portffolio erbyn dyddiadau cau cytunedig
- Cadw'n unol â safonau iechyd, diogelwch a glanweithdra
Hefyd, bydd angen i chi feddu ar ddillad proffesiynol addas a bodloni'r safonau ymddangosiad sy'n addas i'r diwydiant.
Ar ôl cwblhau'r Dystysgrif VTCT Lefel 3 mewn Tylino Pen Indiaidd, gallech:
- Gynnig triniaethau Tylino Pen Indiaidd mewn salonau, sbaon neu leoliadau therapi holistaidd
- Gweithio fel therapydd teithiol hunangyflogedig neu lawrydd
- Symud ymlaen i gymwysterau VTCT Lefel 3 mewn therapïau cyflenwol neu holistaidd
- Cyfuno'r cymhwyster hwn gyda thriniaethau tylino neu lesiant er mwyn gwella cyflogadwyedd
Mae'r cymhwyster hwn yn cefnogi twf gyrfaol o fewn y sector iechyd, harddwch a llesiant
- Cymhwyster Lefel 3 mewn Anatomeg a Ffisioleg neu gymhwyster cydnabyddedig sy'n cynnwys hyn.
- Fel arall, efallai y rhoddir ystyriaeth i brofiad yn y diwydiant
- Awydd i weithio’n ymarferol ag eraill mewn modd proffesiynol a pharchus
