BTEC Diploma mewn Adeiladu a'r Amgylchedd Adeiledig / Peirianneg Sifil Lefel 3

Hoffech yrfa yn nisgyblaethau’r diwydiant adeiladu technegol
Ydych yn dda am weithio fel rhan o dîm
Oes gennych ddiddordeb yn y theori y tu ôl i adeiladu a dyluniad yr amgylchedd adeiledig

Wrth ennill gwybodaeth fanwl am y diwydiant, byddwch yn paratoi eich hun ar gyfer gyrfa bosibl mewn amrywiaeth o rolau gan gynnwys, ond nid yn gyfyngedig i; bensaernïaeth, cynllunio, peirianneg sifil, dylunio adeiladau, rheoli prosiectau, mesur meintiau, tirfesur adeiladau a thechnegwyr CAD.

Mae Prentisiaethau Dysgu Seiliedig ar Waith Coleg Gwent ar gael, a bydd hyn hefyd yn ffurfio dilyniant naturiol i'r prentisiaid hynny sydd eisoes wedi cyflawni NVQ seiliedig ar grefft.

Os oes gennych ddiddordeb mewn dilyn gyrfa broffesiynol ym maes adeiladu, mae hwn yn gwrs dilyniant da i chi. Gall y cwrs gynnwys cynllunio, cynaliadwyedd, dylunio a gweithio fel rhan o dîm safle neu swyddfa. Byddwch yn astudio unedau craidd ac unedau dewisol, gan gynnwys:

• Dylunio

• Adeiladu

• Tirfesur

• Amcangyfrif

• Cynllunio a gweinyddu

Byddwch yn ymwneud â phrosiectau rhyngbroffesiynol parhaus a gweithgareddau ymarferol ar y safle, gan gynnwys tirfesur topograffig a llinol, dylunio â chymorth cyfrifiadur (CAD) a thechnegau lluniadu graffigol.

Cewch eich asesu drwy waith cwrs, a fydd yn cynnwys gweithgareddau ysgrifenedig ac ymarferol. Ar ôl ei gwblhau, byddwch yn cyflawni:

• Lefel 3 mewn Adeiladu

• Cymwysterau cynorthwyol priodol er mwyn ehangu eich set sgiliau a bodloni anghenion y diwydiant

• Gweithgareddau Sgiliau

• Saesneg a Mathemateg

Er mwyn ymuno â’r cwrs hwn, bydd angen o leiaf 5 TGAU Gradd C neu uwch arnoch, gan gynnwys Saesneg/Cymraeg Iaith Gyntaf neu gymhwyster Diploma Lefel 2 priodol gyda Gradd Deilyngdod a Gradd C mewn TGAU Mathemateg a Saesneg/Cymraeg Iaith Gyntaf.

Gofynnir i chi hefyd:

• Fod â diddordeb mewn adeiladau a’r adeiladwaith trefol ehangach – nid yw adeiladu yn swydd sydd wedi’i chyfyngu i oriau gwaith y dydd ond yn hytrach yn ffordd o fyw

• Gallu gweithio o dan bwysau fel unigolyn neu fel rhan o dîm er mwyn cwblhau’r aseiniadau i derfynau amser a manylebau tynn

• Mae amgyffred gweddol o fathemateg yn ddymunol, gan fod llawer o’r modiwlau yn dibynnu ar egwyddorion mathemategol sylfaenol mewn cyd-destun adeiladu

Mae’n rhaid cael ymrwymiad llawn i bresenoldeb, ynghyd â pharch tuag at eraill, brwdfrydedd am y pwnc a hunangymhelliant.

Bydd cwblhau Diploma 90 Credyd Blwyddyn 1 yn eich galluogi i symud ymlaen i’r ail flwyddyn a chwblhau’r Diploma Estynedig llawn. O’r fan honno, mae’r llwybrau cynnydd yn cynnwys:

• Gradd Sylfaen/HNC/HND neu gwrs gradd llawn

• Prentisiaethau lefel uwch

Byddwch angen o leiaf 5 TGAU gradd C neu uwch, gan gynnwys Mathemateg a Chymraeg Iaith Gyntaf/Saesneg neu radd Teilyngdod mewn cymhwyster Diploma Lefel 2 priodol a TGAU gradd C mewn Mathemateg a Chymraeg Iaith Gyntaf/Saesneg.

Mae'r holl gostau wrthi’n cael eu hadolygu a gallant newid.