Yn gryno
Mae hwn yn gipolwg trylwyr a llawn gwybodaeth ar gyrsiau Bioleg. Mae cwrs CBAC Safon Uwch mewn Bioleg yn darparu ystod eang o wybodaeth sy’n cynnwys agweddau amrywiol ar ystod o themâu. Mae’r rhain yn cynnwys Anatomeg, Ffisioleg, Ecoleg, Microbioleg, Microsgopeg, Geneteg a Biocemeg.
...os oes gennych chi ddiddordeb mewn dilyn llwybr Meddygol neu Wyddonol
...os hoffech chi ddilyn gyrfa ym maes Gofal Iechyd, Peirianneg, Fferylliaeth, Addysg, Gwyddorau Ffisegol fel rhai enghreifftiau
...oes gennych ddiddordeb brwd mewn gwyddoniaeth
Mae’r fanyleb wedi’i rhannu yn gyfanswm o 5 uned: 2 uned Safon Uwch Gyfrannol a 3 uned Safon Uwch.
Mae’r cwrs Safon UG Bioleg yn cynnwys:
- Bioleg 1: Biocemeg sylfaenol a threfniant celloedd
- Bioleg 2: Bioamrywiaeth a ffisioleg systemau’r corff
Mae’r cwrs Safon Uwch Bioleg yn cynnwys:
- Bioleg 3: Egni, homeostasis a’r amgylchedd
- Bioleg 4: Amrywiad, etifeddiaeth ac opsiynau
- Bioleg 5: Arholiad ymarferol
Caiff pob un o’r 5 uned ei hasesu gan fwrdd arholi CBAC. Mae Uned 5 yn cynnwys dau Arholiad Ymarferol i’w gwblhau yn y coleg dan amodau arholiad. Ar ôl eu cwblhau, byddwch chi’n ennill: Safon UG Bioleg a Safon Uwch Bioleg yn ogystal â llawer o sgiliau trosglwyddadwy pwysig.
Cyrsiau addysg uwch y gall Bioleg fod yn rhan o'r cymhwyster mynediad, yn cynnwys Meddygaeth, Fferylliaeth, Ffisiotherapi, Biocemeg, Iechyd Amgylcheddol, Geneteg, Nyrsio, Optometreg, Cadwraeth, Ecoleg, Gwyddor Filfeddygol a Biodechnoleg.
O leiaf 5 cymhwyster TGAU, gradd A* i C gan gynnwys TGAU Iaith a Llenyddiaeth Saesneg neu TGAU Cymraeg Iaith Gyntaf a TGAU Mathemateg a Rhifedd.
Hefyd, mae’n rhaid cynnwys:
Gradd B mewn Bioleg neu radd BB ar gyfer Gwyddoniaeth Dyfarniad Dwbl yn ogystal â gradd B mewn Mathemateg a Rhifedd a gradd B mewn Iaith a Llenyddiaeth Saesneg. Ni dderbynnir TGAU Gwyddoniaeth Gymhwysol. GCSE Applied Science is not accepted.
Hefyd, mae’n rhaid i ymgeiswyr UG Bioleg astudio ar o leiaf un cwrs STEM Safon UG arall.
Mae hefyd yn rhaid i ymgeiswyr basio asesiad cychwynnol sy’n seiliedig ar allu yn ystod y cyfnod cofrestru.
