EAL Dilyniant mewn Gosod Trydanol (Adeiladau a Strwythurau) Lefel 2

... Oes gennych chi ddiddordeb mewn prentisiaeth neu yrfa fel gosodwr trydanol
... Rydych eisoes wedi cyflawni Diploma Lefel 2 (Sylfaen) mewn gwaith trydanol
... Rydych am gael gwybodaeth ymarferol a gwybodaeth theori

Mae’r cwrs Dilyniant mewn Astudiaethau trydanol yn rhoi cyfle i chi ddatblygu eich sgiliau a’ch gwybodaeth i safon uchel a gydnabyddir gan y diwydiant.

Byddwch yn dysgu sut i osod a phrofi amrywiaeth o gylchedau trydanol yn ein gweithdai helaeth eu hoffer.

Byddwch yn astudio nifer o unedau yn ystod y cwrs, yn cynnwys:

• Gwaith Gosod Trydanol
• Deall Sut mae Gosod Amgaeadau ar gyfer Ceblau Trydanol, Dargludyddion a Systemau Weirio
• Deall Sut mae Gosod a Chysylltu Ceblau, Dargludyddion, Systemau Weirio a Chyfarpar Trydanol
• Deall Sut mae Archwilio a Phrofi Cylchedau Trydanol wedi’u Dad-wefru
• Deall Gwyddoniaeth ac Egwyddorion Trydanol Canolradd

Cyflwynir y cwrs trwy sesiynau ymarferol mewn cyfleusterau gweithdy rhagorol a gwersi theori i danategu'r wybodaeth a ddysgwyd yn y sesiynau ymarferol.

Byddwch yn cael eich asesu trwy brosiectau ymarferol a phrofion ar-lein ac ysgrifenedig, ac ar ôl cwblhau’r cwrs, byddwch yn ennill:

• Diploma Lefel 2 Astudiaethau Trydanol
• Gweithgareddau Sgiliau
• Mathemateg a Saesneg
• Cymwysterau perthnasol eraill i wella eich set sgiliau

I ymuno â’r cwrs, bydd arnoch angen Diploma Lefel 2 (Sylfaen) mewn Astudiaethau Trydanol

a

naill ai TGAU Mathemateg/Mathemateg Rhifedd neu Saesneg/Cymraeg Iaith Gyntaf Gradd C neu uwch

Mae dysgwyr ar y cwrs hwn fel arfer yn symud ymlaen i Brentisiaeth neu Gyflogaeth ym maes Gosodiadau Trydanol.

I gael mynediad i’r cwrs, bydd angen i chi gael Diploma Lefel 2 (Sylfaen) mewn Trydaneg ac un ai TGAU Mathemateg/Mathemateg Rhifedd neu Radd C Saesneg/Cymraeg Iaith Gyntaf neu uwch

Bydd angen i chi brynu Offer Amddiffynnol Personol (PPE) addas a fydd yn costio tua £40.00, yn ogystal â’ch offer ysgrifennu eich hun.