YMCA Diploma mewn Cefnogi Cyfranogiad mewn Gweithgaredd Corfforol (Poblogaethau Arbenigol) Lefel 3

Yn gryno

Trwy gwblhau'r cwrs hwn, bydd dysgwyr yn bodloni gofyniadau'r diwydiant i gynllunio a darparu sesiynau a rhaglenni ymarfer corff a gweithgareddau corfforol (o fewn cwmpas eu hymarfer) er mwyn diwallu anghenion oedolion yn y meysydd canlynol: Oedolion Hŷn, Anableddau a Namau, Amenedigol a Menopos.

Dyma'r cwrs i chi os...

Gelwir y cymhwyster hwn yn ‘arbenigedd poblogaethau’. Mae hyn yn golygu ei fod wedi'i gynllunio i gefnogi hyfforddwyr ymarfer corff a ffitrwydd presennol i ehangu cwmpas eu hymarfer i weithio â phoblogaethau arbenigol o oedolion (Cyflyrau iechyd hirdymor, Oedolion Hŷn, Anableddau a Namau, Amenedigol a Menopos).

Beth fyddaf yn ei wneud?

Bydd dysgwyr yn mynd dros y cynnwys canlynol:

Cyflyrau Hirdymor

• Rôl gweithgarwch corfforol ac ymarfer corff mewn atal a rheoli cyflyrau iechyd hirdymor

• Rhaglennu, addasu a darparu ymarfer corff i oedolion sydd â chyflyrau iechyd hirdymor.

Menopos

• Deall camau'r menopos a’r effeithiau a’r risgiau i iechyd 
• y mae hormonau'n dirywio yn eu peri.

• Rhaglennu ac addasu sesiynau a rhaglenni ymarfer corff i fodloni anghenion unigolion ar wahanol gamau o'r menopos (o fewn cwmpas eu hymarfer)

Anabledd a Namau

• Deall pwysigrwydd gweithio'n gynhwysol a'r effaith y mae'n ei chael ar gymryd rhan mewn gweithgarwch corfforol.
• Adnabod manteision gweithgarwch corfforol ac ymarfer corff i unigolion sydd ag anableddau a namau.
• Cynllunio ac addasu ymarfer corff a gweithgareddau corfforol i unigolion sydd ag anableddau a namau.
• Profi, asesu a darparu sesiynau ymarfer corff cynhwysol i unigolion sydd ag anableddau a namau.
• Deall egwyddorion diogelu oedolion ac oedolion sy'n agored i niwed.
• Adnabod pwysigrwydd polisïau diogelu mewn sefydliadau a'r effaith y mae deddfau yn ei chael ar y polisïau hyn.
• Adnabod ac ymateb i ddangosyddion posib o gam-drin ac ymarfer gwael. Rheoli risgiau wrth ddiogelu oedolion ac oedolion sy'n agored i niwed o fewn eu rolau eu hunain.

Oedolion Hŷn

• Ennill dealltwriaeth o'r effeithiau o heneiddio yn ogystal ag arferion heneiddio iachus.
• Dod yn gyfarwydd â gwrtharwyddion ymarfer corff mewn oedolion hŷn.
• Deall canllawiau arferion gorau wrth ddarparu gweithgarwch corfforol ac ymarfer corff i oedolion hŷn.
• Profi ac asesu oedolion hŷn cyn cymryd rhan mewn gweithgarwch corfforol ac ymarfer corff.
• Datblygu sgiliau i gynllunio a darparu rhaglenni ymarfer corff sydd wedi’u haddasu i oedolion hŷn.
• Adolygu rhaglenni ymarfer corff a gynlluniwyd ymlaen llaw a'u haddasu yn ôl y gofyn.

Amenedigol

• Deall y newidiadau anatomegol, ffisiolegol a bio-fecanyddol sydd yn digwydd yn ystod beichiogrwydd a'r cyfnod ôl-enedigol
• Deall anghenion maethol cyfranogwyr cyn-geni ac ôl-enedigol
• Deall manteision gweithgarwch corfforol ar gyfer cyfranogwyr cyn-geni ac ôl-enedigol
• Deall y llwybr gofal mamolaeth
• Deall cwmpas ymarferion a chanllawiau seiliedig ar dystiolaeth o ran gweithio gyda chyfranogwyr cyn-geni ac ôl-enedigol
• Deall gwrtharwyddion cymharol a diamod i weithgarwch corfforol ar gyfer cyfranogwyr cyn-geni ac ôl-enedigol.
• Cynllunio gweithgareddau a rhaglenni diogel, cynhwysol ac effeithiol ar gyfer cyfranogwyr cyn-geni ac ôl-enedigol.
• Darparu ac adolygu sesiynau ymarfer corff ar gyfer cyfranogwyr cyn-geni ac ôl-enedigol
• Rheoli risgiau mewn sesiynau ymarfer corff cyn-geni ac ôl-enedigol.

Gwybodaeth Ychwanegol

Cynhelir y cwrs hwn ar ffurf cyfuniad o ddysgu wyneb yn wyneb ac ar-lein.