Gwasanaethau Cyhoeddus
Gwasanaethu eich cymuned. Llywio’ch dyfodol
Os ydych yn barod am yrfa brysur, gwerth chweil, sy’n gwneud gwahaniaeth, mae ein cyrsiau gwasanaethau cyhoeddus yn gychwyn gwych.
P’un a ydych yn breuddwydio am ymuno â’r heddlu, y gwasanaeth tân ac achub, y lluoedd arfog neu’r timau ymateb i argyfwng, byddwn yn eich helpu i feithrin y sgiliau, magu hyder, a phrofiad i gymryd y cam nesaf a gwasanaethu.
Dyma’ch cyfle i ddefnyddio’ch angerdd i bwrpas - a chychwyn ar adeiladu gyrfa sy’n amddiffyn, cefnogi, ac ysbrydoli eraill.
Bydd gweithwyr proffesiynol go iawn yn eich dysgu, mewn lleoliadau go iawn
Yn Coleg Gwent, nid yn yr ystafell ddosbarth yn unig y byddwch yn derbyn hyfforddiant. Bydd ein tiwtoriaid profiadol, gyda llawer ohonynt wedi gweithio yn y maes, yn eich arwain bob cam o’r daith. Byddwch yn datblygu gwybodaeth ymarferol a damcaniaethol, sy’n canolbwyntio ar waith tîm, arweinyddiaeth, ffitrwydd corfforol, a gwneud penderfyniadau dan bwysau.
Byddwch yn dysgu drwy:
- Ymarferion ymarferol ar sail senario
- Tripiau, gweithdai, a heriau tîm
- Siaradwyr gwadd o’r gwasanaethau brys a’r sector cyhoeddus ehangach
- Profiad galwedigaethol sy’n eich paratoi am yr hyn sy’n dod nesaf
I ble all y gwasanaethau cyhoeddus fynd â chi?
P’un a ydych eisiau bod ar y llinell flaen neu du ôl i’r llenni, mae rôl - a llwybr - ar eich cyfer.
Mae ein cyrsiau wedi’u llunio i agor drysau i ystod eang o yrfaoedd sector cyhoeddus, gan gynnwys:
- Gwasanaeth heddlu a phlismona cymunedol
- Y gwasanaeth tân ac achub
- Y Fyddin, y Llynges Frenhinol, Môr-filwyr a’r Llu Awyr Brenhinol
- Gwasanaethau deallusrwydd a diogelwch
- Gwasanaethau ambiwlans a pharafeddygol
- Rolau mewnfudo a rheoli ffiniau
- Gwasanaethau prawf a charchar
- Ymchwiliad safle trosedd a gorfodi sifil
Oriel
Rydw i eisiau ymuno â'r heddlu un diwrnod i helpu fy nghymuned a gwneud gwahaniaeth go iawn. Yn Coleg Gwent, rydym yn astudio pynciau fel trosedd, digwyddiadau mawr, a ffitrwydd, sy'n fy helpu i adeiladu’r sgiliau a'r annibyniaeth sydd eu hangen arnaf. Fy nod yw codi trwy'r rhengoedd a chefnogi eraill yn y llu.
Mae eich taith yn dechrau yma
Os ydych yn barod i wneud gwir wahaniaeth, dyma’r amser i weithredu.
O hyfforddiant gwasanaethau mewn lifrai i rolau yn y gyfraith ac ymateb i argyfwng, mae ein cyrsiau gwasanaethau cyhoeddus yn rhoi’r sylfaen i chi adeiladu dyfodol y gallwch fod yn falch ohono.
Edrychwch ar ein cyrsiau gwasanaethau cyhoeddus llawn amser, rhan amser ac addysg uwch heddiw a chymerwch y cam cyntaf tuag at yrfa werth chweil.