Moduro
Cychwynnwch yr injan a llywio’ch dyfodol
Caru ceir? Wedi gwirioni â chwaraeon modurol? Breuddwydio am droi eich angerdd yn yrfa? Yn Coleg Gwent, mae ein cyrsiau modurol ymarferol yn rhoi’r sgiliau a’r profiad i wneud hynny.
P’un a ydych eisiau trwsio’r injan, adfer corff y cerbyd, neu wthio perfformiad i’r entrychion, mae cwrs ar eich cyfer yma - a gweithdy yn aros amdanoch.
Cewch hyfforddi yn gyflym
Byddwch yn dysgu mewn rhai o’r uwch gyfleusterau hyfforddi modurol yng Nghymru, gyda thiwtoriaid arbenigol sydd wedi gweithio yn y diwydiant ac yn gwybod sut i lwyddo. Ble bynnag yr ydych yn gweld eich hun yn y diwydiant, cewch hyd i’r offer, technoleg a chefnogaeth i gael yno.
Byddwch yn gweithio ar gerbydau go iawn, cit go iawn, ac yn cael profiadau go iawn mewn:
- Bwth arbenigol i chwistrellu ceir - yr unig un o’i fath yng Nghymru
- Ein canolfan Achrediad Technegydd Modurol (ATA)
- Fflyd o gerbydau trydan a hybrid
- Ffordd Dreigl Dyno Beic Modur i brofi pŵer a pherfformiad
Byddwch yn dysgu sgiliau i wasanaethu, atgyweirio a chynnal a chadw ystod eang o gerbydau - o ddiagnosteg a thrydanol i injans a gwasanaethu. Perffaith os ydych yn awyddus i weithio mewn garej, gwerthu ceir neu redeg eich busnes eich hun.
Os oes gennych lygad graff am fanylion a llaw gadarn, fe wnaiff ein cyrsiau atgyweirio wedi damweiniau a chwistrellu ceir eich addysgu sut i adfer cerbydau i’w hen ogoniant. Byddwch yn meistroli corff y cerbyd, weldio, ailorffen a gwaith paent gan ddefnyddio technegau ac offer o safon y diwydiant.
I’r rhai ohonoch sy’n breuddwydio am y trac rasio, mae ein cyrsiau chwaraeon modurol yn canolbwyntio ar beirianneg perfformiad uchel - o diwnio’r injan a gwaith paratoi’r car rasio i aerodynameg a pharatoi ar gyfer cystadleuaeth. Byddwch yn gweithio ar gerbydau rasio go iawn gan ennill profiad aiff â chi i ochr y trac.
I ble y gallwch fynd?
Gyda chymwysterau achrededig, gallwch wneud argraff ar gyflogwyr ar draws y diwydiant modurol - neu barhau i ddatblygu eich sgiliau gyda mwy o hyfforddiant.
P’un a ydych yn hoff o geir clasurol, beiciau modur, cerbydau trydan neu Formula 1, mae llwybr ar eich cyfer. Mae ein cyrsiau yn agor drysau i yrfaoedd mewn:
- Atgyweirio cerbydau a diagnosteg
- Corff y cerbyd ac ailorffen paent
- Peirianneg chwaraeon modur
- Chwistrellu ceir a’u hadfer
- Cynnal a chadw arbenigol, trydan a hybrid
Oriel
Nid wyf erioed wedi gwneud unrhyw waith ar geir o'r blaen, felly roeddwn yn nerfus yn dod i'r coleg, ond roedd pawb mor groesawgar. Mae'r cyfleusterau yma yn union fel garej fasnachol gyda llawer o geir i ni ymarfer arnynt. Rwyf wedi dysgu cymaint yn ystod blwyddyn!
Cymrwch y llyw, a llywio’ch gyrfa yn ei blaen
Os ydych yn caru ceir, mecaneg, neu chwaraeon modur, gyda’n hyfforddiant dan arweiniad arbenigwyr gallwch droi’ch angerdd yn broffesiwn.
P’un a ydych yn awyddus i atgyweirio, cynnal a chadw, neu newid cerbydau, gallwn eich helpu i gyrraedd y nod gyda’n hystod gyffrous o gyrsiau modurol llawn amser a rhan amser.