Ein Coleg

Pam dewis Coleg Gwent?

Credwn fod gan addysg y gallu i newid bywydau.

P'un a ydych chi newydd orffen yn yr ysgol, am wneud cynnydd yn eich gyrfa neu'n breuddwydio am ennill cymhwyster lefel prifysgol, dyma'r lle i chi.

Your college of choice

Fel coleg gorau Cymru o ran dewis, rydym yn falch o'n cyfraddau cyflawniad uchel, tiwtoriaid arbenigol a chefnogaeth ragorol i fyfyrwyr. Gyda phum campws bywiog ledled De Ddwyrain Cymru, mae'r cwrs delfrydol yn agosach nag oeddech chi’n ei feddwl.

O hyfforddiant ymarferol i ragoriaeth academaidd, rydym yn cynnig cyfleoedd go iawn, llwybrau cynnydd clir a'r holl anogaeth sydd ei hangen arnoch i lwyddo.

Yn bwysicach oll, rydym ni'n gymuned groesawgar a chynhwysol ble mae pawb yn perthyn. Felly, beth bynnag eich cefndir neu amcanion, rydym ni'n barod amdanoch.

7 mantais o astudio yn Coleg Gwent

1. Mae gennym ni'r ystod fwyaf o gyrsiau yng Nghymru

O Lefelau A i brentisiaethau, cyrsiau galwedigaethol i gymwysterau lefel prifysgol, mae gennym ni rywbeth i gyd-fynd â'ch diddordebau ac uchelgeisiau. Gyda chymaint o opsiynau, byddwch yn siŵr o ddod o hyd i'r cwrs delfrydol i gyd-fynd â'ch amcanion.

Darganfod mwy

2. Dysgu mewn cyfleusterau o'r radd flaenaf

Dyma gyfle i ddysgu mewn amgylcheddau sy'n efelychu gweithleoedd byd go iawn. Mae ein cyfleusterau safon diwydiant yn cynnwys labordai gwyddoniaeth, gweithdai adeiladu a gweithleoedd creadigol modern a gynlluniwyd i ddarparu profiad ymarferol i chi a'ch paratoi ar gyfer y dyfodol rydych chi wedi bod yn breuddwydio amdano erioed.

Darganfod mwy

3. Cael addysg o safon eithriadol gan diwtoriaid angerddol

Mae ein tiwtoriaid yn dod â chyfoeth o brofiad o'u diwydiannau. Maen nhw yma i'ch ysbrydoli, eich cyfeirio â'ch grymuso i lwyddo, p'un a ydych chi newydd ddechrau neu'n cymryd y cam nesaf yn eich gyrfa.

Darganfod mwy

4. Paratowch i ddyrchafu eich gyrfa

Rydym yn cydweithio â chyflogwyr blaenllaw i ddatblygu cyrsiau sy'n rhoi'r sgiliau a'r wybodaeth sydd eu hangen ar fusnesau. Byddwch yn dysgu â phwrpas – rhywbeth a fydd yn helpu meithrin eich hyder a chefnogi’ch amcanion gyrfaol.

Darganfod mwy

5. Ymuno â chymuned amrywiol

Ymunwch â chymuned amrywiol lle mae dysgwyr o bob oedran, cefndir a gallu yn dod ynghyd i gyflawni eu nodau. Mae croeso i bawb yn Coleg Gwent, a chaiff pawb eu gwerthfawrogi.

Darganfod mwy

6. Teimlo'n ddiogel ac wedi'ch cefnogi

O ganllawiau academaidd i les personol, mae ein tîm cymorth ymroddgar wrth law i'ch helpu. P'un a oes angen help arnoch wrth ymgartrefu neu gymorth wrth lywio heriau bywyd, byddwch yn gallu siarad â rhywun cyfeillgar pan fo angen.

Darganfod mwy

7. Ehangu'ch gorwelion drwy weithgareddau allgyrsiol

Mae bywyd yn Coleg Gwent yn mynd y tu hwnt i'r ystafell ddosbarth. Gallwch gymryd rhan mewn clybiau, cymdeithasau a gweithgareddau allgyrsiol, o chwaraeon i gerddoriaeth, er mwyn datblygu eich profiad a dod o hyd i bethau newydd i fod yn angerddol amdanynt.

Darganfod mwy