Yn gryno
Bydd y cwrs hyfforddiant gweithredwr Llwythwr Telesgopig Deunyddiau yn rhoi'r sgiliau i chi weithredu'r wagen fforch godi yn ddiogel ac yn effeithlon, cynnal arolygiad cyn defnyddio ac adalw ac esbonio'r hyn sy'n achosi ansefydlogrwydd ar gyfer y wagen fforch godi ac ansefydlogrwydd llwyth.
Caiff Trefnwyr Deunyddiau Telesgopig eu defnyddio’n helaeth ar draws y diwydiannau adeiladu ac amaeth o ganlyniad i’w natur amlbwrpasedd a’u gallu i symud llwythi o bob siâp a phob maint. Mae’r peiriannau, fel arfer, yn fwy amryddawn na wagen fforch godi wrthbwysedd lai o ganlyniad i’w gallu cyrraedd i fyny ac ymlaen a’i chapasiti codi uwch.
Ar ôl cwblhau'n llwyddiannus byddwch yn cael trwydded achrededig gan yr RTITB, sy'n ddilys am 3 blynedd.
Mae'r cwrs hwn ar gael fel rhan o Gyfrif Dysgu Personol (PLA). Menter gan Lywodraeth Cymru yw'r PLA sy'n cynnig cyfle i bobl gael mynediad at gyrsiau am ddim a rhan-amser gyda ffordd hyblyg a chyfleus o ddysgu sy'n cyd-fynd a'u ffordd o fyw bresennol (yn amodol ar gymhwysedd).
… y rhai sy’n 19+ oed, sy’n byw yng Nghymru, sydd mewn cyflogaeth, ac sy’n ennill yn llai na £35,796 y flwyddyn.
unrhyw un sy'n dymuno dilyn gyrfa ym meysydd diwydiant adeiladu neu'r diwydiant amaeth lle y defnyddir llwythwyr telesgopig yn rheolaidd.
Caiff y cwrs hyfforddiant ei gwblhau dros 5 diwrnod.
Erbyn diwedd y cwrs, dylech chi allu:
- Dangos gwybodaeth a dealltwriaeth am y peiriant a sut i'w weithredu'n ddiogel
- Darganfod ac adnabod prif gydrannau a phrif reolyddion y peiriant ac esbonio eu swyddogaethau
- Esbonio'r ffactorau sy'n effeithio ar sefydlogrwydd y wagen ac adnabod sut i gynnal sefydlogrwydd y wagen a'r llwyth
- Esbonio'r peryglon sydd ynghlwm a gorlwytho'r wagen a dangos sut i atal gorlwytho
- Cynnal pob gwyriad cyn gweithredu
- Cynnal pob gwiriad diogelwch angenrheidiol yn y maes gwaith
- Symud y peiriant yn ddiogel pan fydd yn llwythog a heb lwyth, ar draws tir amrywiol mewn ardaloedd agored ac ardaloedd caeedig ac ar lethrau
- Cyflawni tasgau codi a llwytho, gan ddefnyddio twr llwytho (sgaffaldiau) a/neu cerbyd ffordd
- Ffitio, addasu a/neu dynnu atodiadau
- Cyflawni pob gweithdrefn diwedd sifft a chau i lawr
Bydd gofyn i chi basio prawf theori ac asesiad gweithredydd ymarferol er mwyn cwblhau'r cwrs yn llwyddiannus.
Lefel sylfaenol o sgiliau darllen ac ysgrifennu Saesneg.
Argymhellir esgidiau diogelwch, ond nid yw hyn yn orfodol. Gan fod rhywfaint o hyfforddiant yn cael ei gwblhau yn yr awyr agored fe'ch cynghorir i wisgo'n briodol ar gyfer y tywydd.
Mae rhaglen PLA yn bwriadu darparu cyngor a chanllawiau gyrfa o safon i gyfranogwyr cyn, yn ystod ac ar ôl eu dysgu.
Cyn i chi gofrestru ar eich cwrs a ariennir gan PLA, bydd cynllun dysgu unigol yn cael ei drafod gyda chi i sicrhau bod y dysgu cywir wedi'i ystyried.
Bydd hyn yn cynnwys trafodaeth gyffredinol ar y pynciau canlynol:
- addysg ffurfiol neu gymwysterau mewn meysydd cysylltiedig
- profiad blaenorol o fewn y diwydiant neu faes
- dyheadau gyrfa
- ymroddiad amser angenrheidiol
Bydd hyn hefyd yn cynnwys trafodaeth benodol ar y meysydd isod ar gyfer y cwrs hwn:
- dyheadau gyrfa er mwyn sicrhau trwydded i wella cyfleoedd gwaith
- profiad blaenorol o wagenni fforch-godi
- hyfforddiant blaenorol neu dystysgrif a sicrhawyd yn y maes hwn
