En

AAT Uned Technegau Cyfrifeg Rheolaeth Lefel 3

Gallwch chi ddewis campws arall neu ddyddiad oddi ar y rhestr isod:

Gwybodaeth Allweddol

Subject Area

Maes Pwnc
Cyfrifeg, Busnes a’r Gyfraith

Lefel

Lefel
3

Dull Astudio
Dull Astudio
Rhan Amser (Noswaith)
Lleoliad

Lleoliad
Campws Dinas Casnewydd

Ffioedd

Ffioedd
I'w gadarnhau

Dyddiad Cychwyn

Dyddiad Cychwyn
10 Chwefror 2025

Dyddiau
Dyddiau
Dydd Llun a Dydd Mawrth
Hyd

Hyd
9 wythnos

Yn gryno

Mae Diploma Lefel 3 AAT mewn Cyfrifeg yn cynnig hyfforddiant technegol mewn cyfrifeg ac mae’n ddelfrydol i unrhyw un sy’n dymuno dilyn gyrfa mewn cyfrifeg cyllid.

Rydych chi’n prynu uned Technegau Cyfrifeg Rheolaeth o gwrs AAT Lefel 3 Diploma mewn Cyfrifyddu.

Mae’r cwrs Technegau Cyfrifeg Rheolaeth yn darparu’r wybodaeth a’r sgiliau angenrheidiol er mwyn deall rôl cyfrifeg rheolaeth mewn sefydliad a sut mae sefydliadau yn defnyddio gwybodaeth o’r fath i gynorthwyo â’r broses gwneud penderfyniadau.

Byddwch chi’n dysgu’r egwyddorion sy’n sail i fethodoleg a thechnegau cyfrifeg rheolaeth, sut mae sefydliadau’n trin costau a pham bod sefydliadau’n trin costau mewn ffyrdd gwahanol. Bydd modd i chi nodi dulliau gwahanol ar gyfer cyfrifeg rheolaeth a darparu beirniadaeth wybodus a rhesymegol i lywio rheolwyr. Byddwch chi hefyd yn dysgu sut i gymhwyso’r egwyddorion hyn a gwerthfawrogi pam bod cyfrifeg rheolaeth effeithiol yn hanfodol mewn sefydliadau.

Byddwch chi’n dysgu’r technegau angenrheidiol ar gyfer ymdrin â chostau uniongyrchol a refeniw a thrin costau gorbenion tymor byr. Byddwch chi hefyd yn dysgu’r technegau angenrheidiol ar gyfer gwneud penderfyniadau, defnyddio amcanbrisoedd, refeniw a llif arian. Byddwch chi’n dysgu sut i gyflawni gweithdrefnau yn unol â swyddogaeth ariannol mewn sefydliad yn y byd go iawn, gan gynnwys: dosrannu gorbenion cyllidebol a chynhyrchu cyfraddau adfer, cynnal dadansoddiadau amrywiant a chost-cyfaint-elw (CVP) sylfaenol, cyfrifo mesurau cyfalaf gwaith, cynhyrchu cyllidebau syml, monitro llif arian ac adrodd gwybodaeth gyfrifyddu.

Bydd gofyn i chi ddefnyddio taenlenni wrth gyfrifo, trin a dadansoddi data, adrodd a llunio rhagolygon. Bydd sgiliau megis defnyddio fformiwlau, adnoddau dadansoddi swyddogaethau data, didoli a hidlo, yn hanfodol ym maes cyfrifyddu er mwyn eich galluogi chi i gynnal cyfrifiadau cymhleth yn gyflym ac yn gywir. Ar ôl ei ddadansoddi, mae angen i’r data gael ei wirio’n gynhwysfawr a'i gyflwyno gan ddefnyddio ystod o ddulliau, er enghraifft, taenlen strwythuredig gan gynnwys tablau colynnu a siartiau.

Mae hwn yn gwrs ‘rholio-ymlaen / rholio i ffwrdd’ gyda dyddiadau cychwyn hyblyg. Rydym yn recriwtio myfyrwyr drwy gydol y flwyddyn.

Mae hwn hefyd yn gwrs dysgu cyfunol (cymysgedd o wyneb yn wyneb traddodiadol gydag athro mewn ystafell ddosbarth a gweithgareddau dysgu gan ddefnyddio technolegau digidol o gartref).

Mae’r cwrs hwn yn dilyn cwrs Tystysgrif Sylfaen AAT Lefel 2 a bydd yn eich galluogi chi i ennill sgiliau pellach ym maes cyfrifyddu.

Mae'r cwrs hwn ar gyfer...

… Ydych wedi cwblhau Tystysgrif Sylfaen Lefel 2 AAT mewn Cyfrifeg

… Ydych am ddatblygu eich sgiliau a'ch gwybodaeth ym maes cyfrifeg

… Ydych am weithio mewn lleoliad cyfrifeg

Cynnwys y cwrs

Byddwch yn gwella ar y sgiliau a wnaethoch eu datblygu o Dystysgrif Lefel 2 mewn Cyfrifeg ac yn ennill amrywiaeth o sgiliau cyfrifyddu hanfodol a chymhleth, gan gynnwys cynnal cofnodion cyfrifyddu costau a pharatoi adroddiadau a ffurflenni.

Mae'r Lefel 3 AAT mewn Cyfrifeg yn cynnwys pedair uned orfodol:

  • Ymwybyddiaeth Busnes – Byddwch yn dysgu am wahanol fathau o fusnesau, strwythurau, dulliau llywodraethu, a’r fframwaith cyfreithiol y maent yn gweithredu ynddo ac effaith yr amgylchedd micro a macro-economaidd
  • Cyfrifeg Ariannol: Paratoi Datganiadau Ariannol* - Byddwch yn dysgu sut i gymhwyso’r egwyddorion o gadw cyfrifon cofnod dwbl uwch, caffael a gwaredu asedau anghyfredol. Byddwch yn paratoi cyfrifiadau dibrisiant, addasiadau diwedd cyfnod ac yn cynhyrchu balans prawf estynedig.
  • Technegau Cyfrifo Rheolaeth - Byddwch yn dod i ddeall y pwrpas a’r defnydd o gyfrifo rheolaeth ac yn dysgu'r technegau costio a thaenlen sy’n angenrheidiol ar gyfer sefydliadau, yn ogystal â'r egwyddorion y tu ôl i reoli arian parod.
  • Prosesau Treth ar gyfer Busnes* - Byddwch yn archwilio ac yn cymhwyso gofynion y ddeddfwriaeth ar TAW, yn cyfrifo TAW, yn adolygu a dilysu’r broses o wneud ffurflenni treth yn ddigidol (MTD), yn dod i ddeall egwyddorion y gyflogres, ac yn astudio’r goblygiadau o wneud gwallau, ffeilio a thalu’n hwyr, a sut i adrodd am wybodaeth sy’n ymwneud â TAW

Trwy gyflwyno cais yma, rydych chi’n prynu uned Technegau Cyfrifeg Rheolaeth

Er mwyn ennill y cymhwyster Lefel 3 mewn Cyfrifeg, bydd angen i chi gwblhau pob un o'r pedwar modiwl uchod, gallwch brynu pob modiwl ar wahân.

*Er mwyn ennill y cymhwyster Lefel 3 mewn Cadw Cyfrifon, bydd angen i chi gwblhau’r ddau fodiwl gyda *, gallwch brynu pob modiwl ar wahân.

Gofynion Mynediad

  • Tystysgrif Lefel 2 mewn Cyfrifeg

neu

  • Cyfweliad gyda'r tiwtor os nad oes gennych yr uchod

Gwybodaeth Ychwanegol

Mae'r cwrs hwn yn rhedeg ar:

Ddydd Llun 9yb tan 5yh (rhannol yn y dosbarth ac yn rhannol ar-lein).

Neu

Ddydd Llun 5yh tan 6yh a dydd Mawrth 6yh tan 9yh (yn rhannol yn y dosbarth ac yn rhannol ar-lein).

Ar ôl cwblhau Lefel 3 mewn Cyfrifeg yn llwyddiannus gallwch fynd ymlaen at Ddiploma Lefel 4 AAT mewn Cyfrifeg y gallwch ei wneud yn llawn amser neu'n rhan-amser yn Coleg Gwent. Ar ôl ei gwblhau gallwch ymgymryd â rôl mewn cyllid.

Ar lwyddo i gwblhau’r cwrs Cadw Llyfrau Lefel 3, gallwch chi symud i’r cwrs AAT Lefel 3 mewn Cyfrifyddu drwy gwblhau’r ddwy uned ychwanegol – Ymwybyddiaeth Busnes a Thechnegau Cyfrifeg Rheolaeth.

Costau eraill:

Llyfrau tua £30 y modiwl

Cofrestriad AAT (yn daladwy i AAT) £240

Ble alla i astudio AAT Uned Technegau Cyfrifeg Rheolaeth Lefel 3?

NCDI0066EC
Campws Dinas Casnewydd
Rhan Amser (Noswaith)
Dyddiad Cychwyn: 10 Chwefror 2025

Efallai bydd y cwrs hwn ar gael ar ddyddiadau, amseroedd neu gampysau eraill, cliciwch i weld eich opsiynau.

Gall yr holl gyrsiau fod yn agored i newid a’u canslo os tybir nad yw’n bosib eu cynnal.

A oes gennych gwestiynau, neu’n ansicr ai hwn yw’r cwrs addas i chi?

Cysylltwch â’n Tîm Recriwtio Myfyrwyr