Coleg Gwent’s rising stars shine at WorldSkills UK competition

Mae wedi bod yn flwyddyn wych arall i Coleg Gwent yng nghystadlaethau WorldSkills UK. 

Mae ein dysgwyr dawnus unwaith eto wedi arddangos eu sgiliau eithriadol gan ennill gwobrau Aur, gwobrau Arian a gwobrau Clodfawr ar draws ystod o ddisgyblaethau.  

Yn ystod rownd derfynol eleni, cystadlodd myfyrwyr a phrentisiaid o ledled y wlad mewn ystod o ddisgyblaethau sy’n seiliedig ar sgiliau o golur creadigol i arlwyo a chynhyrchu’r cyfryngau i drin gwallt. 

Brwydrodd dros 400 o gystadleuwyr o ledled y DU i gael eu coroni’n ‘bencampwr sgiliau’ yn eu meysydd arbenigol a llwyddodd 16 o’n dysgwyr i gyrraedd y rownd derfynol.  

Enillodd ein dysgwyr gyfanswm o 12 o fedalau, gan atgyfnerthu safle Coleg Gwent ymhlith y deg coleg gorau ar draws y DU ar gyfer hyfforddiant sgiliau gan orffen yn safle pump yn gyffredinol.

Dyma rai o’n pencampwyr sgiliau  

• Ailorffen Modurol: Llwyddodd Teagan i greu argraff da trwy ei sgiliau ym maes paentio a gorffen cerbyd gan gynhyrchu canlyniadau anhygoel a adlewyrchodd safonau’r diwydiant.

• Colur Masnachol: Roedd ein hartist colur dan hyfforddiant, Madison, Tierny and Jessie, yn gallu greu argraff gwych ar y beirniaid gan allu creu gweddau proffesiynol ac artistig.

• Sgiliau Sylfaenol: Gwasanaethau Bwyty: Disgleiriodd doniau Cameron ym meysydd gwasanaeth i gwsmeriaid, gosod bwrdd a rheolaeth.

• Sgiliau Sylfaenol: Mentergarwch: Dangosodd Jay, Kai and Brandon sgiliau gwaith tîm ardderchog i greu prosiect ysbrydoledig â thema gynaliadwy.

• Trin Gwallt:Dangosodd Mozhdeh sgiliau creadigol a thechnegol o ran torri, steilio a lliwio gwallt i greu gweddau ffasiynol. 

Ers 2012, rydym wedi bod yn falch o gefnogi llawer o ddysgwyr ar eu taith trwy gystadlaethau WorldSkills.  

Dywedodd Richard Wheeler, Rheolwr Cystadleuaeth Sgiliau:

“Rwyf mor falch, unwaith eto, o weld ein dysgwyr yn llwyddo yng nghystadlaethau WorldSkills UK 2024. Mae eu cyflawniadau neilltuol yn dyst i’w hymroddiad a’u gwaith caled.

 Yn ogystal â bod yn syfrdanol, mae’r sgiliau y maent wedi’u datblygu trwy hyfforddiant ac ymarfer hefyd yn hanfodol ar gyfer eu gyrfaoedd yn y dyfodol. Mae’r cystadlaethau hyn wedi rhoi’r arbenigedd technegol, y sgiliau datrys problemau a’r hyder angenrheidiol i fynd yn bell yn eu dewis feysydd. 

Mae ein dysgwyr yn dyst i’r safonau uchel addysg a hyfforddiant rydym yn anelu at eu darparu ac ni allwn fod yn fwy balch o’u cyflawniadau.” 

Mae’r rhestr lawn o’r gwobrau a enillwyd gan fyfyrwyr Coleg Gwent ar gael isod: 

• Teagan Whiteman, Auto Paint – Efydd 

• Matthew Ford, Auto Tech – Arian  

• Tierney Parker, Colur Masnachol – Arian  

• Madison Harrhy, Colur Masnachol – Efydd  

• Jessie Hall-Horsefield, Colur Masnachol – Canmoliaeth Uchel  

• Mozhedeh Zarrinderskht, Trin gwallt – Canmoliaeth Uchel 

• Cameron Greenslade-Webb, Gwasanaeth Bwytai Sylfaen – Arian  

• Jay Thomas, Menter Sylfaen – Arian  

• Kai Moreton, Menter Sylfaen – Arian  

• Brandon Furley, Menter Sylfaen – Arian  

• Max Seabourne, Gwaith Coed Sylfaen – Aur  

• Jayden Davies, Gwaith Coed Sylfaen – Efydd 

Ymunwch â ni wrth ddathlu cyflawniadau neilltuol ein dysgwyr.