Yn gryno
Ardystiedig gan Microsoft: Gweinydd Cronfeydd Data - Cydymaith yw ardystiad lefel canol sydd yn dilysu eich gallu i reoli a chynnal datrysiadau cronfa data cwmwl-frodorol (cloud-native) a hybrid gan ddefnyddio gwasanaethau Microsoft Azure SQL ac SQL Server.
Mae’r cwrs hwn ar gael fel rhan o Gyfrif Dysgu Personol (PLA). Mae PLA yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser, rhad ac am ddim sydd â ffyrdd hyblyg a chyfleus o ddysgu sy’n addas i’w ffordd o fyw presennol.
...unrhyw un dros 19 oed, sy'n byw yng Nghymru ac mewn cyflogaeth. Nid yw'r terfyn cyflog o £34,303 yn berthnasol i'r cwrs hwn.
... gweithwyr proffesiynol sy'n rheoli a chynnal datrysiadau SQL-seiliedig mewn amgylcheddau cwmwl, ar-y-safle neu hybrid.
Cyflwynir y cwrs hwn gan ystafell ddosbarth rithwir. Mae ystafelloedd dosbarth rhithwir yn cyfateb i gyrsiau ystafell ddosbarth wyneb yn wyneb, ond yn cael eu cyflwyno mewn amgylchedd ar-lein.
Hyd y Cwrs: 4 Diwrnod
Mae pwyntiau dysgu allweddol y cwrs yn cynnwys:
- Gynllunio a gweithredu adnoddau platfform data
- Rhoi amgylchedd diogel ar waith
- Monitro ac optimeiddio adnoddau gweithredol
- Optimeiddio perfformiad ymholi
- Awtomeiddio tasgau
- Cynllunio a gweithredu argaeledd uchel ac adferiad wedi digwyddiad difrifol
Dylai mynychwyr feddu ar brofiad proffesiynol a gwybodaeth dechnegol sy'n gyfwerth a’r cymwysterau Azure Fundamentals ac Azure Data Fundamentals, cynefindra sylfaenol o blatfform Azure a sgiliau ymholi T-SQL sylfaenol.
Bydd angen mynediad i'r rhyngrwyd, cyfrifiadur Windows a gwe-gamera/meicroffon arnoch.
Mae rhaglen PLA yn bwriadu darparu cyngor a chanllawiau gyrfa o safon i gyfranogwyr cyn, yn ystod ac ar ôl eu dysgu.
Cyn i chi gofrestru ar eich cwrs a ariennir gan PLA, bydd cynllun dysgu unigol yn cael ei drafod gyda chi i sicrhau bod y dysgu cywir wedi'i ystyried.
Bydd hyn yn cynnwys trafodaeth gyffredinol ar y pynciau canlynol:
- addysg ffurfiol neu gymwysterau mewn meysydd cysylltiedig
- profiad blaenorol o fewn y diwydiant neu faes
- dyheadau gyrfa
- ymroddiad amser angenrheidiol
