AWS Certified Peiriannydd Dysgu Peirianyddol - Cydymaith

Yn gryno

Bydd yr ardystiad hwn yn dilysu eich gallu i sefydlu, gweithredu a rheoli datrysiadau dysgu peirianyddol (machine learning - ML) gan ddefnyddio gwasanaethau ar AWS (Amazon Web Services) megis SageMaker. Cynlluniwyd ef ar gyfer gweithwyr proffesiynol sydd yn meddu ar brofiad ymarferol o gylch bywyd ML, o baratoi data i fonitro modelau.

Mae'r cwrs hwn ar gael fel rhan o’r Cyfrif Dysgu Personol (Personal Learning Account - PLA). Menter gan Lywodraeth Cymru yw'r PLA sy'n cynnig cyfle i bobl gael mynediad at gyrsiau rhan-amser ac am ddim gyda dysgu hyblyg a chyfleus sy'n cyd-fynd â'u ffordd o fyw bresennol (yn amodol ar gymhwysedd).

Mae'r cwrs hwn ar gyfer...

Unrhyw un 19 oed neu'n hŷn sy’n byw yng Nghymru ac mewn cyflogaeth. Nid yw'r terfyn cyflog o £32,371 yn berthnasol i'r cwrs hwn.

... weithwyr proffesiynol sydd eisoes yn arbrofi ag (neu sydd â mwy o brofiad o) ML a'r cwmwl

... Peirianwyr Dysgu Peirianyddol, Peirianwyr neu Ddatblygwyr Meddalwedd, Gweithwyr Proffesiynol Technegol ayyb.

Cynnwys y cwrs

Caiff y cwrs ei gyflwyno drwy ystafell ddosbarth rithwir. Mae ystafelloedd dosbarth rhithwir yn gyfwerth â chyrsiau wyneb yn wyneb mewn ystafelloedd dosbarth, ond caiff eu cyflwyno mewn amgylchedd ar-lein.

Hyd y Cwrs: 3 Diwrnod

Drwy gydol y cwrs byddwch yn dysgu:

• Paratoi Data
• Datblygu Modelau
• Trefniant a Gosodiad
• Monitro, Cynnal a Chadw a Diogelwch

Gofynion Mynediad

Rhaid i chi feddu ar ddwy flynedd (neu fwy) o brofiad o ddatblygu, pensaernïo a rhedeg llwythi gwaith ML neu ddysgu dwfn ar AWS

Rhaid i chi fod â mynediad at y rhyngrwyd, cyfrifiadur Windows a gwegamera/meicroffon.

Gwybodaeth Ychwanegol

Nod y rhaglen PLA yw darparu cyngor a chyfarwyddyd gyrfaol o ansawdd uchel i gyfranogwyr cyn, yn ystod ac ar ôl eu haddysg.

Cyn cofrestru ar gyfer eich cwrs a ariennir gan PLA, byddwn yn trafod cynllun dysgu personol â chi i sicrhau eich bod wedi ystyried y llwybr addysg sydd mwyaf addas i chi.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd perthnasol
• profiad blaenorol yn y diwydiant neu faes
• dyheadau gyrfa
• neilltuo'r amser sydd ei angen i gwblhau'r cwrs