NCFE CACHE Cefnogi Addysgu a Dysgu mewn Ysgolion Lefel 3

Yn gryno

Mae cymorth yn yr ystafell ddosbarth yn hanfodol er mwyn helpu plant i gyrraedd eu potensial llawn ac os yw gweithio mewn rôl cymorth yn apelio atoch chi, bydd y cwrs hwn yn rhoi’r wybodaeth angenrheidiol i chi.

Mae’r cymhwyster hwn yn rhoi dealltwriaeth ddwfn i ddysgwyr o’r wybodaeth a’r sgiliau y mae eu hangen wrth weithio’n uniongyrchol â phlant a phobl ifanc mewn ysgolion a cholegau. Mae’n cynnwys pob agwedd ar gymorth arbenigol gan gynnwys cynllunio; cyflwyno ac adolygu strategaethau asesu i gefnogi dysgu ochr yn ochr â’r athro/athrawes; cymorth dwyieithog; cymorth anghenion arbennig; datblygiad personol ac ymarfer myfyriol.

Disgwylir i chi ennill profiad ymarferol mewn rolau sy’n cefnogi dysgu disgyblion mewn ysgolion cynradd, ysgolion uwchradd neu ysgolion Anghenion Dysgu Ychwanegol, yn ogystal â cholegau, am 1 diwrnod yr wythnos, fel cyflogai neu fel gwirfoddolwr. Os ydych chi’n astudio’n rhan-amser, mae’n bwysig i chi drefnu eich lleoliad gwaith cyn cofrestru.

Mae'r cwrs hwn ar gyfer...

…os hoffech chi weithio gyda phlant neu bobl ifanc mewn sefyllfa ystafell ddosbarth

…hoffech chi fod yn gynorthwy-ydd ystafell ddosbarth neu’n gynorthwy-ydd dysgu a chymorth

Cynnwys y cwrs

Mae’r cwrs yn cydnabod y gwaith cymorth hanfodol a gyflawnir mewn ysgolion a cholegau ac mae wedi’i ddylunio i helpu dilyniant a throsglwyddo ar draws gweithlu’r plant mewn ysgolion a cholegau. Byddwch chi’n cwblhau 16 o unedau gorfodol, 7 uned wybodaeth yn unig a 9 uned sy’n gyfuniad o wybodaeth ac ymarfer. Caiff rhai eu hasesu yn eich lleoliad gwaith ysgol/coleg a bydd angen i chi lunio aseiniadau ysgrifenedig ar gyfer y mwyafrif o’r unedau.

Caiff pob uned ei hasesu ar wahân trwy ystod o ddulliau asesu.

Mae’r cwrs hwn yn ychwanegu cymorth ar gyfer dilyniant a throsglwyddo ar draws gweithlu’r plant mewn ysgolion.

Gofynion Mynediad

Ar y lefel hon, dylech chi fod wedi cwblhau:

4 x cymhwyster TGAU gradd C ac uwch, neu gwrs Cymorth, Dysgu ac Addysgu, neu gwrs ESOL Lefel 1, neu gwrs CCPLD Lefel 2.

Mae’n rhaid i ddysgwyr allu bodloni gofynion y deilliannau dysgu a meddu ar sgiliau llythrennedd a rhifedd angenrheidiol i gwblhau’r cwrs. Os nad ydych chi’n meddu ar y cymwysterau uchod ond rydych chi’n meddu ar brofiad helaeth o weithio ym maes addysg, gallwn drafod eich opsiynau yn ystod y cyfweliad mynediad.

Cynhelir cyfweliad mynediad gydag Arweinwyr y Cwrs i egluro hyn ar gyfer Cymorth Dysgu ac Addysgu i sicrhau eich bod chi ar y cwrs cywir.

Gwybodaeth Ychwanegol

Ar ôl i chi ennill eich lle, bydd gofyniad i chi gwblhau gwiriad gan y Gwasanaeth Datgelu a Gwahardd trwy’r coleg.