BTEC Diploma Sylfaen Genedlaethol mewn Busnes Lefel 3

Yn gryno

Byddwch yn astudio ystod eang o feysydd busnes i’ch paratoi am yrfa neu i astudio busnes ymhellach.

Dyma'r cwrs i chi os...

... Oes gennych ysbryd entrepreneuraidd a natur ragweithiol.

... Ydych eisiau gwella eich cyfleoedd am gyflogaeth yn y sector cyhoeddus ynghyd ag arbenigedd busnes.

... Oes gennych ddiddordeb mawr yn y byd busnes.

Beth fyddaf yn ei wneud?

Byddwch yn cwblhau prosiectau ac aseiniadau sy'n seiliedig ar sefyllfaoedd, gweithgareddau a gofynion gweithle go iawn. Byddwch yn canolbwyntio ar faes pwnc penodol ac yn datblygu ystod o sgiliau a gwybodaeth arbenigol.

Byddwch yn astudio unedau craidd yn eich blwyddyn gyntaf, ac yna'n symud ymlaen at y Ddiploma Estynedig yn eich ail flwyddyn. Byddwch yn astudio ystod eang o bynciau busnes, a fydd yn cael eu hasesu drwy gyfuniad o arholiadau allanol ac aseiniadau wedi’u hasesu’n fewnol.

Blwyddyn 1

Unedau gorfodol:

• Datblygu Ymgyrch Marchnata (arholiad)
• Cyllid Personol a Busnes (arholiad)
• Archwilio Busnes
• Rheoli Digwyddiad

Gall unedau dewisol gynnwys:

• Recriwtio a Dethol
• System Gyfreithiol Lloegr
• Marchnata Gweledol

Blwyddyn 2

Unedau gorfodol:

• Egwyddorion Rheoli (arholiad)
• Gwneud Penderfyniadau Busnes (arholiad)
• Busnes Rhyngwladol

Gall unedau dewisol gynnwys:

• Meithrin Tîm mewn Busnes
• Hyrwyddo Cynnyrch Creadigol
• Brandio

Erbyn diwedd y cwrs, byddwch wedi cyflawni:

• Diploma Estynedig Lefel 3 mewn Busnes
• Gweithgareddau Sgiliau
• Mathemateg a Saesneg
• Cymwysterau perthnasol eraill i gyfoethogi eich cyfuniad o sgiliau

Beth a ddisgwylir ohonof i?

I gael mynediad, bydd angen i chi gael o leiaf 5 TGAU gradd C neu uwch arnoch gan gynnwys Mathemateg/Mathemateg Rhifedd a Saesneg / Cymraeg Iaith Gyntaf neu gymhwyster diploma Lefel 2 priodol ar radd teilyngdod gyda TGAU i gynnwys Mathemateg/Mathemateg Rhifedd, Saesneg / Cymraeg Iaith Gyntaf gradd C neu uwch.

Bydd angen i chi ymrwymo’n llawn i fod yn bresennol, parchu eraill, dangos brwdfrydedd am y pwnc a chael hunan-gymhelliant. Cewch eich asesu’n barhaus drwy aseiniadau ymarferol, asesiadau ysgrifenedig, cyflwyniadau a gwaith portffolio ac mae yna ddisgwyliadau i chi barhau â’ch astudiaethau a’ch gwaith cwrs yn eich amser eich hun.

Beth sy'n digwydd nesaf?

Bydd cwblhau’r Diploma Sylfaen Blwyddyn 1 yn llwyddiannus yn eich caniatáu i fynd ymlaen i'r ail flwyddyn a chwblhau'r Diploma Estynedig L3 llawn. Wedi hynny, mae llwybrau dilyniant yn cynnwys:

• Addysg Uwch mewn pynciau sy’n ymwneud â busnes, fel Gradd Sylfaen mewn Busnes yn Coleg Gwent
• Cyfleoedd cyflogaeth yn y sector cyhoeddus yn ogystal â mewn meysydd arbenigedd busnes fel cyllid, adnoddau dynol, rheoli, marchnata neu yrfa arall sy’n gysylltiedig â busnes.

Gwybodaeth Ychwanegol

Bydd disgwyl i chi wneud cyfraniad bychan tuag at deithiau a gweithgareddau menter, a all gostio hyd at £50.00. Gall fod cost ychwanegol o £20 ar gyfer ffeiliau/cof bach.

Rydym yn cefnogi profiad gwaith yn unol â’r cwricwlwm.