UAL Diploma mewn Celfyddydau Perfformio a Chynhyrchu Lefel 3

Yn gryno

Mae hwn yn gwrs ymarferol sy’n ymgorffori modiwlau dawns, actio a chanu. Gallech hefyd brofi rhai o elfennau technegol perfformio, fel goleuo a chynllunio setiau. 

Dyma'r cwrs i chi os...

... Oes gennych ddiddordeb mewn gyrfa yn y celfyddydau perfformiadol
... Ydych eisiau symud ymlaen i addysg uwch yn y celfyddydau perfformiadol
... Ydych yn berfformiwr hyderus a brwdfrydig

Beth fyddaf yn ei wneud?

Mae’r cwrs yma yn addas ar gyfer dysgwyr sy’n symud ymlaen o gyrhaeddiad ar lefel TGAU, neu o gwrs Lefel 2 perthnasol sy’n mwynhau:

• Gweithio fel rhan o grwp
• Canu
• Dawnsio
• Actio

Mae’r aseiniadau yn rhai ymarferol, â gwaith ysgrifenedig yn ategu’r sgiliau a ddatblygir gan fyfyrwyr celfyddydau perfformiadol. Bydd ymchwil i bynciau cyfredol, hanesyddol ac ymarferwyr yn helpu i lunio eich perfformiadau dyfeisiedig a chyfeiriedig.  

Byddwch yn cymryd rhan mewn amrywiaeth o berfformiadau yn ystod y flwyddyn fel rhan o’ch cwrs, megis:

• Dramâu
• Darnau dyfeisiedig
• Monologau
• Sioeau cerdd.

Mae’r cyfleusterau yn cynnwys theatr bwrpasol, stiwdio ddrama, stiwdio ddawns a man ymarfer. Mae myfyrwyr yn mynd ar dripiau rheolaidd i weld perfformiadau, gweithdai a siaradwyr.  

Asesir y cwrs yma yn barhaus, trwy aseiniadau ymarferol ac ysgrifenedig, cyflwyniadau, perfformiadau a phortffolios gwaith. Ar ôl ei gwblhau byddwch yn cyflawni:

• Celfyddydau Perfformiadol Lefel 3
• Gweithgareddau Sgiliau
• Mathemateg a Saesneg
• Cymwysterau perthnasol eraill i hybu eich set sgiliau

Beth a ddisgwylir ohonof i?

Er mwyn bod yn gymwys ar gyfer y cwrs yma, bydd angen o leiaf 5 TGAU Gradd C neu uwch arnoch, gan gynnwys naill ai Mathemateg/Llythrennedd mewn Mathemateg neu Saesneg/Cymraeg Iaith Gyntaf, neu gymhwyster Diploma Lefel 2 gyda Gradd Teilyngdod  a TGAU yn cynnwys naill ai Mathemateg/Llythrennedd mewn Mathemateg neu Saesneg/Cymraeg Iaith Gyntaf Gradd C neu uwch.

Mae diddordeb brwd yn y celfyddydau perfformiadol a pharodrwydd i ymarfer y tu allan i amser coleg yn hanfodol. Mae ymroddiad llwyr i bresenoldeb yn ofynnol, ynghyd â pharch at eraill, brwdfrydedd dros y pwnc, hunanysgogiad, gallu creadigol ac awydd i lwyddo.

Beth sy'n digwydd nesaf?

Bydd cwblhau diploma 90-credyd Blwyddyn 1 yn eich galluogi i symud ymlaen i’r ail flwyddyn a chwblhau’r Diploma Estynedig llawn.

O’r fan honno, mae llwybrau cynnydd yn cynnwys:

• Gradd Sylfaen mewn Celfyddydau Perfformiadol (ar gael ar Gampws Crosskeys)
• Cyrsiau gradd a HND mewn drama neu theatr gerdd
• Gwaith fel perfformiwr neu dechnegydd

Gwybodaeth Ychwanegol

Mae clyweliad yn ofynnol fel rhan o ofynion mynediad y cwrs.