Cynllun Cerdyn Bws Coleg Gwent – Teithio’n Gallach. Talu Llai!
Gwnewch gais nawr am eich Cerdyn Bws Coleg Gwent i arbed arian a helpu gwneud teithio i’r Coleg yn haws ac yn fwy hyblyg.
Mae Fy Ngherdyn Teithio Llywodraeth Cymru yn rhoi mynediad i docynnau sengl £1 neu docynnau dydd am £3, ond peidiwch â stopio yno – gallwn ni eich helpu i arbed mwy.
Rydym wedi cydweithio â chynghorau lleol, cwmnïau bysiau a Trafnidiaeth Cymru fel bod ein cerdyn Bws Coleg Gwent yn gweithio gyda Fy Ngherdyn Teithio i roi’r fargen orau bosibl i chi!
Mwy o lwybrau, mwy o ostyngiadau, mwy o hyblygrwydd. GWNEWCH GAIS AM CERDYN BWS COLEG GWENT a CHAEL MWY AM EICH ARIAN.
Mae Cerdyn Bws Coleg Gwent yn rhoi mwy i chi
Os ydych ond yn defnyddio eich Fy Ngherdyn Teithio, efallai y byddwch yn colli rhai manteision mawr:
£1 yn mynd â chi ymhellach! – Drwy hefyd ddefnyddio tocyn cerdyn bws Coleg Gwent, gallwch neidio ymlaen ac i ffwrdd unrhyw fws o fewn 90 munud am ddim ond £1. Angen newid bysiau i gyrraedd y coleg? Dim problem! Heb docyn bws Coleg Gwent, byddwch yn talu £1 am bob bws rydych yn ei gymryd, hyd yn oed os yw’n rhan o’r un daith. Mae hynny’n cynyddu’n gyflym!
Efallai fod teithio am ddim yn bosibl i chi! – Os ydych yn dysgwr sy’n byw ym Mwrdeistref Sirol Caerffili, neu os ydych yn wynebu heriau ariannol ac yn byw mewn unrhyw un o’n pum ardal awdurdod lleol, efallai y gallwch gael teithio am ddim. Mae ffi weinyddol fechan fesul tymor yn berthnasol.
Mynediad gwarantedig i rwydwaith teithio Coleg Gwent sy’n cwmpasu’r pum campws.
Newydd ar gyfer 2025/26 – Dim ffioedd ymlaen llaw i gael mynediad at y tâl £1.
Sut i wneud cais am docyn bws Coleg Gwent
Cam 1: Ble bynnag rydych yn byw, dechreuwch drwy wneud cais am Fy Ngherdyn Teithio. Ni fydd eich cerdyn bws Coleg Gwent yn ddilys tan fod gennych eich Fy Ngherdyn Teithio.
Ewch i mytravelpass.tfw.wales/cy neu ffoniwch 0300 200 2233
Cam 2: Y camau nesaf yn dibynnu ar ble rydych yn byw:
Oed 16 i 18 ac yn byw yng Nghasnewydd, Torfaen, Caerffili neu Flaenau Gwent
Gwnewch gais i’ch awdurdod lleol am gymorth cerdyn bws (gweler manylion isod). Efallai y bydd rhai awdurdodau lleol yn gofyn i chi greu cyfrif gyda nhw cyn gwneud cais.
Cyngor Bwrdeistref Sirol Blaenau Gwent
www.blaenau-gwent.gov.uk | 01495 311556
Cyngor Bwrdeistref Sirol Caerffili
www.caerphilly.gov.uk | 01443 864841
Cyngor Dinas Casnewydd
www.newport.gov.uk | 01633 656656
Cyngor Bwrdeistref Sirol Torfaen
www.torfaen.gov.uk | 01495 766919
Ar ôl i’ch cais gael ei gymeradwyo gan eich awdurdod lleol, ewch i Wasanaethau Dysgwyr pan fyddwch yn cofrestru i gasglu eich tocyn bws.
Dysgwr Cyngor Bwrdeistref Sirol Caerffili? Dim ond £10 fesul tymor fyddwch yn talu am y ffi weinyddol, a bydd teithio yn rhaddol am ddim diolch i gyllid y cyngor.
Oed 16 i 21 ac yn byw yn Sir Fynwy
Gwnewch gais am cerdyn bws Coleg Gwent wrth gofrestru, casglwch eich cerdyn bws am y tymor gan y Gwasanaethau Dysgwyr a dechreuwch deithio am £1 y daith.
Oed 19 i 21 ac yn byw yng Nghasnewydd, Torfaen, Caerffili neu Flaenau Gwent
Gwnewch gais am cerdyn bws Coleg Gwent wrth gofrestru, casglwch eich cerdyn bws am y tymor gan y Gwasanaethau Dysgwyr a dechreuwch deithio am £1 y daith.
Oed 16 i 18 ac wedi cael eich gwrthod cymorth trafnidiaeth gan eich awdurdod lleol
Gwnewch gais am cerdyn bws Coleg Gwent wrth gofrestru, casglwch eich cerdyn bws am y tymor gan y Gwasanaethau Dysgwyr a dechreuwch deithio am £1 y daith.
Oed dros 21
Gallwch ymuno o hyd! Talu £40 fesul tymor am docyn bws Coleg Gwent a theithio am £1.50 y daith.
Angen cymorth gyda’ch costau teithio?
Os yw arian yn brin, gallwch wneud cais am gymorth gan y Grŵp wrth Gefn Ariannol – efallai y byddwch yn gymwys i gael teithio am ddim (dim ond ffi tymhorol fach am y tocyn).
Mae ceisiadau ar gyfer 2025/26 bellach ar gael ar Borth CG
E-bost: financesupport@coleggwent.ac.uk
Ffôn: 01495 333777
Nodyn: Mae pob cymorth ariannol yn dibynnu ar gyllid sydd ar gael a chymhwyster. Nid oes dim yn cael ei warantu nes byddwch wedi cael cadarnhad ysgrifenedig.
Nodyn: pob cymorth ariannol yn dibynnu ar gyllid sydd ar gael a chymhwyster. Nid oes dim yn cael ei warantu nes byddwch wedi cael cadarnhad ysgrifenedig.
Eisiau gwirio amseroedd bysiau?
Ewch i www.traveline.info neu ffoniwch 0871 200 2233 am y llwybrau a’r amserlenni diweddaraf.
Grantiau a Thrafnidiaeth Coleg Gwent
(Noder y diweddarwyd LCA i £40 yr wythnos ar gyfer 2025/26, a delir bob pythefnos)
